BhaktiVed
కౌసల్యాసుప్రజా రామ పూర్వా సంధ్యా ప్రవర్తతే|
ఉత్తిష్ఠ నరశార్దూల కర్తవ్యం దైవమాహ్నికమ్ ॥
ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ |
ఉత్తిష్ఠ కమలాకాంత త్రైలోక్యం మంగళం కురు ॥
మాతస్సమస్తజగతాం మధుకైటభారేః
వక్షోవిహారిణి మనోహరదివ్యమూర్తే |
శ్రీస్వామిని శ్రితజనప్రియదానశీలే
శ్రీవేంకటేశదయితే తవ సుప్రభాతమ్ ॥
తవ సుప్రభాతమరవిందలోచనే
భవతు ప్రసన్నముఖచంద్రమండలే |
విధిశంకరేంద్రవనితాభిరర్చితే
వృషశైలనాథదయితే దయానిధే ॥
అత్ర్యాదిసప్తఋషయస్సముపాస్య సంధ్యాం
ఆకాశసింధుకమలాని మనోహరాణి |
ఆదాయ పాదయుగమర్చయితుం ప్రపన్నాః
శేషాద్రి శేఖరవిభో తవ సుప్రభాతమ్ ॥
పంచాననాబ్జభవషణ్ముఖవాసవాద్యాః
త్రైవిక్రమాదిచరితం విబుధాః స్తువంతి |
భాషాపతిః పఠతి వాసరశుద్ధిమారాత్
శేషాద్రి శేఖరవిభో తవ సుప్రభాతమ్॥
ఈషత్ప్రఫుల్లసరసీరుహనారికేళ
పూగద్రుమాదిసుమనోహరపాలికానామ్|
ఆవాతి మందమనిలః సహ దివ్యగంధైః
శేషాద్రి శేఖరవిభో తవ సుప్రభాతమ్ ॥
ఉన్మీల్య నేత్రయుగముత్తమపంజరస్థాః
పాత్రావశిష్టకదలీఫలపాయసాని|
భుక్త్వా సలీలమథ కేళిశుకాః పఠంతి
శేషాద్రి శేఖరవిభో తవ సుప్రభాతమ్ |
తంత్రీప్రకర్షమధురస్వనయా విపంచ్యా
గాయత్యనంతచరితం తవ నారదోఽపి |
భాషాసమగ్రమసకృత్కరచారరమ్యం
శేషాద్రిశేఖరవిభో తవ సుప్రభాతమ్ ||
భృంగావళీ చ మకరందరసానువిద్ధ
ఝంకారగీతనినదైః సహ సేవనాయ |
నిర్యాత్యుపాంతసరసీకమలోదరేభ్యః
శేషాద్రిశేఖరవిభో తవ సుప్రభాతమ్ ॥
యోషాగణేన వరదధ్ని విమథ్యమానే
ఘోషాలయేషు దధిమంథనతీవ్రఘోషాః |
రోషాత్కలిం విదధతే కకుభశ్చ కుంభాః
శేషాద్రిశేఖరవిభో తవ సుప్రభాతమ్ ॥
పద్మేశమిత్రశతపత్రగతాళివర్గాః
హర్తుం శ్రియం కువలయస్య నిజాంగలక్ష్మ్యా|
భేరీనినాదమివ బిభ్రతి తీవ్రనాదం
శేషాద్రిశేఖరవిభో తవ సుప్రభాతమ్ ॥
శ్రీమన్నభీష్టవరదాఖిలలోకబంధో
శ్రీశ్రీనివాస జగదేకదయైకసింధో|
శ్రీదేవతాగృహభుజాంతరదివ్యమూర్తే
శ్రీవేంకటాచలపతే తవ సుప్రభాతమ్ ॥
శ్రీస్వామిపుష్కరిణికాఽఽప్లవనిర్మలాంగాః
శ్రేయోఽర్థినో హరవిరించసనందనాద్యాః |
ద్వారే వసంతి వరవేత్రహతోత్తమాంగాః
శ్రీవేంకటాచలపతే తవ సుప్రభాతమ్ ॥
శ్రీశేషశైలగరుడాచల వేంకటాద్రి
నారాయణాద్రివృషభాద్రివృషాద్రిముఖ్యామ్ ।
ఆఖ్యాం త్వదీయవసతేరనిశం వదంతి
శ్రీవేంకటాచలపతే తవ సుప్రభాతమ్ ||
సేవాపరాః శివసురేశకృశానుధర్మ
రక్షోఽంబునాథపవమానధనాధినాథాః ।
బద్ధాంజలి ప్రవిలసన్ని జశీర్షదేశాః
శ్రీవేంకటాచలపతే తవ సుప్రభాతమ్ ॥
ధాటీషు తే విహగరాజమృగాధిరాజ
నాగాధిరాజగజరాజహయాధిరాజాః |
స్వస్వాధికారమహిమాదికమర్థయంతే
శ్రీవేంకటాచలపతే తవ సుప్రభాతమ్ ॥
సూర్యేందుభౌమబుధవాక్పతికావ్యసౌరి
స్వర్భానుకేతుదివిషత్పరిషత్ప్రధానాః |
త్వద్దాసదాసచరమావధిదాసదాసాః
శ్రీవేంకటాచలపతే తవ సుప్రభాతమ్ ॥
త్వత్పాదధూళిభరితస్ఫురితో త్తమాంగాః
స్వర్గాపవర్గనిర పేక్షనిజాంతరంగాః |
కల్పాగమాకలనయాఽఽకులతాం లభంతే
శ్రీవేంకటాచలపతే తవ సుప్రభాతమ్ ॥
