BhaktiVed
అగ్రే కురూణామథ పాండవానాం
దుఃశాసనేనాహృతవస్త్రకేశా ।
కృష్ణా తదాక్రోశదనన్యనాథా
గోవింద దామోదర మాధవేతి ॥
శ్రీకృష్ణ విష్ణో మధుకైటభారే
భక్తానుకంపిన్ భగవన్ మురారే ।
త్రాయస్వ మాం కేశవ లోకనాథ
గోవింద దామోదర మాధవేతి ॥
విక్రేతుకామా కిల గోపకన్యా
మురారిపాదార్పితచిత్తవృత్తిః ।
దధ్యాదికం మోహవశాదవోచద్
గోవింద దామోదర మాధవేతి ॥
ఉలూఖలే సంభృతతండులాంశ్చ
సంఘట్టయంత్యో ముసలైః ప్రముగ్ధాః ।
గాయంతి గోప్యో జనితానురాగా
గోవింద దామోదర మాధవేతి ॥
కాచిత్కరాంభోజపుటే నిషణ్ణం
క్రీడాశుకం కింశుకరక్తతుండమ్ ।
అధ్యాపయామాస సరోరుహాక్షీ
గోవింద దామోదర మాధవేతి ॥
గృహే గృహే గోపవధూసమూహః
ప్రతిక్షణం పింజరసారికాణామ్ ।
స్ఖలద్గిరాం వాచయితుం ప్రవృత్తో
గోవింద దామోదర మాధవేతి ॥
పర్య్యంకికాభాజమలం కుమారం
ప్రస్వాపయంత్యోఽఖిలగోపకన్యాః ।
జగుః ప్రబంధం స్వరతాలబంధం
గోవింద దామోదర మాధవేతి ॥
రామానుజం వీక్షణకేలిలోలం
గోపీ గృహీత్వా నవనీతగోలమ్ ।
ఆబాలకం బాలకమాజుహావ
గోవింద దామోదర మాధవేతి ॥
విచిత్రవర్ణాభరణాభిరామే-
ఽభిధేహి వక్త్రాంబుజరాజహంసి ।
సదా మదీయే రసనేఽగ్రరంగే
గోవింద దామోదర మాధవేతి ॥
అంకాధిరూఢం శిశుగోపగూఢం
స్తనం ధయంతం కమలైకకాంతమ్ ।
సంబోధయామాస ముదా యశోదా
గోవింద దామోదర మాధవేతి ॥
క్రీడంతమంతర్వ్రజమాత్మజం స్వం
సమం వయస్యైః పశుపాలబాలైః ।
ప్రేమ్ణా యశోదా ప్రజుహావ కృష్ణం
గోవింద దామోదర మాధవేతి ॥
యశోదయా గాఢములూఖలేన
గోకంఠపాశేన నిబధ్యమానః ।
రురోద మందం నవనీతభోజీ
గోవింద దామోదర మాధవేతి ॥
నిజాంగణే కంకణకేలిలోలం
గోపీ గృహీత్వా నవనీతగోలమ్ ।
ఆమర్దయత్పాణితలేన నేత్రే
గోవింద దామోదర మాధవేతి ॥
గృహే గృహే గోపవధూకదంబాః
సర్వే మిలిత్వా సమవాయయోగే ।
పుణ్యాని నామాని పఠంతి నిత్యం
గోవింద దామోదర మాధవేతి ॥
మందారమూలే వదనాభిరామం
బింబాధరే పూరితవేణునాదమ్ ।
గోగోపగోపీజనమధ్యసంస్థం
గోవింద దామోదర మాధవేతి ॥
ఉత్థాయ గోప్యోఽపరరాత్రభాగే
స్మృత్వా యశోదాసుతబాలకేలిమ్ ।
గాయంతి ప్రోచ్చైర్దధి మంథయంత్యో
గోవింద దామోదర మాధవేతి ॥
జగ్ధోఽథ దత్తో నవనీతపిండో
గృహే యశోదా విచికిత్సయంతీ ।
ఉవాచ సత్యం వద హే మురారే
గోవింద దామోదర మాధవేతి ॥
అభ్యర్చ్య గేహం యువతిః ప్రవృద్ధ-
ప్రేమప్రవాహా దధి నిర్మమంథ ।
గాయంతి గోప్యోఽథ సఖీసమేతా
గోవింద దామోదర మాధవేతి ॥
క్వచిత్ ప్రభాతే దధిపూర్ణపాత్రే
నిక్షిప్య మంథం యువతీ ముకుందమ్ ।
ఆలోక్య గానం వివిధం కరోతి
గోవింద దామోదర మాధవేతి ॥
క్రీడాపరం భోజనమజ్జనార్థం
హితైషిణీ స్త్రీ తనుజం యశోదా ।
ఆజూహవత్ ప్రేమపరిప్లుతాక్షీ
గోవింద దామోదర మాధవేతి ॥
సుఖం శయానం నిలయే చ విష్ణుం
దేవర్షిముఖ్యా మునయః ప్రపన్నాః ।
తేనాచ్యుతే తన్మయతాం వ్రజంతి
గోవింద దామోదర మాధవేతి ॥
విహాయ నిద్రామరుణోదయే చ
విధాయ కృత్యాని చ విప్రముఖ్యాః ।
వేదావసానే ప్రపఠంతి నిత్యం
గోవింద దామోదర మాధవేతి ॥
వృందావనే గోపగణాశ్చ గోప్యో
విలోక్య గోవిందవియోగఖిన్నామ్ ।
రాధాం జగుః సాశ్రువిలోచనాభ్యాం
గోవింద దామోదర మాధవేతి ॥
ప్రభాతసంచారగతా ను గావస్-
తద్రక్షణార్థం తనయం యశోదా ।
ప్రాబోధయత్ పాణితలేన మందం
గోవింద దామోదర మాధవేతి ॥
ప్రవాలశోభా ఇవ దీర్ఘకేశా
వాతాంబుపర్ణాశనపూతదేహాః ।
మూలే తరూణాం మునయః పఠంతి
గోవింద దామోదర మాధవేతి ॥
ఏవం బ్రువాణా విరహాతురా భృశం
వ్రజస్త్రియః కృష్ణవిషక్తమానసాః ।
విసృజ్య లజ్జాం రురుదుః స్మ సుస్వరం
గోవింద దామోదర మాధవేతి ॥
గోపీ కదాచిన్మణిపంజరస్థం
శుకం వచో వాచయితుం ప్రవృత్తా ।
ఆనందకంద వ్రజచంద్ర కృష్ణ
గోవింద దామోదర మాధవేతి ॥
గోవత్సబాలైః శిశుకాకపక్షం
బధ్నంతమంభోజదలాయతాక్షమ్ ।
