BhaktiVed
ఋషిరువాచ |
త్రిగుణా తామసీ దేవీ సాత్త్వికీ యా త్రిధోదితా |
సా శర్వా చండికా దుర్గా భద్రా భగవతీర్యతే ||
యోగనిద్రా హరేరుక్తా మహాకాలీ తమోగుణా |
మధుకైటభనాశార్థం యాం తుష్టావాంబుజాసనః ||
దశవక్త్ర దశభుజా దశపాదాంజనప్రభా |
విశాలయా రాజమానా త్రింశల్లోచనమాలయా ||
స్ఫురద్ధశనదంష్ట్రా సా భీమరూపాపి భూమిప |
రూపసౌభాగ్యకాంతీనాం సా ప్రతిష్ఠా మహాశ్రియామ్ ||
ఖడ్గబాణగదాశూలశంఖచక్రభుశుండిభృత్ |
పరిఘం కార్ముకం శీర్షం నిశ్చోతద్రుధిరం దధౌ ||
ఏషా సా వైష్ణవీ మాయా మహాకాలీ దురత్యయా |
ఆరాధితా వశీకుర్యాత్ పూజాకర్తుశ్చరాచరమ్ ||
సర్వదేవశరీరేభ్యో యావిర్భూతామితప్రభా |
త్రిగుణా సా మహాలక్ష్మీః సాక్షాన్మహిషమర్దినీ ||
శ్వేతాననా నీలభుజా సుశ్వేతస్తనమండలా |
రక్తమధ్యా రక్తపాదా నీలజంఘోరురున్మదా ||
సుచిత్రజఘనా చిత్రమాల్యాంబరవిభూషణా
చిత్రానులేపనా కాంతిరూపసౌభాగ్యశాలినీ ||
అష్టాదశభుజా పూజ్యా సా సహస్రభుజా సతీ |
ఆయుధాన్యత్ర వక్ష్యంతే దక్షిణాధఃకరక్రమాత్ ||
అక్షమాలా చ కమలం బాణో సిః కులిశం గదా |
చక్రం త్రిశూలం పరశుః శంఖో ఘంటా చ పాశకః ||
శక్తిర్దండశ్చర్మ చాపం పానపాత్రం కమండలుః |
అలంకృతభుజామేభిరాయుధైః కమలాసనామ్ ||
సర్వదేవమయీమీశాం మహాలక్ష్మీమిమాం నృప |
పూజయేత్ సర్వలోకానాం స దేవానాం ప్రభుర్భవేత్ ||
గౌరీదేహాత్సముద్భూతా యా సత్త్వెకగుణాశ్రయా |
సాక్షాత్సరస్వతీ ప్రోక్తా శుంభాసురనిబర్హిణీ ||
దధౌ చాష్టభుజా బాణాన్ముసలం శూలచక్రభృత్ |
శంఖం ఘంటాం లాంగలం చ కార్ముకం వసుధాధిప ||
ఏషా సంపూజితా భక్త్యా సర్వజ్ఞత్వం ప్రయచ్ఛతి |
నిశుంభమథినీ దేవీ శుంభాసురనిబర్హిణీ ||
ఇత్యుక్తాని స్వరూపాణి మూర్తీనాం తవ పార్థివ |
ఉపాసనం జగన్మాతుః పృథగాసాం నిశామయ ||
మహాలక్ష్మీర్యదా పూజ్యా మహాకాలీ సరస్వతీ |
దక్షిణోత్తరయోః పూజ్యే పృష్ఠతో మిథునత్రయమ్ ||
విరంచిః స్వరయా మధ్యే రుద్రో గౌర్యా చ దక్షిణే |
వామే లక్ష్మ్యా హృషీకేశః పురతో దేవతాత్రయమ్ ||
అష్టాదశభుజా మధ్యే వామే చాస్యా దశాననా |
దక్షిణేఽష్టభుజా లక్ష్మీర్మహతీతి సమర్చయేత్ ||
అష్టాదశభుజా చైషా యదా పూజ్యా నరాధిప |
దశాననా చాష్టభుజా దక్షిణోత్తరయోస్తదా ||
కాలమృత్యూ చ సంపూజ్యౌ సర్వారిష్టప్రశాంతయే |
యదా చాష్టభుజా పూజ్యా శుంభాసురనిబర్హిణీ ||
నవాస్యాః శక్తయః పూజ్యాస్తదా రుద్రవినాయకౌ |
నమో దేవ్యా ఇతి స్తోత్రైర్మహాలక్ష్మీం సమర్చయేత్ ||
అవతారత్రయార్చాయాం స్తోత్రమంత్రాస్తదాశ్రయాః |
అష్టాదశభుజా చైషా పూజ్యా మహిషమర్దినీ ||
మహాలక్ష్మీర్మహాకాలీ సైవ ప్రోక్తా సరస్వతీ |
ఈశ్వరీ పుణ్యపాపానాం సర్వలోకమహేశ్వరీ ||
మహిషాంతకరీ యేన పూజితా స జగత్ప్రభుః |
పూజయేజ్జగతాం ధాత్రీం చండికాం భక్తవత్సలామ్ ||
