Jaya Rama Ramaramanam Samanam

జయ రామ రమారమనం సమనం, భవతాప భయాకుల పాహి జనం।

అవధేస సురేస రమేస బిభో, సరనాగత మాగత పాహి ప్రభో॥

దససీస బినాసన బీస భుజా, కృత దూరి మహా మహి భూరి రుజా।

రజనీచర బృంద పతంగ రహే, సర పావక తేజ ప్రచండ దహే॥

మహి మండల మండన చారుతరం, ధృత సాయక చాప నిషంగ బరం।

మద మోహ మహా మమతా రజనీ, తమ పుంజ దివాకర తేజ అనీ॥

మనజాత కిరాత నిపాత కియే, మృగ లోగ కుభోగ సరేన హియే।

హతి నాథ అనాథని పాహి హరే, బిషయా బన పావంర భూలి పరే॥

బహు రోగ బియోగన్హి లోగ హయే, భవదంఘ్రి నిరాదర కే ఫల ఏ।

భవ సింధు అగాధ పరే నర తే, పద పంకజ ప్రేమ న జే కరతే॥

అతి దీన మలీన దుఖీ నితహీం, జిన్హ కేం పద పంకజ ప్రీతి నహీం।

అవలంబ భవంత కథా జిన్హ కేం, ప్రియ సంత అనంత సదా తిన్హ కేం॥

నహిం రాగ న లోభ న మాన మదా, తిన్హ కేం సమ బైభవ వా బిపదా।

ఏహి తే తవ సేవక హోత ముదా, ముని త్యాగత జోగ భరోస సదా॥

కరి ప్రేమ నిరంతర నేమ లియేం, పద పంకజ సేవత సుద్ధ హియేం।

సమ మాని నిరాదర ఆదరహీ, సబ సంత సుఖీ బిచరంతి మహీ॥

ముని మానస పంకజ భృంగ భజే, రఘుబీర మహా రనధీర అజే।

తవ నామ జపామి నమామి హరీ, భవ రోగ మహాగద మాన అరీ॥

గున సీల కృపా పరమాయతనం, ప్రనమామి నిరంతర శ్రీరమనం।

రఘునంద నికందయ ద్వంద్వఘనం, మహిపాల బిలోకయ దీన జనం॥

जय राम रमारमनं समनं, भवताप भयाकुल पाहि जनं।

अवधेस सुरेस रमेस बिभो, सरनागत मागत पाहि प्रभो॥

दससीस बिनासन बीस भुजा, कृत दूरि महा महि भूरि रुजा।

रजनीचर बृन्द पतंग रहे, सर पावक तेज प्रचंड दहे॥

महि मंडल मंडन चारुतरं, धृत सायक चाप निषंग बरं।

मद मोह महा ममता रजनी, तम पुंज दिवाकर तेज अनी॥

मनजात किरात निपात किए, मृग लोग कुभोग सरेन हिए।

हति नाथ अनाथनि पाहि हरे, बिषया बन पावँर भूलि परे॥

बहु रोग बियोगन्हि लोग हए, भवदंघ्रि निरादर के फल ए।

भव सिंधु अगाध परे नर ते, पद पंकज प्रेम न जे करते॥

अति दीन मलीन दुखी नितहीं, जिन्ह कें पद पंकज प्रीति नहीं।

अवलंब भवंत कथा जिन्ह कें, प्रिय संत अनंत सदा तिन्ह कें॥

नहिं राग न लोभ न मान मदा, तिन्ह कें सम बैभव वा बिपदा।

एहि ते तव सेवक होत मुदा, मुनि त्यागत जोग भरोस सदा॥

करि प्रेम निरंतर नेम लिएँ, पद पंकज सेवत सुद्ध हिएँ।

सम मानि निरादर आदरही, सब संत सुखी बिचरंति मही॥

मुनि मानस पंकज भृंग भजे, रघुबीर महा रनधीर अजे।

तव नाम जपामि नमामि हरी, भव रोग महागद मान अरी॥

गुन सील कृपा परमायतनं, प्रनमामि निरंतर श्रीरमनं।

रघुनंद निकंदय द्वंद्वघनं, महिपाल बिलोकय दीन जनं॥