ఉవాచ మాతా చిబుకం గృహీత్వా
గోవింద దామోదర మాధవేతి ॥
ప్రభాతకాలే వరవల్లవౌఘా
గోరక్షణార్థం ధృతవేత్రదండాః ।
ఆకారయామాసురనంతమాద్యం
గోవింద దామోదర మాధవేతి ॥
జలాశయే కాలియమర్దనాయ
యదా కదంబాదపతన్మురారిః ।
గోపాంగనాశ్చుక్రుశురేత్య గోపా
గోవింద దామోదర మాధవేతి ॥
అక్రూరమాసాద్య యదా ముకుందశ్-
చాపోత్సవార్థం మథురాం ప్రవిష్టః ।
తదా స పౌరైర్జయసీత్యభాషి
గోవింద దామోదర మాధవేతి ॥
కంసస్య దూతేన యదైవ నీతౌ
వృందావనాంతాద్ వసుదేవసూనూ । (సూనౌ)
రురోద గోపీ భవనస్య మధ్యే
గోవింద దామోదర మాధవేతి ॥
సరోవరే కాలియనాగబద్ధం
శిశుం యశోదాతనయం నిశమ్య ।
చక్రుర్లుఠంత్యః పథి గోపబాలా
గోవింద దామోదర మాధవేతి ॥
అక్రూరయానే యదువంశనాథం
సంగచ్ఛమానం మథురాం నిరీక్ష్య ।
ఊచుర్వియోగత్ కిల గోపబాలా
గోవింద దామోదర మాధవేతి ॥
చక్రంద గోపీ నలినీవనాంతే
కృష్ణేన హీనా కుసుమే శయానా ।
ప్రఫుల్లనీలోత్పలలోచనాభ్యాం
గోవింద దామోదర మాధవేతి ॥
మాతాపితృభ్యాం పరివార్యమాణా
గేహం ప్రవిష్టా విలలాప గోపీ ।
ఆగత్య మాం పాలయ విశ్వనాథ
గోవింద దామోదర మాధవేతి ॥
వృందావనస్థం హరిమాశు బుద్ధ్వా
గోపీ గతా కాపి వనం నిశాయామ్ ।
తత్రాప్యదృష్ట్వాఽతిభయాదవోచద్
గోవింద దామోదర మాధవేతి ॥
సుఖం శయానా నిలయే నిజేఽపి
నామాని విష్ణోః ప్రవదంతి మర్త్యాః ।
తే నిశ్చితం తన్మయతాం వ్రజంతి
గోవింద దామోదర మాధవేతి ॥
సా నీరజాక్షీమవలోక్య రాధాం
రురోద గోవిందవియోగఖిన్నామ్ ।
సఖీ ప్రఫుల్లోత్పలలోచనాభ్యాం
గోవింద దామోదర మాధవేతి ॥
జిహ్వే రసజ్ఞే మధురప్రియా త్వం
సత్యం హితం త్వాం పరమం వదామి ।
ఆవర్ణయేథా మధురాక్షరాణి
గోవింద దామోదర మాధవేతి ॥
ఆత్యంతికవ్యాధిహరం జనానాం
చికిత్సకం వేదవిదో వదంతి ।
సంసారతాపత్రయనాశబీజం
గోవింద దామోదర మాధవేతి ॥
తాతాజ్ఞయా గచ్ఛతి రామచంద్రే
సలక్ష్మణేఽరణ్యచయే ససీతే ।
చక్రంద రామస్య నిజా జనిత్రీ
గోవింద దామోదర మాధవేతి ॥
ఏకాకినీ దండకకాననాంతాత్
సా నీయమానా దశకంధరేణ ।
సీతా తదాక్రందదనన్యనాథా
గోవింద దామోదర మాధవేతి ॥
రామాద్వియుక్తా జనకాత్మజా సా
విచింతయంతీ హృది రామరూపమ్ ।
రురోద సీతా రఘునాథ పాహి
గోవింద దామోదర మాధవేతి ॥
ప్రసీద విష్ణో రఘువంశనాథ
సురాసురాణాం సుఖదుఃఖహేతో ।
రురోద సీతా తు సముద్రమధ్యే
గోవింద దామోదర మాధవేతి ॥
అంతర్జలే గ్రాహగృహీతపాదో
విసృష్టవిక్లిష్టసమస్తబంధుః ।
తదా గజేంద్రో నితరాం జగాద
గోవింద దామోదర మాధవేతి ॥
హంసధ్వజః శంఖయుతో దదర్శ
పుత్రం కటాహే ప్రతపంతమేనమ్ ।
పుణ్యాని నామాని హరేర్జపంతం
గోవింద దామోదర మాధవేతి ॥
దుర్వాససో వాక్యముపేత్య కృష్ణా
సా చాబ్రవీత్ కాననవాసినీశమ్ ।
అంతః ప్రవిష్టం మనసా జుహావ
గోవింద దామోదర మాధవేతి ॥
ధ్యేయః సదా యోగిభిరప్రమేయః
చింతాహరశ్చింతితపారిజాతః ।
కస్తూరికాకల్పితనీలవర్ణో
గోవింద దామోదర మాధవేతి ॥
సంసారకూపే పతితోఽత్యగాధే
మోహాంధపూర్ణే విషయాభితప్తే ।
కరావలంబం మమ దేహి విష్ణో
గోవింద దామోదర మాధవేతి ॥
భజస్వ మంత్రం భవబంధముక్త్యై
జిహ్వే రసజ్ఞే సులభం మనోజ్ఞమ్ ।
ద్వైపాయనాద్యైర్మునిభిః ప్రజప్తం
గోవింద దామోదర మాధవేతి ॥
త్వామేవ యాచే మమ దేహి జిహ్వే
సమాగతే దండధరే కృతాంతే ।
వక్తవ్యమేవం మధురం సుభక్త్యా
గోవింద దామోదర మాధవేతి ॥
గోపాల వంశీధర రూపసింధో
లోకేశ నారాయణ దీనబంధో ।
ఉచ్చస్వరైస్త్వం వద సర్వదైవ
గోవింద దామోదర మాధవేతి ॥
జిహ్వే సదైవం భజ సుందరాణి
నామాని కృష్ణస్య మనోహరాణి ।
సమస్తభక్తార్తివినాశనాని
గోవింద దామోదర మాధవేతి ॥
గోవింద గోవింద హరే మురారే
గోవింద గోవింద ముకుంద కృష్ణ ।
గోవింద గోవింద రథాంగపాణే
గోవింద దామోదర మాధవేతి ॥
సుఖావసానే త్విదమేవ సారం