అర్ఘ్యాదిభిరలంకారైర్గంధపు ప్పెస్తథాక్షతైః ||
ధూపైర్దీపైశ్చ నైవేద్యైర్నానాభక్ష్యసమన్వితైః ||
రుధిరాక్తేన బలినా మాంసేన సురయా నృప |
ప్రణామాచమనీయేన చందనేన సుగంధినా ||
సకర్పూరైశ్చ తాంబూలైర్భక్తిభావసమన్వితైః |
వామభాగే గ్రతో దేవ్యాశ్ఛిన్నశీర్షం మహాసురమ్ ||
పూజయేన్మహిషం యేన ప్రాప్తం సాయుజ్యమీశయా |
దక్షిణే పురతః సింహం సమగ్రం ధర్మమీశ్వరమ్ ||
వాహనం పూజయేద్దేవ్యా ధృతం యేన చరాచరమ్ |
[* కుర్యాచ్ఛ స్తవనం ధీమాంస్తస్యా ఏకాగ్రమానసః | *]
తతః కృతాంజలిర్భూత్వా స్తువీత చరితైరిమైః ||
ఏకేన వా మధ్యమేన నైకేనేతరయోరిహ |
చరితార్ధం తు న జపేజ్జపంఛిద్రమవాప్నుయాత్ ||
స్తోత్రమంత్రైః స్తువీతేమాం యది వా జగదంబికామ్ |
ప్రదక్షిణనమస్కారాన్ కృత్వా మూర్ధ్ని కృతాంజలిః ||
క్షమాపయేజ్జగద్ధాత్రీం ముహుర్ముహురతంద్రితః |
ప్రతిశ్లోకం చ జుహుయాత్ పాయసం తిలసర్పిషా ||
జుహుయాత్ స్తోత్రమంత్రైర్వా చండికాయై శుభం హవిః |
నమో నమః పదైర్దేవీం పూజయేత్ సుసమాహితః ||
ప్రయతః ప్రాంజలిః ప్రహ్వః ప్రాణానారోప్య చాత్మని |
సుచిరం భావయేద్దేవీం చండికాం తన్మయో భవేత్ ||
ఏవం యః పూజయేద్భక్త్యా ప్రత్యహం పరమేశ్వరీమ్
భుక్త్వా భోగాన్ యథాకామం దేవీసాయుజ్యమాప్నుయాత్ ||
యోన పూజయతే నిత్యం చండికాం భక్తవత్సలామ్ |
భస్మీకృత్యాస్య పుణ్యాని నిర్దహేత్ పరమేశ్వరీ ||
యో న పూజయతే నిత్యం చండికాం భక్తవత్సలామ్ |
భస్మీకృత్యాస్య పుణ్యాని నిర్దహేత్ పరమేశ్వరీ ||
తస్మాత్ పూజయ భూపాల సర్వలోకమహేశ్వరీమ్ |
యథోక్తేన విధానేన చండికాం సుఖమాప్స్యసి ||
ఇతి వైకృతికం రహస్యం సంపూర్ణమ్ ||
ऋषिरुवाच |
त्रिगुणा तामसी देवी सात्त्विकी या त्रिधोदिता |
सा शर्वा चंडिका दुर्गा भद्रा भगवतीर्यते ||
योगनिद्रा हरेरुक्ता महाकाली तमोगुणा |
मधुकैटभनाशार्थं यां तुष्टावांबुजासनः ||
दशवक्त्र दशभुजा दशपादांजनप्रभा |
विशालया राजमाना त्रिंशल्लोचनमालया ||
स्फुरद्धशनदंष्ट्रा सा भीमरूपापि भूमिप |
रूपसौभाग्यकांतीनां सा प्रतिष्ठा महाश्रियाम् ||
खड्गबाणगदाशूलशंखचक्रभुशुंडिभृत् |
परिघं कार्मुकं शीर्षं निश्चोतद्रुधिरं दधौ ||
एषा सा वैष्णवी माया महाकाली दुरत्यया |
आराधिता वशीकुर्यात् पूजाकर्तुश्चराचरम् ||
सर्वदेवशरीरेभ्यो याविर्भूतामितप्रभा |
त्रिगुणा सा महालक्ष्मीः साक्षान्महिषमर्दिनी ||
श्वेतानना नीलभुजा सुश्वेतस्तनमंडला |
रक्तमध्या रक्तपादा नीलजंघोरुरुन्मदा ||
सुचित्रजघना चित्रमाल्यांबरविभूषणा
चित्रानुलेपना कांतिरूपसौभाग्यशालिनी ||
अष्टादशभुजा पूज्या सा सहस्रभुजा सती |
आयुधान्यत्र वक्ष्यंते दक्षिणाधःकरक्रमात् ||
अक्षमाला च कमलं बाणो सिः कुलिशं गदा |
चक्रं त्रिशूलं परशुः शंखो घंटा च पाशकः ||
