BhaktiVed
వేంకటేశ్వరుడు

హరియవతారమితడు అన్నమయ్య

సంకీర్తనరచన: అన్నమాచార్య (Annamacharya)రాగం శ్రీరాగం (annamacharya sankirtana no. 100)
లిపి
ఫాంట్ సైజు

సంపాదకీయ సమీక్ష · సమీక్ష నమోదైంది
సమీక్ష తేదీ (UTC)

సమీక్ష నమోదు ఉన్నప్పుడు దాని తేదీ చూపిస్తాము. లిపి మార్పు అనువాదం కాదు. సంప్రదాయ పాఠాంతరాలు ఉండవచ్చు.

హరి యవతార మీతడు అన్నమయ్య ।

అరయ మా గురుడీతడు అన్నమయ్య ।

వైకుంఠ నాథుని వద్ద వడి పడు చున్న వాడు

ఆకరమై తాళ్ళపాక అన్నమయ్య ।

ఆకసపు విష్ణు పాదమందు నిత్యమై ఉన్న వాడు

ఆకడీకడ తాళ్ళపాక అన్నమయ్య ॥

ఈవల సంసార లీల ఇందిరేశుతో నున్న వాడు

ఆవటించి తాళ్ళపాక అన్నమయ్య ।

భావింప శ్రీ వేంకటేశు పదములందే యున్నవాడు

హావ భావమై తాళ్ళపాక అన్నమయ్య ॥

క్షీరాబ్ధిశాయి బట్టి సేవింపుచు నున్నవాడు

ఆరితేరి తాళ్ళపాక అన్నమయ్య ।

ధీరుడై సూర్యమండల తేజము వద్ద నున్నవాడు

ఆరీతుల తాళ్ళపాక అన్నమయ్య ॥

ఈ పాఠానికి వీడియో లేదు.YouTubeలో వెతకండి

భావం / వివరణ

హరియవతారమితడు అన్నమయ్య – అన్నమయ్య కీర్తనలు

శ్రీరాగం

అవతారిక:

తాళ్లపాక పెదతిరుమలాచార్యులవారు తన తండ్రి అన్నమాచార్యులవారిని కీర్తిస్తూ చెప్పిన కర్ణపేయమైన కీర్తననాస్వాదించండి. అన్నమయ్య శ్రీహరి అవతారమని చెబుతున్నారు. తన గురువు కూడా అన్నమయ్యయేనంటున్నారు. వైకుంఠవాసమునొందిన తనతండ్రి నిత్యమూ క్షీరాబ్ధిశయనుని సేవించుటలో ఆరితేరియున్నాడట. శ్రీవేంకటేశ్వరుని పాదముల చెంత తన హావభావములను ప్రకటిస్తూ అన్నమయ్య నేటికీ వున్నాడట.

భావ వివరణ:

ఈ అన్నమయ్య స్వయముగా శ్రీహరి అవతారమే. ఈయనే మాకు జన్మనిచ్చి శ్రీహరి భక్తియు నొసగిన గురుపుంగవులు.

వైకుంఠనాథునివద్ద ఆకరమై (స్థానమును పొందిన వాడై) ఈ తాళ్ళపాక అన్నమాచార్యులవారు వడి (వేగముగా) హరిని కీర్తించుచు పాడుచున్నారు. ఆకాశవీధిలో విష్ణుని పాదపద్మముల చెంత ఈయన నిత్యమై (శాశ్వతుడై) వున్నాడు. ఈ తాళ్ళపాక అన్నమయ్య ఆకడ (ఆ వైకుంఠసీమలోను) ఈ కడ (తిరుమల శిఖరాలచెంతను) హరి సేవలోనే గడుపుతున్నారు.

ఆరితేరిన (నిష్ణాతులైన) ఈ తాళ్ళపాక అన్నమయ్య, క్షీరసాగరశయనుడైన శ్రీహరిని ఇట్టే సేవింపుచూ వున్నవాడు. అదే ఆయనకు నిత్యకృత్యమైనది. సూర్యమండలపు దివ్యతేజస్సుతో వెలుగులు జిమ్మే చోట అన్నమయ్య ధీరుడై తేజో మూర్తియైయున్నాడు.

ఈవల (ఈ కలియుగంలో) సంసారలీల ప్రకారం ఇందిరానాథునితో ఈ తాళ్ళపాక అన్నమయ్య ఆవటించి (పొందికతో) యున్నవాడు. భావించిచూడగా శ్రీవేంకటేశ్వరుని పాదపద్మముల చెంతనే తన హావభావములను ప్రకటించుచు తేజోరూపుడై ఈ అన్నమాచార్యులవారు హరిసేవలో వున్నారు.

మరిన్ని అన్నమయ్య కీర్తనలు:

ఇవి కూడా చదవండి

బ్రహ్మమొక్కటే పరబ్రహ్మమొక్కటేసంకీర్తనచదవండి శ్రీనివాసా గోవిందా శ్రీ వేంకటేశా గోవిందా (గోవింద నామాలు)కీర్తనచదవండి అదివో అల్లదివో శ్రీహరివాసముసంకీర్తనచదవండి కొండలలో నెలకొన్న కోనేటిరాయడు వాడుసంకీర్తనచదవండి నానాటి బతుకు నాటకముసంకీర్తనచదవండి అలరులు కురియగ ఆడెనదేసంకీర్తనచదవండి