త్వద్గోపురాగ్రశిఖరాణి నిరీక్షమాణాః
స్వర్గాపవర్గపదవీం పరమాం శ్రయంతః |
మర్త్యా మనుష్యభువనే మతిమాశ్రయంతే
శ్రీవేంకటాచలపతే తవ సుప్రభాతమ్ ||
శ్రీభూమినాయక దయాదిగుణామృతాబ్ధే
దేవాధిదేవ జగదేకశరణ్యమూ ర్తే |
శ్రీమన్ననంత గరుడాదిభిరర్చితాంఘ్రే
శ్రీవేంకటాచలపతే తవ సుప్రభాతమ్ ॥
శ్రీపద్మనాభ పురుషోత్తమ వాసుదేవ
వైకుంఠ మాధవ జనార్దన చక్రపాణే |
శ్రీవత్సచిహ్న శరణాగతపారిజాత
శ్రీవేంకటాచలపతే తవ సుప్రభాతమ్ ||
కందర్పదర్పహరసుందరదివ్యమూర్తే
కాంతాకుచాంబురుహకుడ్మలలోలదృష్టే |
కల్యాణనిర్మలగుణాకర దివ్యకీర్తే
శ్రీవేంకటాచలపతే తవ సుప్రభాతమ్ ||
మీనాకృతే కమఠ కోల నృసింహ వర్ణిన్
స్వామిన్ పరశ్వథతపోధన రామచంద్ర |
శేషాంశరామ యదునందన కల్కిరూప
శ్రీవేంకటాచలపతే తవ సుప్రభాతమ్ ||
ఏలాలవంగఘనసారసుగంధతీర్థం
దివ్యం వియత్సరితి హేమఘటేషు పూర్ణమ్|
ధృత్వాఽద్య వైదికశిఖామణయః ప్రహృష్టాః
తిష్ఠంతి వేంకటపతే తవ సుప్రభాతమ్ ||
భాస్వానుదేతి వికచాని సరోరుహాణి
సంపూరయంతి నినదైః కకుభో విహంగాః |
శ్రీవైష్ణవాః సతతమర్థితమంగళాస్తే
ధామాశ్రయంతి తవ వేంకట సుప్రభాతమ్ ॥
బ్రహ్మాదయస్సురవరాస్సమహర్షయ స్తే
సంతస్సనందనముఖా స్త్వథ యోగివర్యాః |
ధామాంతికే తవ హి మంగళవస్తుహస్తాః
శ్రీవేంకటాచలపతే తవ సుప్రభాతమ్ ||
లక్ష్మీనివాస నిరవద్యగుణైకసింధో
సంసారసాగరసము త్తరణైక సేతో |
వేదాంతవేద్య నిజవై భవభ క్త భోగ్య
శ్రీవేంకటాచలపతే తవ సుప్రభాతమ్ ||
ఇత్థం వృషాచలపతేరిహ సుప్రభాతం
యే మానవాః ప్రతిదినం పఠితుం ప్రవృత్తాః |
తేషాం ప్రభాతసమయే స్మృతిరంగభాజాం
ప్రజ్ఞాం పరార్థసులభాం పరమాం ప్రసూతే ॥
कौसल्यासुप्रजा राम पूर्वा संध्या प्रवर्तते|
उत्तिष्ठ नरशार्दूल कर्तव्यं दैवमाह्निकम् ॥
उत्तिष्ठोत्तिष्ठ गोविंद उत्तिष्ठ गरुडध्वज |
उत्तिष्ठ कमलाकांत त्रैलोक्यं मंगळं कुरु ॥
मातस्समस्तजगतां मधुकैटभारेः
वक्षोविहारिणि मनोहरदिव्यमूर्ते |
श्रीस्वामिनि श्रितजनप्रियदानशीले
श्रीवेंकटेशदयिते तव सुप्रभातम् ॥
तव सुप्रभातमरविंदलोचने
भवतु प्रसन्नमुखचंद्रमंडले |
विधिशंकरेंद्रवनिताभिरर्चिते
वृषशैलनाथदयिते दयानिधे ॥
अत्र्यादिसप्तऋषयस्समुपास्य संध्यां
आकाशसिंधुकमलानि मनोहराणि |
आदाय पादयुगमर्चयितुं प्रपन्नाः
शेषाद्रि शेखरविभो तव सुप्रभातम् ॥
पंचाननाब्जभवषण्मुखवासवाद्याः
त्रैविक्रमादिचरितं विबुधाः स्तुवंति |
भाषापतिः पठति वासरशुद्धिमारात्
शेषाद्रि शेखरविभो तव सुप्रभातम्॥
ईषत्प्रफुल्लसरसीरुहनारिकेळ
पूगद्रुमादिसुमनोहरपालिकानाम्|
आवाति मंदमनिलः सह दिव्यगंधैः
शेषाद्रि शेखरविभो तव सुप्रभातम् ॥
उन्मील्य नेत्रयुगमुत्तमपंजरस्थाः
पात्रावशिष्टकदलीफलपायसानि|
भुक्त्वा सलीलमथ केळिशुकाः पठंति
शेषाद्रि शेखरविभो तव सुप्रभातम् |
तंत्रीप्रकर्षमधुरस्वनया विपंच्या
गायत्यनंतचरितं तव नारदोऽपि |
भाषासमग्रमसकृत्करचाररम्यं
