శ్రీ దత్తాత్రేయ స్తోత్రం

జటాధరం పాండురంగం శూలహస్తం కృపానిధిమ్ |

సర్వరోగహరం దేవం దత్తాత్రేయమహం భజే ||

అస్య శ్రీదత్తాత్రేయస్తోత్రమంత్రస్య భగవాన్నారదఋషిః, అనుష్టుప్ ఛందః, శ్రీదత్తః పరమాత్మా దేవతా, శ్రీదత్త ప్రీత్యర్థే జపే వినియోగః ||

నారద ఉవాచ |

జగదుత్పత్తికర్త్రే చ స్థితిసంహారహేతవే |

భవపాశవిముక్తాయ దత్తాత్రేయ నమోఽస్తు తే ||

జరాజన్మవినాశాయ దేహశుద్ధికరాయ చ |

దిగంబర దయామూర్తే దత్తాత్రేయ నమోఽస్తు తే ||

కర్పూరకాంతిదేహాయ బ్రహ్మమూర్తిధరాయ చ |

వేదశాస్త్రపరిజ్ఞాయ దత్తాత్రేయ నమోఽస్తు తే ||

హ్రస్వదీర్ఘకృశస్థూలనామగోత్రవివర్జిత |

పంచభూతైకదీప్తాయ దత్తాత్రేయ నమోఽస్తు తే ||

యజ్ఞభోక్త్రే చ యజ్ఞాయ యజ్ఞరూపధరాయ చ |

యజ్ఞప్రియాయ సిద్ధాయ దత్తాత్రేయ నమోఽస్తు తే ||

ఆదౌ బ్రహ్మా హరిర్మధ్యే హ్యంతే దేవః సదాశివః | [మధ్యే విష్ణు]

మూర్తిత్రయస్వరూపాయ దత్తాత్రేయ నమోఽస్తు తే ||

భోగాలయాయ భోగాయ యోగయోగ్యాయ ధారిణే |

జితేంద్రియ జితజ్ఞాయ దత్తాత్రేయ నమోఽస్తు తే ||

దిగంబరాయ దివ్యాయ దివ్యరూపధరాయ చ |

సదోదితపరబ్రహ్మ దత్తాత్రేయ నమోఽస్తు తే ||

జంబూద్వీపే మహాక్షేత్రే మాతాపురనివాసినే |

జయమాన సతాం దేవ దత్తాత్రేయ నమోఽస్తు తే ||

భిక్షాటనం గృహే గ్రామే పాత్రం హేమమయం కరే |

నానాస్వాదమయీ భిక్షా దత్తాత్రేయ నమోఽస్తు తే ||

బ్రహ్మజ్ఞానమయీ ముద్రా వస్త్రే చాకాశభూతలే |

ప్రజ్ఞానఘనబోధాయ దత్తాత్రేయ నమోఽస్తు తే ||

అవధూత సదానంద పరబ్రహ్మస్వరూపిణే |

విదేహదేహరూపాయ దత్తాత్రేయ నమోఽస్తు తే ||

సత్యరూప సదాచార సత్యధర్మపరాయణ |

సత్యాశ్రయ పరోక్షాయ దత్తాత్రేయ నమోఽస్తు తే ||

శూలహస్త గదాపాణే వనమాలాసుకంధర |

యజ్ఞసూత్రధర బ్రహ్మన్ దత్తాత్రేయ నమోఽస్తు తే ||

క్షరాక్షరస్వరూపాయ పరాత్పరతరాయ చ |

దత్త ముక్తిపరస్తోత్ర దత్తాత్రేయ నమోఽస్తు తే ||

దత్త విద్యాఢ్య లక్ష్మీశ దత్త స్వాత్మస్వరూపిణే |

గుణనిర్గుణరూపాయ దత్తాత్రేయ నమోఽస్తు తే ||

శత్రునాశకరం స్తోత్రం జ్ఞానవిజ్ఞానదాయకమ్ |

సర్వపాపం శమం యాతి దత్తాత్రేయ నమోఽస్తు తే ||

ఇదం స్తోత్రం మహద్దివ్యం దత్తప్రత్యక్షకారకమ్ |

దత్తాత్రేయప్రసాదాచ్చ నారదేన ప్రకీర్తితమ్ ||

ఇతి శ్రీనారదపురాణే నారదవిరచితం శ్రీ దత్తాత్రేయ స్తోత్రమ్ |

जटाधरं पांडुरंगं शूलहस्तं कृपानिधिम् |

सर्वरोगहरं देवं दत्तात्रेयमहं भजे ||

अस्य श्रीदत्तात्रेयस्तोत्रमंत्रस्य भगवान्नारदऋषिः, अनुष्टुप् छंदः, श्रीदत्तः परमात्मा देवता, श्रीदत्त प्रीत्यर्थे जपे विनियोगः ||

