श्री वेंकटेश्वर मंगळाशासनं

శ్రియః కాంతాయ కళ్యాణ నిధయే నిధయేఽర్థినామ్

శ్రీ వేంకట నివాసాయ శ్రీనివాసాయ మంగళమ్

లక్ష్మీ సవిభ్రమాలోక సుభ్రూ విభ్రమ చక్షుషే

చక్షుషే సర్వలోకానాం వేంకటేశాయ మంగళమ్

శ్రీ వేంకటాద్రి శృంగాగ్ర మంగళాభరణాంఘ్రయే

మంగళానాం నివాసాయ శ్రీనివాసాయ మంగళమ్

సర్వావయవ సౌందర్య సంపదా సర్వచేతసామ్

సదా సమ్మోహనాయాస్తు వేంకటేశాయ మంగళమ్

నిత్యాయ నిరవద్యాయ సత్యానంద చిదాత్మనే

సర్వాంతరాత్మనే శ్రీమద్వేంకటేశాయ మంగళమ్

స్వత స్సర్వవిదే సర్వ శక్తయే సర్వశేషిణే

సులభాయ సుశీలాయ వేంకటేశాయ మంగళమ్

పరస్మై బ్రహ్మణే పూర్ణ కామాయ పరమాత్మనే

ప్రయుంజే పరతత్త్వాయ వేంకటేశాయ మంగళమ్

ఆకాలతత్త్వ మశ్రాంత మాత్మనామనుపశ్యతామ్

అతృప్త్యమృత రూపాయ వేంకటేశాయ మంగళమ్

ప్రాయః స్వచరణౌ పుంసాం శరణ్యత్వేన పాణినా

కృపయాఽఽదిశతే శ్రీమద్వేంకటేశాయ మంగళమ్

దయామృత తరంగిణ్యాః తరంగైరివ శీతలైః

అపాంగైః సించతే విశ్వం వేంకటేశాయ మంగళమ్

స్రగ్భూషాంబర హేతీనాం సుషమాఽఽవహ మూర్తయే

సర్వార్తి శమనాయాస్తు వేంకటేశాయ మంగళమ్

శ్రీవైకుంఠ విరక్తాయ స్వామి పుష్కరిణీ తటే

రమయా రమమాణాయ వేంకటేశాయ మంగళమ్

శ్రీమత్సుందరజామాతృ మునిమానస వాసినే

సర్వలోక నివాసాయ శ్రీనివాసాయ మంగళమ్

మంగళాశాసన పరైః మదాచార్య పురోగమైః

సర్వైశ్చ పూర్వైరాచార్యైః సత్కృతాయాస్తు మంగళమ్

श्रियः कांताय कळ्याण निधये निधयेऽर्थिनाम्

श्री वेंकट निवासाय श्रीनिवासाय मंगळम्

लक्ष्मी सविभ्रमालोक सुभ्रू विभ्रम चक्षुषे

चक्षुषे सर्वलोकानां वेंकटेशाय मंगळम्

श्री वेंकटाद्रि शृंगाग्र मंगळाभरणांघ्रये

मंगळानां निवासाय श्रीनिवासाय मंगळम्

सर्वावयव सौंदर्य संपदा सर्वचेतसाम्

सदा सम्मोहनायास्तु वेंकटेशाय मंगळम्

नित्याय निरवद्याय सत्यानंद चिदात्मने

सर्वांतरात्मने श्रीमद्वेंकटेशाय मंगळम्

स्वत स्सर्वविदे सर्व शक्तये सर्वशेषिणे

सुलभाय सुशीलाय वेंकटेशाय मंगळम्

परस्मै ब्रह्मणे पूर्ण कामाय परमात्मने

प्रयुंजे परतत्त्वाय वेंकटेशाय मंगळम्

आकालतत्त्व मश्रांत मात्मनामनुपश्यताम्

अतृप्त्यमृत रूपाय वेंकटेशाय मंगळम्

प्रायः स्वचरणौ पुंसां शरण्यत्वेन पाणिना

कृपयाऽऽदिशते श्रीमद्वेंकटेशाय मंगळम्

दयामृत तरंगिण्याः तरंगैरिव शीतलैः

अपांगैः सिंचते विश्वं वेंकटेशाय मंगळम्

स्रग्भूषांबर हेतीनां सुषमाऽऽवह मूर्तये

सर्वार्ति शमनायास्तु वेंकटेशाय मंगळम्

श्रीवैकुंठ विरक्ताय स्वामि पुष्करिणी तटे

रमया रममाणाय वेंकटेशाय मंगळम्

श्रीमत्सुंदरजामातृ मुनिमानस वासिने

सर्वलोक निवासाय श्रीनिवासाय मंगळम्

मंगळाशासन परैः मदाचार्य पुरोगमैः

सर्वैश्च पूर्वैराचार्यैः सत्कृतायास्तु मंगळम्