शेषाद्रिशेखरविभो तव सुप्रभातम् ||
भृंगावळी च मकरंदरसानुविद्ध
झंकारगीतनिनदैः सह सेवनाय |
निर्यात्युपांतसरसीकमलोदरेभ्यः
शेषाद्रिशेखरविभो तव सुप्रभातम् ॥
योषागणेन वरदध्नि विमथ्यमाने
घोषालयेषु दधिमंथनतीव्रघोषाः |
रोषात्कलिं विदधते ककुभश्च कुंभाः
शेषाद्रिशेखरविभो तव सुप्रभातम् ॥
पद्मेशमित्रशतपत्रगताळिवर्गाः
हर्तुं श्रियं कुवलयस्य निजांगलक्ष्म्या|
भेरीनिनादमिव बिभ्रति तीव्रनादं
शेषाद्रिशेखरविभो तव सुप्रभातम् ॥
श्रीमन्नभीष्टवरदाखिललोकबंधो
श्रीश्रीनिवास जगदेकदयैकसिंधो|
श्रीदेवतागृहभुजांतरदिव्यमूर्ते
श्रीवेंकटाचलपते तव सुप्रभातम् ॥
श्रीस्वामिपुष्करिणिकाऽऽप्लवनिर्मलांगाः
श्रेयोऽर्थिनो हरविरिंचसनंदनाद्याः |
द्वारे वसंति वरवेत्रहतोत्तमांगाः
श्रीवेंकटाचलपते तव सुप्रभातम् ॥
श्रीशेषशैलगरुडाचल वेंकटाद्रि
नारायणाद्रिवृषभाद्रिवृषाद्रिमुख्याम् ।
आख्यां त्वदीयवसतेरनिशं वदंति
श्रीवेंकटाचलपते तव सुप्रभातम् ||
सेवापराः शिवसुरेशकृशानुधर्म
रक्षोऽंबुनाथपवमानधनाधिनाथाः ।
बद्धांजलि प्रविलसन्नि जशीर्षदेशाः
श्रीवेंकटाचलपते तव सुप्रभातम् ॥
धाटीषु ते विहगराजमृगाधिराज
नागाधिराजगजराजहयाधिराजाः |
स्वस्वाधिकारमहिमादिकमर्थयंते
श्रीवेंकटाचलपते तव सुप्रभातम् ॥
सूर्येंदुभौमबुधवाक्पतिकाव्यसौरि
स्वर्भानुकेतुदिविषत्परिषत्प्रधानाः |
त्वद्दासदासचरमावधिदासदासाः
श्रीवेंकटाचलपते तव सुप्रभातम् ॥
त्वत्पादधूळिभरितस्फुरितो त्तमांगाः
स्वर्गापवर्गनिर पेक्षनिजांतरंगाः |
कल्पागमाकलनयाऽऽकुलतां लभंते
श्रीवेंकटाचलपते तव सुप्रभातम् ॥
त्वद्गोपुराग्रशिखराणि निरीक्षमाणाः
स्वर्गापवर्गपदवीं परमां श्रयंतः |
मर्त्या मनुष्यभुवने मतिमाश्रयंते
श्रीवेंकटाचलपते तव सुप्रभातम् ||
श्रीभूमिनायक दयादिगुणामृताब्धे
देवाधिदेव जगदेकशरण्यमू र्ते |
श्रीमन्ननंत गरुडादिभिरर्चितांघ्रे
श्रीवेंकटाचलपते तव सुप्रभातम् ॥
श्रीपद्मनाभ पुरुषोत्तम वासुदेव
वैकुंठ माधव जनार्दन चक्रपाणे |
श्रीवत्सचिह्न शरणागतपारिजात
श्रीवेंकटाचलपते तव सुप्रभातम् ||
कंदर्पदर्पहरसुंदरदिव्यमूर्ते
कांताकुचांबुरुहकुड्मललोलदृष्टे |
कल्याणनिर्मलगुणाकर दिव्यकीर्ते
श्रीवेंकटाचलपते तव सुप्रभातम् ||
मीनाकृते कमठ कोल नृसिंह वर्णिन्
स्वामिन् परश्वथतपोधन रामचंद्र |
शेषांशराम यदुनंदन कल्किरूप
श्रीवेंकटाचलपते तव सुप्रभातम् ||
एलालवंगघनसारसुगंधतीर्थं
दिव्यं वियत्सरिति हेमघटेषु पूर्णम्|
धृत्वाऽद्य वैदिकशिखामणयः प्रहृष्टाः
तिष्ठंति वेंकटपते तव सुप्रभातम् ||
भास्वानुदेति विकचानि सरोरुहाणि
संपूरयंति निनदैः ककुभो विहंगाः |
श्रीवैष्णवाः सततमर्थितमंगळास्ते
धामाश्रयंति तव वेंकट सुप्रभातम् ॥
ब्रह्मादयस्सुरवरास्समहर्षय स्ते
संतस्सनंदनमुखा स्त्वथ योगिवर्याः |
धामांतिके तव हि मंगळवस्तुहस्ताः
श्रीवेंकटाचलपते तव सुप्रभातम् ||