शक्तिर्दंडश्चर्म चापं पानपात्रं कमंडलुः |
अलंकृतभुजामेभिरायुधैः कमलासनाम् ||
सर्वदेवमयीमीशां महालक्ष्मीमिमां नृप |
पूजयेत् सर्वलोकानां स देवानां प्रभुर्भवेत् ||
गौरीदेहात्समुद्भूता या सत्त्वॆकगुणाश्रया |
साक्षात्सरस्वती प्रोक्ता शुंभासुरनिबर्हिणी ||
दधौ चाष्टभुजा बाणान्मुसलं शूलचक्रभृत् |
शंखं घंटां लांगलं च कार्मुकं वसुधाधिप ||
एषा संपूजिता भक्त्या सर्वज्ञत्वं प्रयच्छति |
निशुंभमथिनी देवी शुंभासुरनिबर्हिणी ||
इत्युक्तानि स्वरूपाणि मूर्तीनां तव पार्थिव |
उपासनं जगन्मातुः पृथगासां निशामय ||
महालक्ष्मीर्यदा पूज्या महाकाली सरस्वती |
दक्षिणोत्तरयोः पूज्ये पृष्ठतो मिथुनत्रयम् ||
विरंचिः स्वरया मध्ये रुद्रो गौर्या च दक्षिणे |
वामे लक्ष्म्या हृषीकेशः पुरतो देवतात्रयम् ||
अष्टादशभुजा मध्ये वामे चास्या दशानना |
दक्षिणेऽष्टभुजा लक्ष्मीर्महतीति समर्चयेत् ||
अष्टादशभुजा चैषा यदा पूज्या नराधिप |
दशानना चाष्टभुजा दक्षिणोत्तरयोस्तदा ||
कालमृत्यू च संपूज्यौ सर्वारिष्टप्रशांतये |
यदा चाष्टभुजा पूज्या शुंभासुरनिबर्हिणी ||
नवास्याः शक्तयः पूज्यास्तदा रुद्रविनायकौ |
नमो देव्या इति स्तोत्रैर्महालक्ष्मीं समर्चयेत् ||
अवतारत्रयार्चायां स्तोत्रमंत्रास्तदाश्रयाः |
अष्टादशभुजा चैषा पूज्या महिषमर्दिनी ||
महालक्ष्मीर्महाकाली सैव प्रोक्ता सरस्वती |
ईश्वरी पुण्यपापानां सर्वलोकमहेश्वरी ||
महिषांतकरी येन पूजिता स जगत्प्रभुः |
पूजयेज्जगतां धात्रीं चंडिकां भक्तवत्सलाम् ||
अर्घ्यादिभिरलंकारैर्गंधपु प्पॆस्तथाक्षतैः ||
धूपैर्दीपैश्च नैवेद्यैर्नानाभक्ष्यसमन्वितैः ||
रुधिराक्तेन बलिना मांसेन सुरया नृप |
प्रणामाचमनीयेन चंदनेन सुगंधिना ||
सकर्पूरैश्च तांबूलैर्भक्तिभावसमन्वितैः |
वामभागे ग्रतो देव्याश्छिन्नशीर्षं महासुरम् ||
पूजयेन्महिषं येन प्राप्तं सायुज्यमीशया |
दक्षिणे पुरतः सिंहं समग्रं धर्ममीश्वरम् ||
वाहनं पूजयेद्देव्या धृतं येन चराचरम् |
[* कुर्याच्छ स्तवनं धीमांस्तस्या एकाग्रमानसः | *]
ततः कृतांजलिर्भूत्वा स्तुवीत चरितैरिमैः ||
एकेन वा मध्यमेन नैकेनेतरयोरिह |
चरितार्धं तु न जपेज्जपंछिद्रमवाप्नुयात् ||
स्तोत्रमंत्रैः स्तुवीतेमां यदि वा जगदंबिकाम् |
प्रदक्षिणनमस्कारान् कृत्वा मूर्ध्नि कृतांजलिः ||
क्षमापयेज्जगद्धात्रीं मुहुर्मुहुरतंद्रितः |
प्रतिश्लोकं च जुहुयात् पायसं तिलसर्पिषा ||
जुहुयात् स्तोत्रमंत्रैर्वा चंडिकायै शुभं हविः |
नमो नमः पदैर्देवीं पूजयेत् सुसमाहितः ||
प्रयतः प्रांजलिः प्रह्वः प्राणानारोप्य चात्मनि |
सुचिरं भावयेद्देवीं चंडिकां तन्मयो भवेत् ||