దుఃఖావసానే త్విదమేవ గేయమ్ ।
దేహావసానే త్విదమేవ జాప్యం
గోవింద దామోదర మాధవేతి ॥
దుర్వారవాక్యం పరిగృహ్య కృష్ణా
మృగీవ భీతా తు కథం కథంచిత్ ।
సభాం ప్రవిష్టా మనసా జుహావ
గోవింద దామోదర మాధవేతి ॥
శ్రీకృష్ణ రాధావర గోకులేశ
గోపాల గోవర్ధన నాథ విష్ణో ।
జిహ్వే పిబస్వామృతమేతదేవ
గోవింద దామోదర మాధవేతి ॥
శ్రీనాథ విశ్వేశ్వర విశ్వమూర్తే
శ్రీదేవకీనందన దైత్యశత్రో ।
జిహ్వే పిబస్వామృతమేతదేవ
గోవింద దామోదర మాధవేతి ॥
గోపీపతే కంసరిపో ముకుంద
లక్ష్మీపతే కేశవ వాసుదేవ ।
జిహ్వే పిబస్వామృతమేతదేవ
గోవింద దామోదర మాధవేతి ॥
గోపీజనాహ్లాదకర వ్రజేశ
గోచారణారణ్యకృతప్రవేశ ।
జిహ్వే పిబస్వామృతమేతదేవ
గోవింద దామోదర మాధవేతి ॥
ప్రాణేశ విశ్వంభర కైటభారే
వైకుంఠ నారాయణ చక్రపాణే ।
జిహ్వే పిబస్వామృతమేతదేవ
గోవింద దామోదర మాధవేతి ॥
హరే మురారే మధుసూదనాద్య
శ్రీరామ సీతావర రావణారే ।
జిహ్వే పిబస్వామృతమేతదేవ
గోవింద దామోదర మాధవేతి ॥
శ్రీయాదవేంద్రాద్రిధరాంబుజాక్ష
గోగోపగోపీసుఖదానదక్ష ।
జిహ్వే పిబస్వామృతమేతదేవ
గోవింద దామోదర మాధవేతి ॥
ధరాభరోత్తారణగోపవేష
విహారలీలాకృతబంధుశేష ।
జిహ్వే పిబస్వామృతమేతదేవ
గోవింద దామోదర మాధవేతి ॥
బకీబకాఘాసురధేనుకారే
కేశీతృణావర్తవిఘాతదక్ష ।
జిహ్వే పిబస్వామృతమేతదేవ
గోవింద దామోదర మాధవేతి ॥
శ్రీజానకీజీవన రామచంద్ర
నిశాచరారే భరతాగ్రజేశ ।
జిహ్వే పిబస్వామృతమేతదేవ
గోవింద దామోదర మాధవేతి ॥
నారాయణానంత హరే నృసింహ
ప్రహ్లాదబాధాహర హే కృపాలో ।
జిహ్వే పిబస్వామృతమేతదేవ
గోవింద దామోదర మాధవేతి ॥
లీలామనుష్యాకృతిరామరూప
ప్రతాపదాసీకృతసర్వభూప ।
జిహ్వే పిబస్వామృతమేతదేవ
గోవింద దామోదర మాధవేతి ॥
శ్రీకృష్ణ గోవింద హరే మురారే
హే నాథ నారాయణ వాసుదేవ ।
జిహ్వే పిబస్వామృతమేతదేవ
గోవింద దామోదర మాధవేతి ॥
వక్తుం సమర్థోఽపి న వక్తి కశ్చిద్-
అహో జనానాం వ్యసనాభిముఖ్యమ్ ।
జిహ్వే పిబస్వామృతమేతదేవ
గోవింద దామోదర మాధవేతి ॥
अग्रे कुरूणामथ पांडवानां
दुःशासनेनाहृतवस्त्रकेशा ।
कृष्णा तदाक्रोशदनन्यनाथा
गोविंद दामोदर माधवेति ॥
श्रीकृष्ण विष्णो मधुकैटभारे
भक्तानुकंपिन् भगवन् मुरारे ।
त्रायस्व मां केशव लोकनाथ
गोविंद दामोदर माधवेति ॥
विक्रेतुकामा किल गोपकन्या
मुरारिपादार्पितचित्तवृत्तिः ।
दध्यादिकं मोहवशादवोचद्
गोविंद दामोदर माधवेति ॥
उलूखले संभृततंडुलांश्च
संघट्टयंत्यो मुसलैः प्रमुग्धाः ।
गायंति गोप्यो जनितानुरागा
गोविंद दामोदर माधवेति ॥
काचित्करांभोजपुटे निषण्णं
क्रीडाशुकं किंशुकरक्ततुंडम् ।
अध्यापयामास सरोरुहाक्षी
गोविंद दामोदर माधवेति ॥
गृहे गृहे गोपवधूसमूहः
प्रतिक्षणं पिंजरसारिकाणाम् ।
स्खलद्गिरां वाचयितुं प्रवृत्तो
गोविंद दामोदर माधवेति ॥
पर्य्यंकिकाभाजमलं कुमारं
प्रस्वापयंत्योऽखिलगोपकन्याः ।
जगुः प्रबंधं स्वरतालबंधं
गोविंद दामोदर माधवेति ॥
रामानुजं वीक्षणकेलिलोलं
गोपी गृहीत्वा नवनीतगोलम् ।
आबालकं बालकमाजुहाव
गोविंद दामोदर माधवेति ॥
विचित्रवर्णाभरणाभिरामे-
ऽभिधेहि वक्त्रांबुजराजहंसि ।
सदा मदीये रसनेऽग्ररंगे
गोविंद दामोदर माधवेति ॥
अंकाधिरूढं शिशुगोपगूढं
स्तनं धयंतं कमलैककांतम् ।
संबोधयामास मुदा यशोदा
गोविंद दामोदर माधवेति ॥
क्रीडंतमंतर्व्रजमात्मजं स्वं
समं वयस्यैः पशुपालबालैः ।
प्रेम्णा यशोदा प्रजुहाव कृष्णं
गोविंद दामोदर माधवेति ॥
यशोदया गाढमुलूखलेन
गोकंठपाशेन निबध्यमानः ।
रुरोद मंदं नवनीतभोजी
गोविंद दामोदर माधवेति ॥
निजांगणे कंकणकेलिलोलं
गोपी गृहीत्वा नवनीतगोलम् ।
आमर्दयत्पाणितलेन नेत्रे
गोविंद दामोदर माधवेति ॥
