BhaktiVed
ఓం అస్యశ్రీ శివరక్షాస్తోత్ర మహామంత్రస్య యాజ్ఞవల్క్య ఋషిః, శ్రీ సదాశివో దేవతా, అనుష్టుప్ ఛందః, శ్రీసదాశివప్రీత్యర్థే శ్రీ శివరక్షాస్తోత్ర జపేవినియోగః ॥
చరితం దేవదేవస్య మహాదేవస్య పావనమ్ |
అపారం పరమోదారం చతుర్వర్గస్య సాధనమ్ ||
గౌరీవినాయకోపేతం పంచవక్త్రమ్ త్రినేత్రకమ్ |
శివం ధ్యాత్వా దశభుజం శివరక్షాం పఠేన్నరః ||
గంగాధరశ్శిరః పాతు ఫాల మర్ధేందు శేఖరః |
నయనే మదనధ్వంసీ కర్ణౌ సర్పవిభూషణః ||
ఘ్రాణం పాతు పురారాతి ర్ముఖం పాతు జగత్పతిః |
జిహ్వాం వాగీశ్వరః పాతు కంధరాం శితికంధరః ||
శ్రీకంఠః పాతు మే కంఠం స్కంధౌ విశ్వధురంధరః |
భుజౌ భూభారసంహర్తా కరౌ పాతు పినాకధృక్ ||
హృదయం శంకరః పాతు జఠరం గిరిజాపతిః |
నాభిం మృత్యుంజయః పాతు కటే వ్యాఘ్రాజినాంబరః ||
సక్థినీ పాతు దీనార్త శరణాగతవత్సలః |
ఊరూ మహేశ్వరః పాతు జానునీ జగదీశ్వరః ||
జంఘే పాతు జగత్కర్తా గుల్ఫౌ పాతు గణాధిపః |
చరణౌ కరుణాసింధు స్సర్వాంగాని సదాశివః ||
ఏతాం శివబలోపేతాం రక్షాం యస్సుకృతీ పఠేత్ |
స భుక్త్యా సకలాన్కామాన్ శివసాయుజ్య మాప్నుయాత్ ||
గ్రహభూతపిశాచాద్యా త్రైలోక్యే విచరంతి యే |
దూరా దాశు పలాయంతే శివనామాభిరక్షణాత్ ||
అభయంకరనామేదం కవచం పార్వతీపతేః |
భక్త్యా బిభర్తి యః కంఠే తస్య వశ్యం జగత్త్రయమ్ ||
ఇమాం నారాయణ స్స్వప్నేశివరక్షాం యథాదిశత్ |
ప్రాతరుత్థాయ యోగీంద్రో యాజ్ఞవల్క్యస్తథాఽలిఖత్ ||
ओं अस्यश्री शिवरक्षास्तोत्र महामंत्रस्य याज्ञवल्क्य ऋषिः, श्री सदाशिवो देवता, अनुष्टुप् छंदः, श्रीसदाशिवप्रीत्यर्थे श्री शिवरक्षास्तोत्र जपेविनियोगः ॥
चरितं देवदेवस्य महादेवस्य पावनम् |
अपारं परमोदारं चतुर्वर्गस्य साधनम् ||
गौरीविनायकोपेतं पंचवक्त्रम् त्रिनेत्रकम् |
शिवं ध्यात्वा दशभुजं शिवरक्षां पठेन्नरः ||
गंगाधरश्शिरः पातु फाल मर्धेंदु शेखरः |
नयने मदनध्वंसी कर्णौ सर्पविभूषणः ||
घ्राणं पातु पुराराति र्मुखं पातु जगत्पतिः |
जिह्वां वागीश्वरः पातु कंधरां शितिकंधरः ||
श्रीकंठः पातु मे कंठं स्कंधौ विश्वधुरंधरः |
भुजौ भूभारसंहर्ता करौ पातु पिनाकधृक् ||
हृदयं शंकरः पातु जठरं गिरिजापतिः |
नाभिं मृत्युंजयः पातु कटे व्याघ्राजिनांबरः ||
सक्थिनी पातु दीनार्त शरणागतवत्सलः |
ऊरू महेश्वरः पातु जानुनी जगदीश्वरः ||
जंघे पातु जगत्कर्ता गुल्फौ पातु गणाधिपः |
चरणौ करुणासिंधु स्सर्वांगानि सदाशिवः ||
एतां शिवबलोपेतां रक्षां यस्सुकृती पठेत् |
स भुक्त्या सकलान्कामान् शिवसायुज्य माप्नुयात् ||
ग्रहभूतपिशाचाद्या त्रैलोक्ये विचरंति ये |
दूरा दाशु पलायंते शिवनामाभिरक्षणात् ||
अभयंकरनामेदं कवचं पार्वतीपतेः |
भक्त्या बिभर्ति यः कंठे तस्य वश्यं जगत्त्रयम् ||
इमां नारायण स्स्वप्नेशिवरक्षां यथादिशत् |
प्रातरुत्थाय योगींद्रो याज्ञवल्क्यस्तथाऽलिखत् ||
om asyashri shivarakshastotra mahamantrasya yagyavalkya rishih, shri sadashivo devata, anushtup chhandah, shrisadashivaprityarthe shri shivarakshastotra japeviniyogah
charitam devadevasya mahadevasya pavanam |
aparam paramodaram chaturwargasya sadhanam ||
gaurivinayakopetam panchavaktram trinetrakam |
shivam dhyatwa dashabhujam shivaraksham pathennarah ||
gangadharashshirah patu phala mardhendu shekharah |
nayane madanadhwansi karnau sarpavibhushanah ||
ghranam patu purarati rmukham patu jagatpatih |
jihwam vagishwarah patu kandharam shitikandharah ||
shrikanthah patu me kantham skandhau vishwadhurandharah |
bhujau bhubharasanharta karau patu pinakadhrik ||
hridayam shankarah patu jatharam girijapatih |
nabhim mrityunjayah patu kate vyaghrajinambarah ||
sakthini patu dinarta sharanagatavatsalah |
uru maheshwarah patu januni jagadishwarah ||
janghe patu jagatkarta gulphau patu ganadhipah |
charanau karunasindhu ssarwangani sadashivah ||
etam shivabalopetam raksham yassukriti pathet |
sa bhuktya sakalankaman shivasayujya mapnuyat ||
grahabhutapishachadya trailokye vicharanti ye |
dura dashu palayante shivanamabhirakshanat ||
abhayankaranamedam kavacham parwatipateh |
bhaktya bibharti yah kanthe tasya vashyam jagattrayam ||
imam narayana sswapneshivaraksham yathadishat |
pratarutthaya yogindro yagyavalkyastathalikhat ||
