BhaktiVed
దేవి సురేశ్వరి భగవతి గంగే, త్రిభువనతారిణి తరలతరంగే।
శంకరమౌలివిహారిణి విమలే, మమ మతిరాస్తాం తవ పదకమలే॥
భాగీరథిసుఖదాయిని మాతస్తవ, జలమహిమా నిగమే ఖ్యాతః।
నాహం జానే తవ మహిమానం, పాహి కృపామయి మామజ్ఞానం॥
హరిపదపాద్యతరంగిణి గంగే, హిమవిధుముక్తాధవలతరంగే।
దూరీకురు మమ దుష్కృతిభారం, కురు కృపయా భవసాగరపారం॥
తవ జలమమలం యేన నిపీతం, పరమపదం ఖలు తేన గృహీతం।
మాతర్గంగే త్వయి యో భక్తః, కిల తం ద్రష్టుం న యమః శక్తః॥
పతితోద్ధారిణి జాహ్నవి గంగే, ఖండితగిరివరమండితభంగే।
భీష్మజనని హే మునివరకన్యే, పతితనివారిణి త్రిభువనధన్యే॥
కల్పలతామివ ఫలదాం లోకే, ప్రణమతి యస్త్వాం న పతతి శోకే।
పారావారవిహారిణి గంగే, విముఖయువతికృతతరలాపాంగే॥
తవ చేన్మాతః స్రోతః స్నాతః, పునరపి జఠరే సోపి న జాతః।
నరకనివారిణి జాహ్నవి గంగే, కలుషవినాశిని మహిమోత్తుంగే॥
పునరసదంగే పుణ్యతరంగే, జయ జయ జాహ్నవి కరుణాపాంగే।
ఇంద్రముకుటమణిరాజితచరణే, సుఖదే శుభదే భృత్యశరణ్యే॥
देवि सुरेश्वरि भगवति गङ्गे, त्रिभुवनतारिणि तरलतरङ्गे।
शङ्करमौलिविहारिणि विमले, मम मतिरास्तां तव पदकमले॥
भागीरथिसुखदायिनि मातस्तव, जलमहिमा निगमे ख्यातः।
नाहं जाने तव महिमानं, पाहि कृपामयि मामज्ञानम्॥
हरिपदपाद्यतरङ्गिणि गङ्गे, हिमविधुमुक्ताधवलतरङ्गे।
दूरीकुरु मम दुष्कृतिभारं, कुरु कृपया भवसागरपारम्॥
तव जलममलं येन निपीतं, परमपदं खलु तेन गृहीतम्।
मातर्गङ्गे त्वयि यो भक्तः, किल तं द्रष्टुं न यमः शक्तः॥
पतितोद्धारिणि जाह्नवि गङ्गे, खण्डितगिरिवरमण्डितभङ्गे।
भीष्मजननि हे मुनिवरकन्ये, पतितनिवारिणि त्रिभुवनधन्ये॥
कल्पलतामिव फलदां लोके, प्रणमति यस्त्वां न पतति शोके।
पारावारविहारिणि गङ्गे, विमुखयुवतिकृततरलापाङ्गे॥
तव चेन्मातः स्रोतः स्नातः, पुनरपि जठरे सोऽपि न जातः।
नरकनिवारिणि जाह्नवि गङ्गे, कलुषविनाशिनि महिमोत्तुङ्गे॥
पुनरसदङ्गे पुण्यतरङ्गे, जय जय जाह्नवि करुणापाङ्गे।
इन्द्रमुकुटमणिराजितचरणे, सुखदे शुभदे भृत्यशरण्ये॥
devi sureshwari bhagavati gange, tribhuvanatarini taralatarange
shankaramauliviharini vimale, mama matirastam tava padakamale
bhagirathisukhadayini matastava, jalamahima nigame khyatah
naham jane tava mahimanam, pahi kripamayi mamagyanam
haripadapadyatarangini gange, himavidhumuktadhavalatarange
durikuru mama dushkritibharam, kuru kripaya bhavasagaraparam
tava jalamamalam yena nipitam, paramapadam khalu tena grihitam
matargange twayi yo bhaktah, kila tam drashtum na yamah shaktah
patitoddharini jahnavi gange, khanditagirivaramanditabhange
bhishmajanani he munivarakanye, patitanivarini tribhuvanadhanye
kalpalatamiva phaladam loke, pranamati yastwam na patati shoke
paravaraviharini gange, vimukhayuvatikritataralapange
tava chenmatah srotah snatah, punarapi jathare sopi na jatah
narakanivarini jahnavi gange, kalushavinashini mahimottunge
punarasadange punyatarange, jaya jaya jahnavi karunapange
indramukutamanirajitacharane, sukhade shubhade bhrityasharanye
