BhaktiVed
వేంకటేశ్వరుడు

బ్రహ్మమొక్కటే పరబ్రహ్మమొక్కటే

సంకీర్తనరచన: అన్నమాచార్య (Annamacharya)Raga Bowli; sung as a bhajan with clap taal
లిపి
Text size

ఈ పాఠానికి సంపాదకీయ సమీక్ష అవసరం.

సంపాదకీయ సమీక్ష · సమీక్ష అవసరం

సమీక్ష నమోదు ఉన్నప్పుడు దాని తేదీ చూపిస్తాము. లిపి మార్పు అనువాదం కాదు. సంప్రదాయ పాఠాంతరాలు ఉండవచ్చు.

తందనాన ఆహి తందనాన పురే

తందనాన భళా తందనాన

బ్రహ్మమొక్కటే పరబ్రహ్మమొక్కటే

పరబ్రహ్మమొక్కటే పరబ్రహ్మమొక్కటే

కందువగు హీనాధికములిందు లేవు

అందరికి శ్రీహరే అంతరాత్మ

ఇందులో జంతుకులమింతా ఒకటే

అందరికి శ్రీహరే అంతరాత్మ

నిండార రాజు నిద్రించు నిద్రయు నొకటే

అండనే బంటు నిద్ర అదియు నొకటే

మెండైన బ్రాహ్మణుడు మెట్టుభూమి యొకటే

ఛండాలుడుండేటి సరిభూమి యొకటే

అనుగు దేవతలకును అల కామసుఖమొకటే

ఘనకీటపశువులకు కామసుఖమొకటే

దిన మహోరాత్రములు తెగి ధనాఢ్యున కొకటే

వొనర నిరుపేదకును వొక్కటే అవియు

కొరలి శిష్టాన్నములు గొను నాకలొకటే

తిరుగు దుష్టాన్నములు తిను నాకలొకటే

పరగ దుర్గంధములపై వాయు వొకటే

వరుస పరిమళముపై వాయు వొకటే

కడగి యేనుగు మీద కాయు యెండొకటే

పుడమి శునకము మీద పొలయు యెండొకటే

కడు పుణ్యులను పాపకర్ములను సరిగావ

జడియు శ్రీవేంకటేశ్వరు నామమొకటే

ఈ పాఠానికి వీడియో లేదు.YouTubeలో వెతకండి

ఇవి కూడా చదవండి

శ్రీనివాసా గోవిందా శ్రీ వేంకటేశా గోవిందా (గోవింద నామాలు)కీర్తనచదవండి అదివో అల్లదివో శ్రీహరివాసముసంకీర్తనచదవండి కొండలలో నెలకొన్న కోనేటిరాయడు వాడుసంకీర్తనచదవండి నానాటి బతుకు నాటకముసంకీర్తనచదవండి అలరులు కురియగ ఆడెనదేసంకీర్తనచదవండి జగడపు చనవుల జాజరసంకీర్తనచదవండి