నానాటి బతుకు నాటకము

సంకీర్తనరచన: అన్నమాచార్య (Annamacharya)Raga Revati

ఈ పాఠం ఇంకా సరిచూడబడలేదు.

నానాటి బతుకు నాటకము

కానక కన్నది కైవల్యము

పుట్టుటయు నిజము పోవుటయు నిజము

నట్టనడిమి పని నాటకము

యెట్ట నెదుట గలదీ ప్రపంచము

కట్ట కడపటిది కైవల్యము

కుడిచేదన్నము కోక చుట్టెడిది

నడుమంత్రపు పని నాటకము

వొడి గట్టుకొనిన వుభయ కర్మములు

గడి దాటినపుడె కైవల్యము

తెగదు పాపము తీరదు పుణ్యము

నగి నగి కాలము నాటకము

యెగువనె శ్రీవేంకటేశ్వరుడేలిక

గగనము మీదిది కైవల్యము

ఈ పాఠానికి వీడియో లేదు.YouTubeలో వెతకండి

మూలం: Annamacharya sankirtana; TTD Annamacharya Sankirtanalu; text as commonly sung

ఇవి కూడా చదవండి