गृहे गृहे गोपवधूकदंबाः
सर्वे मिलित्वा समवाययोगे ।
पुण्यानि नामानि पठंति नित्यं
गोविंद दामोदर माधवेति ॥
मंदारमूले वदनाभिरामं
बिंबाधरे पूरितवेणुनादम् ।
गोगोपगोपीजनमध्यसंस्थं
गोविंद दामोदर माधवेति ॥
उत्थाय गोप्योऽपररात्रभागे
स्मृत्वा यशोदासुतबालकेलिम् ।
गायंति प्रोच्चैर्दधि मंथयंत्यो
गोविंद दामोदर माधवेति ॥
जग्धोऽथ दत्तो नवनीतपिंडो
गृहे यशोदा विचिकित्सयंती ।
उवाच सत्यं वद हे मुरारे
गोविंद दामोदर माधवेति ॥
अभ्यर्च्य गेहं युवतिः प्रवृद्ध-
प्रेमप्रवाहा दधि निर्ममंथ ।
गायंति गोप्योऽथ सखीसमेता
गोविंद दामोदर माधवेति ॥
क्वचित् प्रभाते दधिपूर्णपात्रे
निक्षिप्य मंथं युवती मुकुंदम् ।
आलोक्य गानं विविधं करोति
गोविंद दामोदर माधवेति ॥
क्रीडापरं भोजनमज्जनार्थं
हितैषिणी स्त्री तनुजं यशोदा ।
आजूहवत् प्रेमपरिप्लुताक्षी
गोविंद दामोदर माधवेति ॥
सुखं शयानं निलये च विष्णुं
देवर्षिमुख्या मुनयः प्रपन्नाः ।
तेनाच्युते तन्मयतां व्रजंति
गोविंद दामोदर माधवेति ॥
विहाय निद्रामरुणोदये च
विधाय कृत्यानि च विप्रमुख्याः ।
वेदावसाने प्रपठंति नित्यं
गोविंद दामोदर माधवेति ॥
वृंदावने गोपगणाश्च गोप्यो
विलोक्य गोविंदवियोगखिन्नाम् ।
राधां जगुः साश्रुविलोचनाभ्यां
गोविंद दामोदर माधवेति ॥
प्रभातसंचारगता नु गावस्-
तद्रक्षणार्थं तनयं यशोदा ।
प्राबोधयत् पाणितलेन मंदं
गोविंद दामोदर माधवेति ॥
प्रवालशोभा इव दीर्घकेशा
वातांबुपर्णाशनपूतदेहाः ।
मूले तरूणां मुनयः पठंति
गोविंद दामोदर माधवेति ॥
एवं ब्रुवाणा विरहातुरा भृशं
व्रजस्त्रियः कृष्णविषक्तमानसाः ।
विसृज्य लज्जां रुरुदुः स्म सुस्वरं
गोविंद दामोदर माधवेति ॥
गोपी कदाचिन्मणिपंजरस्थं
शुकं वचो वाचयितुं प्रवृत्ता ।
आनंदकंद व्रजचंद्र कृष्ण
गोविंद दामोदर माधवेति ॥
गोवत्सबालैः शिशुकाकपक्षं
बध्नंतमंभोजदलायताक्षम् ।
उवाच माता चिबुकं गृहीत्वा
गोविंद दामोदर माधवेति ॥
प्रभातकाले वरवल्लवौघा
गोरक्षणार्थं धृतवेत्रदंडाः ।
आकारयामासुरनंतमाद्यं
गोविंद दामोदर माधवेति ॥
जलाशये कालियमर्दनाय
यदा कदंबादपतन्मुरारिः ।
गोपांगनाश्चुक्रुशुरेत्य गोपा
गोविंद दामोदर माधवेति ॥
अक्रूरमासाद्य यदा मुकुंदश्-
चापोत्सवार्थं मथुरां प्रविष्टः ।
तदा स पौरैर्जयसीत्यभाषि
गोविंद दामोदर माधवेति ॥
कंसस्य दूतेन यदैव नीतौ
वृंदावनांताद् वसुदेवसूनू । (सूनौ)
रुरोद गोपी भवनस्य मध्ये
गोविंद दामोदर माधवेति ॥
सरोवरे कालियनागबद्धं
शिशुं यशोदातनयं निशम्य ।
चक्रुर्लुठंत्यः पथि गोपबाला
गोविंद दामोदर माधवेति ॥
अक्रूरयाने यदुवंशनाथं
संगच्छमानं मथुरां निरीक्ष्य ।
ऊचुर्वियोगत् किल गोपबाला
गोविंद दामोदर माधवेति ॥
चक्रंद गोपी नलिनीवनांते
कृष्णेन हीना कुसुमे शयाना ।
प्रफुल्लनीलोत्पललोचनाभ्यां
गोविंद दामोदर माधवेति ॥
मातापितृभ्यां परिवार्यमाणा
गेहं प्रविष्टा विललाप गोपी ।
आगत्य मां पालय विश्वनाथ
गोविंद दामोदर माधवेति ॥
वृंदावनस्थं हरिमाशु बुद्ध्वा
गोपी गता कापि वनं निशायाम् ।
तत्राप्यदृष्ट्वाऽतिभयादवोचद्
गोविंद दामोदर माधवेति ॥
सुखं शयाना निलये निजेऽपि
नामानि विष्णोः प्रवदंति मर्त्याः ।
ते निश्चितं तन्मयतां व्रजंति
गोविंद दामोदर माधवेति ॥
सा नीरजाक्षीमवलोक्य राधां
रुरोद गोविंदवियोगखिन्नाम् ।
सखी प्रफुल्लोत्पललोचनाभ्यां
गोविंद दामोदर माधवेति ॥
जिह्वे रसज्ञे मधुरप्रिया त्वं
सत्यं हितं त्वां परमं वदामि ।
आवर्णयेथा मधुराक्षराणि
गोविंद दामोदर माधवेति ॥
आत्यंतिकव्याधिहरं जनानां