नारद उवाच |

जगदुत्पत्तिकर्त्रे च स्थितिसंहारहेतवे |

भवपाशविमुक्ताय दत्तात्रेय नमोऽस्तु ते ||

जराजन्मविनाशाय देहशुद्धिकराय च |

दिगंबर दयामूर्ते दत्तात्रेय नमोऽस्तु ते ||

कर्पूरकांतिदेहाय ब्रह्ममूर्तिधराय च |

वेदशास्त्रपरिज्ञाय दत्तात्रेय नमोऽस्तु ते ||

ह्रस्वदीर्घकृशस्थूलनामगोत्रविवर्जित |

पंचभूतैकदीप्ताय दत्तात्रेय नमोऽस्तु ते ||

यज्ञभोक्त्रे च यज्ञाय यज्ञरूपधराय च |

यज्ञप्रियाय सिद्धाय दत्तात्रेय नमोऽस्तु ते ||

आदौ ब्रह्मा हरिर्मध्ये ह्यंते देवः सदाशिवः | [मध्ये विष्णु]

मूर्तित्रयस्वरूपाय दत्तात्रेय नमोऽस्तु ते ||

भोगालयाय भोगाय योगयोग्याय धारिणे |

जितेंद्रिय जितज्ञाय दत्तात्रेय नमोऽस्तु ते ||

दिगंबराय दिव्याय दिव्यरूपधराय च |

सदोदितपरब्रह्म दत्तात्रेय नमोऽस्तु ते ||

जंबूद्वीपे महाक्षेत्रे मातापुरनिवासिने |

जयमान सतां देव दत्तात्रेय नमोऽस्तु ते ||

भिक्षाटनं गृहे ग्रामे पात्रं हेममयं करे |

नानास्वादमयी भिक्षा दत्तात्रेय नमोऽस्तु ते ||

ब्रह्मज्ञानमयी मुद्रा वस्त्रे चाकाशभूतले |

प्रज्ञानघनबोधाय दत्तात्रेय नमोऽस्तु ते ||

अवधूत सदानंद परब्रह्मस्वरूपिणे |

विदेहदेहरूपाय दत्तात्रेय नमोऽस्तु ते ||

सत्यरूप सदाचार सत्यधर्मपरायण |

सत्याश्रय परोक्षाय दत्तात्रेय नमोऽस्तु ते ||

शूलहस्त गदापाणे वनमालासुकंधर |

यज्ञसूत्रधर ब्रह्मन् दत्तात्रेय नमोऽस्तु ते ||

क्षराक्षरस्वरूपाय परात्परतराय च |

दत्त मुक्तिपरस्तोत्र दत्तात्रेय नमोऽस्तु ते ||

दत्त विद्याढ्य लक्ष्मीश दत्त स्वात्मस्वरूपिणे |

गुणनिर्गुणरूपाय दत्तात्रेय नमोऽस्तु ते ||

शत्रुनाशकरं स्तोत्रं ज्ञानविज्ञानदायकम् |

सर्वपापं शमं याति दत्तात्रेय नमोऽस्तु ते ||

इदं स्तोत्रं महद्दिव्यं दत्तप्रत्यक्षकारकम् |

दत्तात्रेयप्रसादाच्च नारदेन प्रकीर्तितम् ||

इति श्रीनारदपुराणे नारदविरचितं श्री दत्तात्रेय स्तोत्रम् |

jatadharam pandurangam shulahastam kripanidhim |

sarwarogaharam devam dattatreyamaham bhaje ||

asya shridattatreyastotramantrasya bhagavannaradarishih, anushtup chhandah, shridattah paramatma devata, shridatta prityarthe jape viniyogah ||

narada uvacha |

jagadutpattikartre cha sthitisanharahetave |

bhavapashavimuktaya dattatreya namostu te ||

jarajanmavinashaya dehashuddhikaraya cha |

digambara dayamurte dattatreya namostu te ||

karpurakantidehaya brahmamurtidharaya cha |

vedashastraparigyaya dattatreya namostu te ||

hraswadirghakrishasthulanamagotravivarjita |

panchabhutaikadiptaya dattatreya namostu te ||

yagyabhoktre cha yagyaya yagyarupadharaya cha |

yagyapriyaya siddhaya dattatreya namostu te ||

aadau brahma harirmadhye hyante devah sadashivah | [madhye vishnu]

murtitrayaswarupaya dattatreya namostu te ||

bhogalayaya bhogaya yogayogyaya dharine |

jitendriya jitagyaya dattatreya namostu te ||

digambaraya divyaya divyarupadharaya cha |

sadoditaparabrahma dattatreya namostu te ||

jambudwipe mahakshetre matapuranivasine |

jayamana satam deva dattatreya namostu te ||

bhikshatanam grihe grame patram hemamayam kare |

nanaswadamayi bhiksha dattatreya namostu te ||

brahmagyanamayi mudra vastre chakashabhutale |

pragyanaghanabodhaya dattatreya namostu te ||

avadhuta sadananda parabrahmaswarupine |

videhadeharupaya dattatreya namostu te ||

satyarupa sadachara satyadharmaparayana |

satyashraya parokshaya dattatreya namostu te ||

shulahasta gadapane vanamalasukandhara |

yagyasutradhara brahman dattatreya namostu te ||

ksharaksharaswarupaya paratparataraya cha |

datta muktiparastotra dattatreya namostu te ||

datta vidyadhya lakshmisha datta swatmaswarupine |

gunanirgunarupaya dattatreya namostu te ||

shatrunashakaram stotram gyanavigyanadayakam |

sarwapapam shamam yati dattatreya namostu te ||

idam stotram mahaddivyam dattapratyakshakarakam |

dattatreyaprasadachcha naradena prakirtitam ||

iti shrinaradapurane naradavirachitam shri dattatreya stotram |