BhaktiVed
वेंकटेश्वर

బ్రహ్మమొక్కటే పరబ్రహ్మమొక్కటే

संकीर्तनरचना: అన్నమాచార్య (Annamacharya)Raga Bowli; sung as a bhajan with clap taal
लिपि
फ़ॉन्ट साइज़

इस पाठ की संपादकीय समीक्षा आवश्यक है।

संपादकीय समीक्षा · समीक्षा आवश्यक

समीक्षा दर्ज होने पर उसकी तारीख दिखाई जाती है। लिपि बदलना अनुवाद नहीं है। परंपराओं में पाठांतर हो सकते हैं।

తందనాన ఆహి తందనాన పురే

తందనాన భళా తందనాన

బ్రహ్మమొక్కటే పరబ్రహ్మమొక్కటే

పరబ్రహ్మమొక్కటే పరబ్రహ్మమొక్కటే

కందువగు హీనాధికములిందు లేవు

అందరికి శ్రీహరే అంతరాత్మ

ఇందులో జంతుకులమింతా ఒకటే

అందరికి శ్రీహరే అంతరాత్మ

నిండార రాజు నిద్రించు నిద్రయు నొకటే

అండనే బంటు నిద్ర అదియు నొకటే

మెండైన బ్రాహ్మణుడు మెట్టుభూమి యొకటే

ఛండాలుడుండేటి సరిభూమి యొకటే

అనుగు దేవతలకును అల కామసుఖమొకటే

ఘనకీటపశువులకు కామసుఖమొకటే

దిన మహోరాత్రములు తెగి ధనాఢ్యున కొకటే

వొనర నిరుపేదకును వొక్కటే అవియు

కొరలి శిష్టాన్నములు గొను నాకలొకటే

తిరుగు దుష్టాన్నములు తిను నాకలొకటే

పరగ దుర్గంధములపై వాయు వొకటే

వరుస పరిమళముపై వాయు వొకటే

కడగి యేనుగు మీద కాయు యెండొకటే

పుడమి శునకము మీద పొలయు యెండొకటే

కడు పుణ్యులను పాపకర్ములను సరిగావ

జడియు శ్రీవేంకటేశ్వరు నామమొకటే

इस पाठ का वीडियो नहीं है।YouTube पर खोजें

ये भी पढ़ें

శ్రీనివాసా గోవిందా శ్రీ వేంకటేశా గోవిందా (గోవింద నామాలు)कीर्तनपढ़ें అదివో అల్లదివో శ్రీహరివాసముसंकीर्तनपढ़ें కొండలలో నెలకొన్న కోనేటిరాయడు వాడుसंकीर्तनपढ़ें నానాటి బతుకు నాటకముसंकीर्तनपढ़ें అలరులు కురియగ ఆడెనదేसंकीर्तनपढ़ें జగడపు చనవుల జాజరसंकीर्तनपढ़ें