BhaktiVed
అస్య శ్రీసప్తశతీరహస్యత్రయస్య నారాయణ ఋషిః అనుష్టుప్చందః శ్రీమహాకాలీ మహాలక్ష్మీ మహాసరస్వత్యో దేవతా యథోక్తఫలావాప్త్యర్థం జపే వినియోగః |
రాజోవాచ |
భగవన్నవతారా మే చండికాయాస్త్వయోదితాః |
ఏతేషాం ప్రకృతిం బ్రహ్మన్ ప్రధానం వక్తుమర్హసి ||
ఆరాధ్యం యన్మయా దేవ్యాః స్వరూపం యేన చ ద్విజ |
విధినా బ్రూహి సకలం యథావత్ప్రణతస్య మే ||
ఋషిరువాచ |
ఇదం రహస్యం పరమమనాఖ్యేయం ప్రచక్షతే |
భక్తోఽసీతి న మే కించిత్తవావాచ్యం నరాధిప ||
సర్వస్యాద్యా మహాలక్ష్మీస్త్రిగుణా పరమేశ్వరీ |
లక్ష్యాలక్ష్యస్వరూపా సా వ్యాప్య కృత్స్నం వ్యవస్థితా ||
మాతులుంగం గదాం ఖేటం పానపాత్రం చ బిభ్రతీ |
నాగం లింగం చ యోనిం చ బిభ్రతీ నృప మూర్ధని ||
తప్తకాంచనవర్ణాభా తప్తకాంచనభూషణా |
శూన్యం తదఖిలం స్వేన పూరయామాస తేజసా ||
శూన్యం తదఖిలం లోకం విలోక్య పరమేశ్వరీ |
బభార రూపమపరం తమసా కేవలేన హి ||
సా భిన్నాంజనసంకాశా దంష్ట్రాంచితవరాననా |
విశాలలోచనా నారీ బభూవ తనుమధ్యమా ||
ఖడ్గపాత్రశిరఃఖేటైరలంకృతచతుర్భుజా |
కబంధహారం శిరసా బిభ్రాణా హి శిరఃస్రజమ్ ||
తాం ప్రోవాచ మహాలక్ష్మీస్తామసీం ప్రమదోత్తమామ్ |
దదామి తవ నామాని యాని కర్మాణి తాని తే ||
మహామాయా మహాకాలీ మహామారీ క్షుధా తృషా |
నిద్రా తృష్ణా చైకవీరా కాలరాత్రిర్దురత్యయా ||
ఇమాని తవ నామాని ప్రతిపాద్యాని కర్మభిః |
ఏభిః కర్మాణి తే జ్ఞాత్వా యోధీతే సోశ్నుతే సుఖమ్ ||
తామిత్యుక్త్వా మహాలక్ష్మీః స్వరూపమపరం నృప |
సత్త్వాఖ్యేనాతిశుద్ధేన గుణేనేందుప్రభం దధౌ ||
అక్షమాలాంకుశధరా వీణాపుస్తకధారిణీ |
సా బభూవ వరా నారీ నామాన్యస్యై చ సా దదౌ ||
మహావిద్యా మహావాణీ భారతీ వాక్ సరస్వతీ |
ఆర్యా బ్రాహ్మీ కామధేనుర్వేదగర్భా సురేశ్వరీ ||
అథోవాచ మహాలక్ష్మీర్మహాకాలీం సరస్వతీమ్ |
యువాం జనయతాం దేవ్యౌ మిథునే స్వానురూపతః ||
ఇత్యుక్త్వా తే మహాలక్ష్మీః ససర్జ మిథునం స్వయమ్ |
హిరణ్యగర్భౌ రుచిరౌ స్త్రీపుంసౌ కమలాసనౌ ||
బ్రహ్మన్ విధే విరించేతి ధాతరిత్యాహ తం నరమ్ |
శ్రీః పద్మే కమలే లక్ష్మీత్యాహ మాతా స్త్రియం చ తామ్ ||
మహాకాలీ భారతీ చ మిథునే సృజతః సహ |
ఏతయోరపి రూపాణి నామాని చ వదామి తే ||
నీలకంఠం రక్తబాహుం శ్వేతాంగం చంద్రశేఖరమ్ |
జనయామాస పురుషం మహాకాలీం సితాం స్త్రియమ్ ||
స రుద్రః శంకరః స్థాణుః కపర్దీ చ త్రిలోచనః |
త్రయీ విద్యా కామధేనుః సా స్త్రీ భాషా స్వరాక్షరా ||
సరస్వతీ స్త్రియం గౌరీం కృష్ణం చ పురుషం నృప |
జనయామాస నామాని తయోరపి వదామి తే ||
విష్ణుః కృష్ణో హృషీకేశో వాసుదేవో జనార్దనః |
ఉమా గౌరీ సతీ చండీ సుందరీ సుభగా శివా ||
ఏవం యువతయః సద్యః పురుషత్వం ప్రపేదిరే |
చక్షుష్మంతోఽనుపశ్యంతి నేతరే తద్విదో జనాః ||
బ్రహ్మణే ప్రదదౌ పత్నీం మహాలక్ష్మీర్నృప త్రయీమ్ |
రుద్రాయ గౌరీం వరదాం వాసుదేవాయ చ శ్రియమ్ ||
స్వరయా సహ సంభూయ విరించోండమజీజనత్ |
బిభేద భగవాన్ రుద్రస్తదౌర్యా సహ వీర్యవాన్ ||
అండమధ్యే ప్రధానాది కార్యజాతమభూన్నృప |
మహాభూతాత్మకం సర్వం జగత్ స్థావరజంగమమ్ ||
పుపోష పాలయామాస తల్లక్ష్మ్యా సహ కేశవః |
మహాలక్ష్మీరేవమజా రాజన్ సర్వేశ్వరేశ్వరీ ||
నిరాకారా చ సాకారా సైవ నానాభిధానభృత్ |
నామాంతరైర్నిరూప్యెషా నామ్నా నాన్యేన కేనచిత్ ||
ఇతి ప్రాధానికం రహస్యం సంపూర్ణమ్ |
अस्य श्रीसप्तशतीरहस्यत्रयस्य नारायण ऋषिः अनुष्टुप्चंदः श्रीमहाकाली महालक्ष्मी महासरस्वत्यो देवता यथोक्तफलावाप्त्यर्थं जपे विनियोगः |
