BhaktiVed
భజ గోవిందం భజ గోవిందం, గోవిందం భజ మూఢమతే।
సంప్రాప్తే సన్నిహితే కాలే, నహి నహి రక్షతి డుకృఞ్కరణే॥
మూఢ జహీహి ధనాగమతృష్ణాం, కురు సద్బుద్ధిం మనసి వితృష్ణాం।
యల్లభసే నిజకర్మోపాత్తం, విత్తం తేన వినోదయ చిత్తం॥
నారీస్తనభరనాభీదేశం, దృష్ట్వా మా గా మోహావేశం।
ఏతన్మాంసవసాదివికారం, మనసి విచింతయ వారం వారం॥
నలినీదలగతజలమతితరలం, తద్వజ్జీవితమతిశయచపలం।
విద్ధి వ్యాధ్యభిమానగ్రస్తం, లోకం శోకహతం చ సమస్తం॥
యావద్విత్తోపార్జనసక్తః, తావన్నిజపరివారో రక్తః।
పశ్చాజ్జీవతి జర్జరదేహే, వార్తాం కోపి న పృచ్ఛతి గేహే॥
యావత్పవనో నివసతి దేహే, తావత్పృచ్ఛతి కుశలం గేహే।
గతవతి వాయౌ దేహాపాయే, భార్యా బిభ్యతి తస్మిన్కాయే॥
బాలస్తావత్క్రీడాసక్తః, తరుణస్తావత్తరుణీసక్తః।
వృద్ధస్తావచ్చింతాసక్తః, పరమే బ్రహ్మణి కోపి న సక్తః॥
కా తే కాంతా కస్తే పుత్రః, సంసారోయమతీవ విచిత్రః।
కస్య త్వం కః కుత ఆయాతః, తత్త్వం చింతయ తదిహ భ్రాతః॥
సత్సంగత్వే నిస్సంగత్వం, నిస్సంగత్వే నిర్మోహత్వం।
నిర్మోహత్వే నిశ్చలతత్త్వం, నిశ్చలతత్త్వే జీవన్ముక్తిః॥
వయసి గతే కః కామవికారః, శుష్కే నీరే కః కాసారః।
క్షీణే విత్తే కః పరివారః, జ్ఞాతే తత్త్వే కః సంసారః॥
మా కురు ధనజనయౌవనగర్వం, హరతి నిమేషాత్కాలః సర్వం।
మాయామయమిదమఖిలం హిత్వా, బ్రహ్మపదం త్వం ప్రవిశ విదిత్వా॥
దినయామిన్యౌ సాయం ప్రాతః, శిశిరవసంతౌ పునరాయాతః।
కాలః క్రీడతి గచ్ఛత్యాయుః, తదపి న ముంచత్యాశావాయుః॥
भज गोविन्दं भज गोविन्दं, गोविन्दं भज मूढमते।
सम्प्राप्ते सन्निहिते काले, नहि नहि रक्षति डुकृञ्करणे॥
मूढ जहीहि धनागमतृष्णां, कुरु सद्बुद्धिं मनसि वितृष्णाम्।
यल्लभसे निजकर्मोपात्तं, वित्तं तेन विनोदय चित्तम्॥
नारीस्तनभरनाभीदेशं, दृष्ट्वा मा गा मोहावेशम्।
एतन्मांसवसादिविकारं, मनसि विचिन्तय वारं वारम्॥
नलिनीदलगतजलमतितरलं, तद्वज्जीवितमतिशयचपलम्।
विद्धि व्याध्यभिमानग्रस्तं, लोकं शोकहतं च समस्तम्॥
यावद्वित्तोपार्जनसक्तः, तावन्निजपरिवारो रक्तः।
पश्चाज्जीवति जर्जरदेहे, वार्तां कोऽपि न पृच्छति गेहे॥
यावत्पवनो निवसति देहे, तावत्पृच्छति कुशलं गेहे।
गतवति वायौ देहापाये, भार्या बिभ्यति तस्मिन्काये॥
बालस्तावत्क्रीडासक्तः, तरुणस्तावत्तरुणीसक्तः।
वृद्धस्तावच्चिन्तासक्तः, परमे ब्रह्मणि कोऽपि न सक्तः॥
का ते कान्ता कस्ते पुत्रः, संसारोऽयमतीव विचित्रः।
कस्य त्वं कः कुत आयातः, तत्त्वं चिन्तय तदिह भ्रातः॥
सत्सङ्गत्वे निस्सङ्गत्वं, निस्सङ्गत्वे निर्मोहत्वम्।
निर्मोहत्वे निश्चलतत्त्वं, निश्चलतत्त्वे जीवन्मुक्तिः॥
वयसि गते कः कामविकारः, शुष्के नीरे कः कासारः।
क्षीणे वित्ते कः परिवारः, ज्ञाते तत्त्वे कः संसारः॥
मा कुरु धनजनयौवनगर्वं, हरति निमेषात्कालः सर्वम्।
मायामयमिदमखिलं हित्वा, ब्रह्मपदं त्वं प्रविश विदित्वा॥
दिनयामिन्यौ सायं प्रातः, शिशिरवसन्तौ पुनरायातः।
कालः क्रीडति गच्छत्यायुः, तदपि न मुञ्चत्याशावायुः॥
bhaja govindam bhaja govindam, govindam bhaja mudhamate
samprapte sannihite kale, nahi nahi rakshati dukrinkarane
mudha jahihi dhanagamatrishnam, kuru sadbuddhim manasi vitrishnam
yallabhase nijakarmopattam, vittam tena vinodaya chittam
naristanabharanabhidesham, drishtwa ma ga mohavesham
etanmansavasadivikaram, manasi vichintaya varam varam
nalinidalagatajalamatitaralam, tadwajjivitamatishayachapalam
viddhi vyadhyabhimanagrastam, lokam shokahatam cha samastam
yavadwittoparjanasaktah, tavannijaparivaro raktah
pashchajjivati jarjaradehe, vartam kopi na prichchhati gehe
yavatpavano nivasati dehe, tavatprichchhati kushalam gehe
gatavati vayau dehapaye, bharya bibhyati tasminkaye
balastavatkridasaktah, tarunastavattarunisaktah
vriddhastavachchintasaktah, parame brahmani kopi na saktah
ka te kanta kaste putrah, sansaroyamativa vichitrah
kasya twam kah kuta aayatah, tattwam chintaya tadiha bhratah
satsangatwe nissangatwam, nissangatwe nirmohatwam
nirmohatwe nishchalatattwam, nishchalatattwe jivanmuktih
vayasi gate kah kamavikarah, shushke nire kah kasarah
kshine vitte kah parivarah, gyate tattwe kah sansarah
ma kuru dhanajanayauvanagarwam, harati nimeshatkalah sarwam
mayamayamidamakhilam hitwa, brahmapadam twam pravisha viditwa
dinayaminyau sayam pratah, shishiravasantau punarayatah
kalah kridati gachchhatyayuh, tadapi na munchatyashavayuh