चिकित्सकं वेदविदो वदंति ।
संसारतापत्रयनाशबीजं
गोविंद दामोदर माधवेति ॥
ताताज्ञया गच्छति रामचंद्रे
सलक्ष्मणेऽरण्यचये ससीते ।
चक्रंद रामस्य निजा जनित्री
गोविंद दामोदर माधवेति ॥
एकाकिनी दंडककाननांतात्
सा नीयमाना दशकंधरेण ।
सीता तदाक्रंददनन्यनाथा
गोविंद दामोदर माधवेति ॥
रामाद्वियुक्ता जनकात्मजा सा
विचिंतयंती हृदि रामरूपम् ।
रुरोद सीता रघुनाथ पाहि
गोविंद दामोदर माधवेति ॥
प्रसीद विष्णो रघुवंशनाथ
सुरासुराणां सुखदुःखहेतो ।
रुरोद सीता तु समुद्रमध्ये
गोविंद दामोदर माधवेति ॥
अंतर्जले ग्राहगृहीतपादो
विसृष्टविक्लिष्टसमस्तबंधुः ।
तदा गजेंद्रो नितरां जगाद
गोविंद दामोदर माधवेति ॥
हंसध्वजः शंखयुतो ददर्श
पुत्रं कटाहे प्रतपंतमेनम् ।
पुण्यानि नामानि हरेर्जपंतं
गोविंद दामोदर माधवेति ॥
दुर्वाससो वाक्यमुपेत्य कृष्णा
सा चाब्रवीत् काननवासिनीशम् ।
अंतः प्रविष्टं मनसा जुहाव
गोविंद दामोदर माधवेति ॥
ध्येयः सदा योगिभिरप्रमेयः
चिंताहरश्चिंतितपारिजातः ।
कस्तूरिकाकल्पितनीलवर्णो
गोविंद दामोदर माधवेति ॥
संसारकूपे पतितोऽत्यगाधे
मोहांधपूर्णे विषयाभितप्ते ।
करावलंबं मम देहि विष्णो
गोविंद दामोदर माधवेति ॥
भजस्व मंत्रं भवबंधमुक्त्यै
जिह्वे रसज्ञे सुलभं मनोज्ञम् ।
द्वैपायनाद्यैर्मुनिभिः प्रजप्तं
गोविंद दामोदर माधवेति ॥
त्वामेव याचे मम देहि जिह्वे
समागते दंडधरे कृतांते ।
वक्तव्यमेवं मधुरं सुभक्त्या
गोविंद दामोदर माधवेति ॥
गोपाल वंशीधर रूपसिंधो
लोकेश नारायण दीनबंधो ।
उच्चस्वरैस्त्वं वद सर्वदैव
गोविंद दामोदर माधवेति ॥
जिह्वे सदैवं भज सुंदराणि
नामानि कृष्णस्य मनोहराणि ।
समस्तभक्तार्तिविनाशनानि
गोविंद दामोदर माधवेति ॥
गोविंद गोविंद हरे मुरारे
गोविंद गोविंद मुकुंद कृष्ण ।
गोविंद गोविंद रथांगपाणे
गोविंद दामोदर माधवेति ॥
सुखावसाने त्विदमेव सारं
दुःखावसाने त्विदमेव गेयम् ।
देहावसाने त्विदमेव जाप्यं
गोविंद दामोदर माधवेति ॥
दुर्वारवाक्यं परिगृह्य कृष्णा
मृगीव भीता तु कथं कथंचित् ।
सभां प्रविष्टा मनसा जुहाव
गोविंद दामोदर माधवेति ॥
श्रीकृष्ण राधावर गोकुलेश
गोपाल गोवर्धन नाथ विष्णो ।
जिह्वे पिबस्वामृतमेतदेव
गोविंद दामोदर माधवेति ॥
श्रीनाथ विश्वेश्वर विश्वमूर्ते
श्रीदेवकीनंदन दैत्यशत्रो ।
जिह्वे पिबस्वामृतमेतदेव
गोविंद दामोदर माधवेति ॥
गोपीपते कंसरिपो मुकुंद
लक्ष्मीपते केशव वासुदेव ।
जिह्वे पिबस्वामृतमेतदेव
गोविंद दामोदर माधवेति ॥
गोपीजनाह्लादकर व्रजेश
गोचारणारण्यकृतप्रवेश ।
जिह्वे पिबस्वामृतमेतदेव
गोविंद दामोदर माधवेति ॥
प्राणेश विश्वंभर कैटभारे
वैकुंठ नारायण चक्रपाणे ।
जिह्वे पिबस्वामृतमेतदेव
गोविंद दामोदर माधवेति ॥
हरे मुरारे मधुसूदनाद्य
श्रीराम सीतावर रावणारे ।
जिह्वे पिबस्वामृतमेतदेव
गोविंद दामोदर माधवेति ॥
श्रीयादवेंद्राद्रिधरांबुजाक्ष
गोगोपगोपीसुखदानदक्ष ।
जिह्वे पिबस्वामृतमेतदेव
गोविंद दामोदर माधवेति ॥
धराभरोत्तारणगोपवेष
विहारलीलाकृतबंधुशेष ।
जिह्वे पिबस्वामृतमेतदेव
गोविंद दामोदर माधवेति ॥
बकीबकाघासुरधेनुकारे
केशीतृणावर्तविघातदक्ष ।
जिह्वे पिबस्वामृतमेतदेव
गोविंद दामोदर माधवेति ॥
श्रीजानकीजीवन रामचंद्र
निशाचरारे भरताग्रजेश ।
जिह्वे पिबस्वामृतमेतदेव
गोविंद दामोदर माधवेति ॥
नारायणानंत हरे नृसिंह
प्रह्लादबाधाहर हे कृपालो ।
जिह्वे पिबस्वामृतमेतदेव
गोविंद दामोदर माधवेति ॥
लीलामनुष्याकृतिरामरूप
प्रतापदासीकृतसर्वभूप ।
जिह्वे पिबस्वामृतमेतदेव