राजोवाच |
भगवन्नवतारा मे चंडिकायास्त्वयोदिताः |
एतेषां प्रकृतिं ब्रह्मन् प्रधानं वक्तुमर्हसि ||
आराध्यं यन्मया देव्याः स्वरूपं येन च द्विज |
विधिना ब्रूहि सकलं यथावत्प्रणतस्य मे ||
ऋषिरुवाच |
इदं रहस्यं परममनाख्येयं प्रचक्षते |
भक्तोऽसीति न मे किंचित्तवावाच्यं नराधिप ||
सर्वस्याद्या महालक्ष्मीस्त्रिगुणा परमेश्वरी |
लक्ष्यालक्ष्यस्वरूपा सा व्याप्य कृत्स्नं व्यवस्थिता ||
मातुलुंगं गदां खेटं पानपात्रं च बिभ्रती |
नागं लिंगं च योनिं च बिभ्रती नृप मूर्धनि ||
तप्तकांचनवर्णाभा तप्तकांचनभूषणा |
शून्यं तदखिलं स्वेन पूरयामास तेजसा ||
शून्यं तदखिलं लोकं विलोक्य परमेश्वरी |
बभार रूपमपरं तमसा केवलेन हि ||
सा भिन्नांजनसंकाशा दंष्ट्रांचितवरानना |
विशाललोचना नारी बभूव तनुमध्यमा ||
खड्गपात्रशिरःखेटैरलंकृतचतुर्भुजा |
कबंधहारं शिरसा बिभ्राणा हि शिरःस्रजम् ||
तां प्रोवाच महालक्ष्मीस्तामसीं प्रमदोत्तमाम् |
ददामि तव नामानि यानि कर्माणि तानि ते ||
महामाया महाकाली महामारी क्षुधा तृषा |
निद्रा तृष्णा चैकवीरा कालरात्रिर्दुरत्यया ||
इमानि तव नामानि प्रतिपाद्यानि कर्मभिः |
एभिः कर्माणि ते ज्ञात्वा योधीते सोश्नुते सुखम् ||
तामित्युक्त्वा महालक्ष्मीः स्वरूपमपरं नृप |
सत्त्वाख्येनातिशुद्धेन गुणेनेंदुप्रभं दधौ ||
अक्षमालांकुशधरा वीणापुस्तकधारिणी |
सा बभूव वरा नारी नामान्यस्यै च सा ददौ ||
महाविद्या महावाणी भारती वाक् सरस्वती |
आर्या ब्राह्मी कामधेनुर्वेदगर्भा सुरेश्वरी ||
अथोवाच महालक्ष्मीर्महाकालीं सरस्वतीम् |
युवां जनयतां देव्यौ मिथुने स्वानुरूपतः ||
इत्युक्त्वा ते महालक्ष्मीः ससर्ज मिथुनं स्वयम् |
हिरण्यगर्भौ रुचिरौ स्त्रीपुंसौ कमलासनौ ||
ब्रह्मन् विधे विरिंचेति धातरित्याह तं नरम् |
श्रीः पद्मे कमले लक्ष्मीत्याह माता स्त्रियं च ताम् ||
महाकाली भारती च मिथुने सृजतः सह |
एतयोरपि रूपाणि नामानि च वदामि ते ||
नीलकंठं रक्तबाहुं श्वेतांगं चंद्रशेखरम् |
जनयामास पुरुषं महाकालीं सितां स्त्रियम् ||
स रुद्रः शंकरः स्थाणुः कपर्दी च त्रिलोचनः |
त्रयी विद्या कामधेनुः सा स्त्री भाषा स्वराक्षरा ||
सरस्वती स्त्रियं गौरीं कृष्णं च पुरुषं नृप |
जनयामास नामानि तयोरपि वदामि ते ||
विष्णुः कृष्णो हृषीकेशो वासुदेवो जनार्दनः |
उमा गौरी सती चंडी सुंदरी सुभगा शिवा ||
एवं युवतयः सद्यः पुरुषत्वं प्रपेदिरे |
चक्षुष्मंतोऽनुपश्यंति नेतरे तद्विदो जनाः ||
ब्रह्मणे प्रददौ पत्नीं महालक्ष्मीर्नृप त्रयीम् |
रुद्राय गौरीं वरदां वासुदेवाय च श्रियम् ||
स्वरया सह संभूय विरिंचोंडमजीजनत् |
बिभेद भगवान् रुद्रस्तदौर्या सह वीर्यवान् ||
अंडमध्ये प्रधानादि कार्यजातमभून्नृप |
महाभूतात्मकं सर्वं जगत् स्थावरजंगमम् ||
पुपोष पालयामास तल्लक्ष्म्या सह केशवः |
महालक्ष्मीरेवमजा राजन् सर्वेश्वरेश्वरी ||
निराकारा च साकारा सैव नानाभिधानभृत् |
नामांतरैर्निरूप्यॆषा नाम्ना नान्येन केनचित् ||
इति प्राधानिकं रहस्यं संपूर्णम् |
asya shrisaptashatirahasyatrayasya narayana rishih anushtupchandah shrimahakali mahalakshmi mahasaraswatyo devata yathoktaphalavaptyartham jape viniyogah |
rajovacha |
bhagavannavatara me chandikayastwayoditah |
etesham prakritim brahman pradhanam vaktumarhasi ||
