కృష్ణాష్టకం

వసుదేవసుతం దేవం కంసచాణూరమర్దనమ్,

దేవకీపరమానందం కృష్ణం వందే జగద్గురుమ్.

అతసీపుష్పసంకాశం, హారనూపురశోభితమ్,

రత్నకంకణకేయూరం, కృష్ణం వందే జగద్గురుమ్.

కుటిలాలకసంయుక్తం, పూర్ణచంద్రనిభాననమ్,

విలసత్కుండలధరం, కృష్ణం వందే జగద్గురుమ్.

మందారగంధసంయుక్తం, చారుహాసం చతుర్భుజమ్

బర్హిపింఛావచూడాంగం, కృష్ణం వందే జగద్గురుమ్.

ఉత్ఫుల్లపద్మపత్రాక్షం, నీలజీమూతసన్నిభమ్,

యాదవానాం శిరోరత్నం, కృష్ణం వందే జగద్గురుమ్.

రుక్మిణీకేళిసంయుక్తం, పీతాంబరసుశోభితమ్,

అవాప్తతులసీగంధం కృష్ణం వందే జగద్గురుమ్.

గోపికానాం కుచద్వంద్వకుంకుమాంకితవక్షసమ్,

శ్రీనికేతం మహేష్వాసం, కృష్ణం వందే జగద్గురుమ్.

శ్రీవత్సాంకం మహోరస్కం వనమాలావిరాజితమ్,

శంఖచక్రధరం దేవం, కృష్ణం వందే జగద్గురుమ్.

కృష్ణాష్టకమిదం పుణ్యం ప్రాతరుత్థాయ యః పఠేత్,

కోటిజన్మకృతం పాపం, స్మరణేన వినశ్యతి.

वसुदेवसुतं देवं कंसचाणूरमर्दनम्,

देवकीपरमानंदं कृष्णं वंदे जगद्गुरुम्.

अतसीपुष्पसंकाशं, हारनूपुरशोभितम्,

रत्नकंकणकेयूरं, कृष्णं वंदे जगद्गुरुम्.

कुटिलालकसंयुक्तं, पूर्णचंद्रनिभाननम्,

विलसत्कुंडलधरं, कृष्णं वंदे जगद्गुरुम्.

मंदारगंधसंयुक्तं, चारुहासं चतुर्भुजम्

बर्हिपिंछावचूडांगं, कृष्णं वंदे जगद्गुरुम्.

उत्फुल्लपद्मपत्राक्षं, नीलजीमूतसन्निभम्,

यादवानां शिरोरत्नं, कृष्णं वंदे जगद्गुरुम्.

रुक्मिणीकेळिसंयुक्तं, पीतांबरसुशोभितम्,

अवाप्ततुलसीगंधं कृष्णं वंदे जगद्गुरुम्.

गोपिकानां कुचद्वंद्वकुंकुमांकितवक्षसम्,

श्रीनिकेतं महेष्वासं, कृष्णं वंदे जगद्गुरुम्.

श्रीवत्सांकं महोरस्कं वनमालाविराजितम्,

शंखचक्रधरं देवं, कृष्णं वंदे जगद्गुरुम्.

कृष्णाष्टकमिदं पुण्यं प्रातरुत्थाय यः पठेत्,

कोटिजन्मकृतं पापं, स्मरणेन विनश्यति.

vasudevasutam devam kansachanuramardanam,

devakiparamanandam krishnam vande jagadgurum.

atasipushpasankasham, haranupurashobhitam,

ratnakankanakeyuram, krishnam vande jagadgurum.

kutilalakasanyuktam, purnachandranibhananam,

vilasatkundaladharam, krishnam vande jagadgurum.

mandaragandhasanyuktam, charuhasam chaturbhujam

barhipinchhavachudangam, krishnam vande jagadgurum.

utphullapadmapatraksham, nilajimutasannibham,

yadavanam shiroratnam, krishnam vande jagadgurum.

rukminikelisanyuktam, pitambarasushobhitam,

avaptatulasigandham krishnam vande jagadgurum.

gopikanam kuchadwandwakunkumankitavakshasam,

shriniketam maheshwasam, krishnam vande jagadgurum.

shrivatsankam mahoraskam vanamalavirajitam,

shankhachakradharam devam, krishnam vande jagadgurum.

krishnashtakamidam punyam pratarutthaya yah pathet,

kotijanmakritam papam, smaranena vinashyati.