गोविंद दामोदर माधवेति ॥
श्रीकृष्ण गोविंद हरे मुरारे
हे नाथ नारायण वासुदेव ।
जिह्वे पिबस्वामृतमेतदेव
गोविंद दामोदर माधवेति ॥
वक्तुं समर्थोऽपि न वक्ति कश्चिद्-
अहो जनानां व्यसनाभिमुख्यम् ।
जिह्वे पिबस्वामृतमेतदेव
गोविंद दामोदर माधवेति ॥
agre kurunamatha pandavanam
duhshasanenahritavastrakesha
krishna tadakroshadananyanatha
govinda damodara madhaveti
shrikrishna vishno madhukaitabhare
bhaktanukampin bhagavan murare
trayaswa mam keshava lokanatha
govinda damodara madhaveti
vikretukama kila gopakanya
muraripadarpitachittavrittih
dadhyadikam mohavashadavochad
govinda damodara madhaveti
ulukhale sambhritatandulanshcha
sanghattayantyo musalaih pramugdhah
gayanti gopyo janitanuraga
govinda damodara madhaveti
kachitkarambhojapute nishannam
kridashukam kinshukaraktatundam
adhyapayamasa saroruhakshi
govinda damodara madhaveti
grihe grihe gopavadhusamuhah
pratikshanam pinjarasarikanam
skhaladgiram vachayitum pravritto
govinda damodara madhaveti
paryyankikabhajamalam kumaram
praswapayantyokhilagopakanyah
jaguh prabandham swaratalabandham
govinda damodara madhaveti
ramanujam vikshanakelilolam
gopi grihitwa navanitagolam
aabalakam balakamajuhava
govinda damodara madhaveti
vichitravarnabharanabhirame-
bhidhehi vaktrambujarajahansi
sada madiye rasanegrarange
govinda damodara madhaveti
ankadhirudham shishugopagudham
stanam dhayantam kamalaikakantam
sambodhayamasa muda yashoda
govinda damodara madhaveti
kridantamantarwrajamatmajam swam
samam vayasyaih pashupalabalaih
premna yashoda prajuhava krishnam
govinda damodara madhaveti
yashodaya gadhamulukhalena
gokanthapashena nibadhyamanah
ruroda mandam navanitabhoji
govinda damodara madhaveti
nijangane kankanakelilolam
gopi grihitwa navanitagolam
aamardayatpanitalena netre
govinda damodara madhaveti
grihe grihe gopavadhukadambah
sarwe militwa samavayayoge
punyani namani pathanti nityam
govinda damodara madhaveti
mandaramule vadanabhiramam
bimbadhare puritavenunadam
gogopagopijanamadhyasanstham
govinda damodara madhaveti
utthaya gopyopararatrabhage
smritwa yashodasutabalakelim
gayanti prochchairdadhi manthayantyo
govinda damodara madhaveti
jagdhotha datto navanitapindo
grihe yashoda vichikitsayanti
uvacha satyam vada he murare
govinda damodara madhaveti
abhyarchya geham yuvatih pravriddha-
premapravaha dadhi nirmamantha
gayanti gopyotha sakhisameta
govinda damodara madhaveti
kwachit prabhate dadhipurnapatre
nikshipya mantham yuvati mukundam
aalokya ganam vividham karoti
govinda damodara madhaveti
kridaparam bhojanamajjanartham
hitaishini stri tanujam yashoda
aajuhavat premapariplutakshi
govinda damodara madhaveti
sukham shayanam nilaye cha vishnum
devarshimukhya munayah prapannah
tenachyute tanmayatam vrajanti
govinda damodara madhaveti
vihaya nidramarunodaye cha
vidhaya krityani cha vipramukhyah
vedavasane prapathanti nityam
govinda damodara madhaveti
vrindavane gopaganashcha gopyo