aaradhyam yanmaya devyah swarupam yena cha dwija |
vidhina bruhi sakalam yathavatpranatasya me ||
rishiruvacha |
idam rahasyam paramamanakhyeyam prachakshate |
bhaktositi na me kinchittavavachyam naradhipa ||
sarwasyadya mahalakshmistriguna parameshwari |
lakshyalakshyaswarupa sa vyapya kritsnam vyavasthita ||
matulungam gadam khetam panapatram cha bibhrati |
nagam lingam cha yonim cha bibhrati nripa murdhani ||
taptakanchanavarnabha taptakanchanabhushana |
shunyam tadakhilam swena purayamasa tejasa ||
shunyam tadakhilam lokam vilokya parameshwari |
babhara rupamaparam tamasa kevalena hi ||
sa bhinnanjanasankasha danshtranchitavaranana |
vishalalochana nari babhuva tanumadhyama ||
khadgapatrashirahkhetairalankritachaturbhuja |
kabandhaharam shirasa bibhrana hi shirahsrajam ||
tam provacha mahalakshmistamasim pramadottamam |
dadami tava namani yani karmani tani te ||
mahamaya mahakali mahamari kshudha trisha |
nidra trishna chaikavira kalaratrirduratyaya ||
imani tava namani pratipadyani karmabhih |
ebhih karmani te gyatwa yodhite soshnute sukham ||
tamityuktwa mahalakshmih swarupamaparam nripa |
sattwakhyenatishuddhena gunenenduprabham dadhau ||
akshamalankushadhara vinapustakadharini |
sa babhuva vara nari namanyasyai cha sa dadau ||
mahavidya mahavani bharati vak saraswati |
aarya brahmi kamadhenurwedagarbha sureshwari ||
athovacha mahalakshmirmahakalim saraswatim |
yuvam janayatam devyau mithune swanurupatah ||
ityuktwa te mahalakshmih sasarja mithunam swayam |
hiranyagarbhau ruchirau stripunsau kamalasanau ||
brahman vidhe virincheti dhatarityaha tam naram |
shrih padme kamale lakshmityaha mata striyam cha tam ||
mahakali bharati cha mithune srijatah saha |
etayorapi rupani namani cha vadami te ||
nilakantham raktabahum shwetangam chandrashekharam |
janayamasa purusham mahakalim sitam striyam ||
sa rudrah shankarah sthanuh kapardi cha trilochanah |
trayi vidya kamadhenuh sa stri bhasha swarakshara ||
saraswati striyam gaurim krishnam cha purusham nripa |
janayamasa namani tayorapi vadami te ||
vishnuh krishno hrishikesho vasudevo janardanah |
uma gauri sati chandi sundari subhaga shiva ||
evam yuvatayah sadyah purushatwam prapedire |
chakshushmantonupashyanti netare tadwido janah ||
brahmane pradadau patnim mahalakshmirnripa trayim |
rudraya gaurim varadam vasudevaya cha shriyam ||
swaraya saha sambhuya virinchondamajijanat |
bibheda bhagavan rudrastadaurya saha viryavan ||
andamadhye pradhanadi karyajatamabhunnripa |
mahabhutatmakam sarwam jagat sthavarajangamam ||
puposha palayamasa tallakshmya saha keshavah |
mahalakshmirevamaja rajan sarweshwareshwari ||
nirakara cha sakara saiva nanabhidhanabhrit |
namantarairnirupyesha namna nanyena kenachit ||
iti pradhanikam rahasyam sampurnam |
