BhaktiVed
कृष्ण

मेरे तो गिरिधर गोपाल दूसरो न कोई

भजनरचना: मीराबाई (Meera Bai)
लिपि
फ़ॉन्ट साइज़

इस पाठ की संपादकीय समीक्षा आवश्यक है।

संपादकीय समीक्षा · समीक्षा आवश्यक

समीक्षा दर्ज होने पर उसकी तारीख दिखाई जाती है। लिपि बदलना अनुवाद नहीं है। परंपराओं में पाठांतर हो सकते हैं।

मेरे तो गिरिधर गोपाल, दूसरो न कोई।

जाके सिर मोर मुकुट, मेरो पति सोई॥

तात मात भ्रात बन्धु, आपनो न कोई।

छाँड़ि दई कुल की कानि, कहा करिहै कोई॥

संतन ढिग बैठि बैठि, लोक लाज खोई।

चुनरी के किये टूक, ओढ़ लीन्ही लोई॥

मोती मूँगे उतार, बनमाला पोई।

अँसुवन जल सींचि सींचि, प्रेम बेलि बोई॥

अब तो बेल फैल गई, आनँद फल होई।

दूध की मथनियाँ, बड़े प्रेम से बिलोई॥

माखन जब काढ़ि लियो, छाछ पिये कोई।

भगति देखि राजी हुई, जगत देखि रोई॥

दासी मीरा लाल गिरिधर, तारो अब मोही।

मेरे तो गिरिधर गोपाल, दूसरो न कोई॥

ये भी पढ़ें