लक्ष्मीनिवास निरवद्यगुणैकसिंधो
संसारसागरसमु त्तरणैक सेतो |
वेदांतवेद्य निजवै भवभ क्त भोग्य
श्रीवेंकटाचलपते तव सुप्रभातम् ||
इत्थं वृषाचलपतेरिह सुप्रभातं
ये मानवाः प्रतिदिनं पठितुं प्रवृत्ताः |
तेषां प्रभातसमये स्मृतिरंगभाजां
प्रज्ञां परार्थसुलभां परमां प्रसूते ॥
kausalyasupraja rama purwa sandhya pravartate|
uttishtha narashardula kartavyam daivamahnikam
uttishthottishtha govinda uttishtha garudadhwaja |
uttishtha kamalakanta trailokyam mangalam kuru
matassamastajagatam madhukaitabhareh
vakshoviharini manoharadivyamurte |
shriswamini shritajanapriyadanashile
shrivenkateshadayite tava suprabhatam
tava suprabhatamaravindalochane
bhavatu prasannamukhachandramandale |
vidhishankarendravanitabhirarchite
vrishashailanathadayite dayanidhe
atryadisaptarishayassamupasya sandhyam
aakashasindhukamalani manoharani |
aadaya padayugamarchayitum prapannah
sheshadri shekharavibho tava suprabhatam
panchananabjabhavashanmukhavasavadyah
traivikramadicharitam vibudhah stuvanti |
bhashapatih pathati vasarashuddhimarat
sheshadri shekharavibho tava suprabhatam
ishatpraphullasarasiruhanarikela
pugadrumadisumanoharapalikanam|
aavati mandamanilah saha divyagandhaih
sheshadri shekharavibho tava suprabhatam
unmilya netrayugamuttamapanjarasthah
patravashishtakadaliphalapayasani|
bhuktwa salilamatha kelishukah pathanti
sheshadri shekharavibho tava suprabhatam |
tantriprakarshamadhuraswanaya vipanchya
gayatyanantacharitam tava naradopi |
bhashasamagramasakritkarachararamyam
sheshadrishekharavibho tava suprabhatam ||
bhringavali cha makarandarasanuviddha
jhankaragitaninadaih saha sevanaya |
niryatyupantasarasikamalodarebhyah
sheshadrishekharavibho tava suprabhatam
yoshaganena varadadhni vimathyamane
ghoshalayeshu dadhimanthanativraghoshah |
roshatkalim vidadhate kakubhashcha kumbhah
sheshadrishekharavibho tava suprabhatam
padmeshamitrashatapatragatalivargah
hartum shriyam kuvalayasya nijangalakshmya|
bherininadamiva bibhrati tivranadam
sheshadrishekharavibho tava suprabhatam
shrimannabhishtavaradakhilalokabandho
shrishrinivasa jagadekadayaikasindho|
shridevatagrihabhujantaradivyamurte
shrivenkatachalapate tava suprabhatam
shriswamipushkarinikaplavanirmalangah
shreyorthino haravirinchasanandanadyah |
dware vasanti varavetrahatottamangah
shrivenkatachalapate tava suprabhatam