एवं यः पूजयेद्भक्त्या प्रत्यहं परमेश्वरीम्
भुक्त्वा भोगान् यथाकामं देवीसायुज्यमाप्नुयात् ||
योन पूजयते नित्यं चंडिकां भक्तवत्सलाम् |
भस्मीकृत्यास्य पुण्यानि निर्दहेत् परमेश्वरी ||
यो न पूजयते नित्यं चंडिकां भक्तवत्सलाम् |
भस्मीकृत्यास्य पुण्यानि निर्दहेत् परमेश्वरी ||
तस्मात् पूजय भूपाल सर्वलोकमहेश्वरीम् |
यथोक्तेन विधानेन चंडिकां सुखमाप्स्यसि ||
इति वैकृतिकं रहस्यं संपूर्णम् ||
rishiruvacha |
triguna tamasi devi sattwiki ya tridhodita |
sa sharwa chandika durga bhadra bhagavatiryate ||
yoganidra harerukta mahakali tamoguna |
madhukaitabhanashartham yam tushtavambujasanah ||
dashavaktra dashabhuja dashapadanjanaprabha |
vishalaya rajamana trinshallochanamalaya ||
sphuraddhashanadanshtra sa bhimarupapi bhumipa |
rupasaubhagyakantinam sa pratishtha mahashriyam ||
khadgabanagadashulashankhachakrabhushundibhrit |
parigham karmukam shirsham nishchotadrudhiram dadhau ||
esha sa vaishnavi maya mahakali duratyaya |
aaradhita vashikuryat pujakartushcharacharam ||
sarwadevasharirebhyo yavirbhutamitaprabha |
triguna sa mahalakshmih sakshanmahishamardini ||
shwetanana nilabhuja sushwetastanamandala |
raktamadhya raktapada nilajanghorurunmada ||
suchitrajaghana chitramalyambaravibhushana
chitranulepana kantirupasaubhagyashalini ||
ashtadashabhuja pujya sa sahasrabhuja sati |
aayudhanyatra vakshyante dakshinadhahkarakramat ||
akshamala cha kamalam bano sih kulisham gada |
chakram trishulam parashuh shankho ghanta cha pashakah ||
shaktirdandashcharma chapam panapatram kamandaluh |
alankritabhujamebhirayudhaih kamalasanam ||
sarwadevamayimisham mahalakshmimimam nripa |
pujayet sarwalokanam sa devanam prabhurbhavet ||
gauridehatsamudbhuta ya sattwekagunashraya |
sakshatsaraswati prokta shumbhasuranibarhini ||
dadhau chashtabhuja bananmusalam shulachakrabhrit |
shankham ghantam langalam cha karmukam vasudhadhipa ||
esha sampujita bhaktya sarwagyatwam prayachchhati |
nishumbhamathini devi shumbhasuranibarhini ||
ityuktani swarupani murtinam tava parthiva |
upasanam jaganmatuh prithagasam nishamaya ||
mahalakshmiryada pujya mahakali saraswati |
dakshinottarayoh pujye prishthato mithunatrayam ||
viranchih swaraya madhye rudro gaurya cha dakshine |