vilokya govindaviyogakhinnam
radham jaguh sashruvilochanabhyam
govinda damodara madhaveti
prabhatasancharagata nu gavas-
tadrakshanartham tanayam yashoda
prabodhayat panitalena mandam
govinda damodara madhaveti
pravalashobha iva dirghakesha
vatambuparnashanaputadehah
mule tarunam munayah pathanti
govinda damodara madhaveti
evam bruvana virahatura bhrisham
vrajastriyah krishnavishaktamanasah
visrijya lajjam ruruduh sma suswaram
govinda damodara madhaveti
gopi kadachinmanipanjarastham
shukam vacho vachayitum pravritta
aanandakanda vrajachandra krishna
govinda damodara madhaveti
govatsabalaih shishukakapaksham
badhnantamambhojadalayataksham
uvacha mata chibukam grihitwa
govinda damodara madhaveti
prabhatakale varavallavaugha
gorakshanartham dhritavetradandah
aakarayamasuranantamadyam
govinda damodara madhaveti
jalashaye kaliyamardanaya
yada kadambadapatanmurarih
gopanganashchukrushuretya gopa
govinda damodara madhaveti
akruramasadya yada mukundash-
chapotsavartham mathuram pravishtah
tada sa paurairjayasityabhashi
govinda damodara madhaveti
kansasya dutena yadaiva nitau
vrindavanantad vasudevasunu (sunau)
ruroda gopi bhavanasya madhye
govinda damodara madhaveti
sarovare kaliyanagabaddham
shishum yashodatanayam nishamya
chakrurluthantyah pathi gopabala
govinda damodara madhaveti
akrurayane yaduvanshanatham
sangachchhamanam mathuram nirikshya
uchurwiyogat kila gopabala
govinda damodara madhaveti
chakranda gopi nalinivanante
krishnena hina kusume shayana
praphullanilotpalalochanabhyam
govinda damodara madhaveti
matapitribhyam parivaryamana
geham pravishta vilalapa gopi
aagatya mam palaya vishwanatha
govinda damodara madhaveti
vrindavanastham harimashu buddhwa
gopi gata kapi vanam nishayam
tatrapyadrishtwatibhayadavochad
govinda damodara madhaveti
sukham shayana nilaye nijepi
namani vishnoh pravadanti martyah
te nishchitam tanmayatam vrajanti
govinda damodara madhaveti
sa nirajakshimavalokya radham
ruroda govindaviyogakhinnam
sakhi praphullotpalalochanabhyam
govinda damodara madhaveti
jihwe rasagye madhurapriya twam
satyam hitam twam paramam vadami
aavarnayetha madhuraksharani
govinda damodara madhaveti
aatyantikavyadhiharam jananam
chikitsakam vedavido vadanti
sansaratapatrayanashabijam
govinda damodara madhaveti
tatagyaya gachchhati ramachandre
salakshmaneranyachaye sasite
chakranda ramasya nija janitri
govinda damodara madhaveti
ekakini dandakakananantat
sa niyamana dashakandharena
sita tadakrandadananyanatha
govinda damodara madhaveti
ramadwiyukta janakatmaja sa
vichintayanti hridi ramarupam
ruroda sita raghunatha pahi
govinda damodara madhaveti
prasida vishno raghuvanshanatha
surasuranam sukhaduhkhaheto
ruroda sita tu samudramadhye
govinda damodara madhaveti
antarjale grahagrihitapado
visrishtaviklishtasamastabandhuh
tada gajendro nitaram jagada
govinda damodara madhaveti
hansadhwajah shankhayuto dadarsha