shrisheshashailagarudachala venkatadri
narayanadrivrishabhadrivrishadrimukhyam
aakhyam twadiyavasateranisham vadanti
shrivenkatachalapate tava suprabhatam ||
sevaparah shivasureshakrishanudharma
rakshombunathapavamanadhanadhinathah
baddhanjali pravilasanni jashirshadeshah
shrivenkatachalapate tava suprabhatam
dhatishu te vihagarajamrigadhiraja
nagadhirajagajarajahayadhirajah |
swaswadhikaramahimadikamarthayante
shrivenkatachalapate tava suprabhatam
suryendubhaumabudhavakpatikavyasauri
swarbhanuketudivishatparishatpradhanah |
twaddasadasacharamavadhidasadasah
shrivenkatachalapate tava suprabhatam
twatpadadhulibharitasphurito ttamangah
swargapavarganira pekshanijantarangah |
kalpagamakalanayakulatam labhante
shrivenkatachalapate tava suprabhatam
twadgopuragrashikharani nirikshamanah
swargapavargapadavim paramam shrayantah |
martya manushyabhuvane matimashrayante
shrivenkatachalapate tava suprabhatam ||
shribhuminayaka dayadigunamritabdhe
devadhideva jagadekasharanyamu rte |
shrimannananta garudadibhirarchitanghre
shrivenkatachalapate tava suprabhatam
shripadmanabha purushottama vasudeva
vaikuntha madhava janardana chakrapane |
shrivatsachihna sharanagataparijata
shrivenkatachalapate tava suprabhatam ||
kandarpadarpaharasundaradivyamurte
kantakuchamburuhakudmalaloladrishte |
kalyananirmalagunakara divyakirte
shrivenkatachalapate tava suprabhatam ||
minakrite kamatha kola nrisinha varnin
swamin parashwathatapodhana ramachandra |
sheshansharama yadunandana kalkirupa
shrivenkatachalapate tava suprabhatam ||
elalavangaghanasarasugandhatirtham
divyam viyatsariti hemaghateshu purnam|
dhritwadya vaidikashikhamanayah prahrishtah
tishthanti venkatapate tava suprabhatam ||
bhaswanudeti vikachani saroruhani
sampurayanti ninadaih kakubho vihangah |
shrivaishnavah satatamarthitamangalaste
dhamashrayanti tava venkata suprabhatam
brahmadayassuravarassamaharshaya ste
santassanandanamukha stwatha yogivaryah |
dhamantike tava hi mangalavastuhastah
shrivenkatachalapate tava suprabhatam ||
lakshminivasa niravadyagunaikasindho
sansarasagarasamu ttaranaika seto |
vedantavedya nijavai bhavabha kta bhogya
shrivenkatachalapate tava suprabhatam ||
ittham vrishachalapateriha suprabhatam
ye manavah pratidinam pathitum pravrittah |
tesham prabhatasamaye smritirangabhajam
pragyam pararthasulabham paramam prasute