vame lakshmya hrishikeshah purato devatatrayam ||
ashtadashabhuja madhye vame chasya dashanana |
dakshineshtabhuja lakshmirmahatiti samarchayet ||
ashtadashabhuja chaisha yada pujya naradhipa |
dashanana chashtabhuja dakshinottarayostada ||
kalamrityu cha sampujyau sarwarishtaprashantaye |
yada chashtabhuja pujya shumbhasuranibarhini ||
navasyah shaktayah pujyastada rudravinayakau |
namo devya iti stotrairmahalakshmim samarchayet ||
avataratrayarchayam stotramantrastadashrayah |
ashtadashabhuja chaisha pujya mahishamardini ||
mahalakshmirmahakali saiva prokta saraswati |
ishwari punyapapanam sarwalokamaheshwari ||
mahishantakari yena pujita sa jagatprabhuh |
pujayejjagatam dhatrim chandikam bhaktavatsalam ||
arghyadibhiralankarairgandhapu ppestathakshataih ||
dhupairdipaishcha naivedyairnanabhakshyasamanwitaih ||
rudhiraktena balina mansena suraya nripa |
pranamachamaniyena chandanena sugandhina ||
sakarpuraishcha tambulairbhaktibhavasamanwitaih |
vamabhage grato devyashchhinnashirsham mahasuram ||
pujayenmahisham yena praptam sayujyamishaya |
dakshine puratah sinham samagram dharmamishwaram ||
vahanam pujayeddevya dhritam yena characharam |
[* kuryachchha stavanam dhimanstasya ekagramanasah | *]
tatah kritanjalirbhutwa stuvita charitairimaih ||
ekena va madhyamena naikenetarayoriha |
charitardham tu na japejjapanchhidramavapnuyat ||
stotramantraih stuvitemam yadi va jagadambikam |
pradakshinanamaskaran kritwa murdhni kritanjalih ||
kshamapayejjagaddhatrim muhurmuhuratandritah |
pratishlokam cha juhuyat payasam tilasarpisha ||
juhuyat stotramantrairwa chandikayai shubham havih |
namo namah padairdevim pujayet susamahitah ||
prayatah pranjalih prahwah prananaropya chatmani |
suchiram bhavayeddevim chandikam tanmayo bhavet ||
evam yah pujayedbhaktya pratyaham parameshwarim
bhuktwa bhogan yathakamam devisayujyamapnuyat ||
yona pujayate nityam chandikam bhaktavatsalam |
bhasmikrityasya punyani nirdahet parameshwari ||
yo na pujayate nityam chandikam bhaktavatsalam |
bhasmikrityasya punyani nirdahet parameshwari ||
tasmat pujaya bhupala sarwalokamaheshwarim |
yathoktena vidhanena chandikam sukhamapsyasi ||
iti vaikritikam rahasyam sampurnam ||