putram katahe pratapantamenam
punyani namani harerjapantam
govinda damodara madhaveti
durwasaso vakyamupetya krishna
sa chabravit kananavasinisham
antah pravishtam manasa juhava
govinda damodara madhaveti
dhyeyah sada yogibhiraprameyah
chintaharashchintitaparijatah
kasturikakalpitanilavarno
govinda damodara madhaveti
sansarakupe patitotyagadhe
mohandhapurne vishayabhitapte
karavalambam mama dehi vishno
govinda damodara madhaveti
bhajaswa mantram bhavabandhamuktyai
jihwe rasagye sulabham manogyam
dwaipayanadyairmunibhih prajaptam
govinda damodara madhaveti
twameva yache mama dehi jihwe
samagate dandadhare kritante
vaktavyamevam madhuram subhaktya
govinda damodara madhaveti
gopala vanshidhara rupasindho
lokesha narayana dinabandho
uchchaswaraistwam vada sarwadaiva
govinda damodara madhaveti
jihwe sadaivam bhaja sundarani
namani krishnasya manoharani
samastabhaktartivinashanani
govinda damodara madhaveti
govinda govinda hare murare
govinda govinda mukunda krishna
govinda govinda rathangapane
govinda damodara madhaveti
sukhavasane twidameva saram
duhkhavasane twidameva geyam
dehavasane twidameva japyam
govinda damodara madhaveti
durwaravakyam parigrihya krishna
mrigiva bhita tu katham kathanchit
sabham pravishta manasa juhava
govinda damodara madhaveti
shrikrishna radhavara gokulesha
gopala govardhana natha vishno
jihwe pibaswamritametadeva
govinda damodara madhaveti
shrinatha vishweshwara vishwamurte
shridevakinandana daityashatro
jihwe pibaswamritametadeva
govinda damodara madhaveti
gopipate kansaripo mukunda
lakshmipate keshava vasudeva
jihwe pibaswamritametadeva
govinda damodara madhaveti
gopijanahladakara vrajesha
gocharanaranyakritapravesha
jihwe pibaswamritametadeva
govinda damodara madhaveti
pranesha vishwambhara kaitabhare
vaikuntha narayana chakrapane
jihwe pibaswamritametadeva
govinda damodara madhaveti
hare murare madhusudanadya
shrirama sitavara ravanare
jihwe pibaswamritametadeva
govinda damodara madhaveti
shriyadavendradridharambujaksha
gogopagopisukhadanadaksha
jihwe pibaswamritametadeva
govinda damodara madhaveti
dharabharottaranagopavesha
viharalilakritabandhushesha
jihwe pibaswamritametadeva
govinda damodara madhaveti
bakibakaghasuradhenukare
keshitrinavartavighatadaksha
jihwe pibaswamritametadeva
govinda damodara madhaveti
shrijanakijivana ramachandra
nishacharare bharatagrajesha
jihwe pibaswamritametadeva
govinda damodara madhaveti
narayanananta hare nrisinha
prahladabadhahara he kripalo
jihwe pibaswamritametadeva
govinda damodara madhaveti
lilamanushyakritiramarupa
pratapadasikritasarwabhupa
jihwe pibaswamritametadeva
govinda damodara madhaveti
shrikrishna govinda hare murare
he natha narayana vasudeva
jihwe pibaswamritametadeva
govinda damodara madhaveti
vaktum samarthopi na vakti kashchid-
aho jananam vyasanabhimukhyam
jihwe pibaswamritametadeva
govinda damodara madhaveti
