శ్రీ శివ మహిమ్నః స్తోత్రం

మహిమ్నః పారం తే పరమవిదుషో యద్యసదృశీ

స్తుతిర్బ్రహ్మాదీనామపి తదవసన్నాస్త్వయి గిరః |

అథాఽవాచ్యః సర్వః స్వమతిపరిణామావధి గృణన్

మమాప్యేష స్తోత్రే హర నిరపవాదః పరికరః ||

అతీతః పంథానం తవ చ మహిమా వాఙ్మనసయో

రతద్వ్యావృత్త్యా యం చకితమభిధత్తే శ్రుతిరపి |

స కస్య స్తోతవ్యః కతివిధగుణః కస్య విషయః

పదే త్వర్వాచీనే పతతి న మనః కస్య న వచః ||

మధుస్ఫీతా వాచః పరమమమృతం నిర్మితవత

స్తవ బ్రహ్మన్ కిం వాగపి సురగురోర్విస్మయపదమ్ |

మమ త్వేతాం వాణీం గుణకథనపుణ్యేన భవతః

పునామీత్యర్థేఽస్మిన్ పురమథన బుద్ధిర్వ్యవసితా ||

తవైశ్వర్యం యత్తజ్జగదుదయరక్షాప్రలయకృత్

త్రయీవస్తువ్యస్తం తిసృషు గుణభిన్నాసు తనుషు |

అభవ్యానామస్మిన్ వరద రమణీయామరమణీం

విహంతుం వ్యాక్రోశీం విదధత ఇహైకే జడధియః ||

కిమీహః కిం కాయః స ఖలు కిముపాయస్త్రిభువనం

కిమాధారో ధాతా సృజతి కిముపాదాన ఇతి చ |

అతర్క్యైశ్వర్యే త్వయ్యనవసరదుఃస్థో హతధియః

కుతర్కోఽయం కాంశ్చిన్ముఖరయతి మోహాయ జగతః ||

అజన్మానో లోకాః కిమవయవవంతోఽపి జగతా

మధిష్ఠాతారం కిం భవవిధిరనాదృత్య భవతి |

అనీశో వా కుర్యాద్భువనజననే కః పరికరో

యతో మందాస్త్వాం ప్రత్యమరవర సంశేరత ఇమే ||

త్రయీ సాంఖ్యం యోగః పశుపతిమతం వైష్ణవమితి

ప్రభిన్నే ప్రస్థానే పరమిదమదః పథ్యమితి చ |

రుచీనాం వైచిత్ర్యాదృజుకుటిల నానాపథజుషాం

నృణామేకో గమ్యస్త్వమసి పయసామర్ణవ ఇవ ||

మహోక్షః ఖట్వాంగం పరశురజినం భస్మ ఫణినః

కపాలం చేతీయత్తవ వరద తంత్రోపకరణమ్ |

సురాస్తాం తామృద్ధిం దధతి తు భవద్భ్రూప్రణిహితాం

న హి స్వాత్మారామం విషయమృగతృష్ణా భ్రమయతి ||

ధ్రువం కశ్చిత్ సర్వం సకలమపరస్త్వధ్రువమిదం

పరో ధ్రౌవ్యాధ్రౌవ్యే జగతి గదతి వ్యస్తవిషయే |

సమస్తేఽప్యేతస్మిన్ పురమథన తైర్విస్మిత ఇవ

స్తువంజిహ్రేమి త్వాం న ఖలు నను ధృష్టా ముఖరతా ||

తవైశ్వర్యం యత్నాద్యదుపరి విరించిర్హరిరధః

పరిచ్ఛేత్తుం యాతావనలమనలస్కంధవపుషః

తతో భక్తిశ్రద్ధాభరగురుగృణద్భ్యాం గిరిశ యత్

స్వయం తస్థే తాభ్యాం తవ కిమనువృత్తిర్న ఫలతి ||

అయత్నాదాపాద్య త్రిభువనమవైరవ్యతికరం

దశాస్యో యద్బాహూనభృత రణకండూపరవశాన్ |

శిరఃపద్మశ్రేణీరచితచరణాంభోరుహబలేః

స్థిరాయాస్త్వద్భక్తేస్త్రిపురహర విస్ఫూర్జితమిదమ్ ||

అముష్య త్వత్సేవాసమధిగతసారం భుజవనం

బలాత్ కైలాసేఽపి త్వదధివసతౌ విక్రమయతః |

అలభ్యా పాతాలేఽప్యలసచలితాంగుష్ఠశిరసి

ప్రతిష్ఠా త్వయ్యాసీద్ధ్రువముపచితో ముహ్యతి ఖలః ||

యదృద్ధిం సుత్రామ్ణో వరద పరమోచ్చైరపి సతీ

మధశ్చక్రే బాణః పరిజనవిధేయత్రిభువనః |

న తచ్చిత్రం తస్మిన్ వరివసితరి త్వచ్చరణయో

ర్న కస్యాప్యున్నత్యై భవతి శిరసస్త్వయ్యవనతిః ||

అకాండబ్రహ్మాండక్షయచకితదేవాసురకృపా

విధేయస్యాసీద్యస్త్రినయనవిషం సంహృతవతః |

స కల్మాషః కంఠే తవ న కురుతే న శ్రియమహో

వికారోఽపి శ్లాఘ్యో భువనభయభంగవ్యసనినః ||

అసిద్ధార్థా నైవ క్వచిదపి సదేవాసురనరే

నివర్తంతే నిత్యం జగతి జయినో యస్య విశిఖాః |

స పశ్యన్నీశ త్వామితరసురసాధారణమభూత్

స్మరః స్మర్తవ్యాత్మా న హి వశిషు పథ్యః పరిభవః ||

మహీ పాదాఘాతాద్వ్రజతి సహసా సంశయపదం

పదం విష్ణోర్భ్రామ్యద్భుజపరిఘరుగ్ణగ్రహగణమ్ |

ముహుర్ద్యౌర్దౌస్థ్యం యాత్యనిభృతజటాతాడితతటా

జగద్రక్షాయై త్వం నటసి నను వామైవ విభుతా ||

వియద్వ్యాపీ తారాగణగుణితఫేనోద్గమరుచిః

ప్రవాహో వారాం యః పృషతలఘుదృష్టః శిరసి తే |

జగద్ద్వీపాకారం జలధివలయం తేన కృతమి

త్యనేనైవోన్నేయం ధృతమహిమ దివ్యం తవ వపుః ||

రథః క్షోణీ యంతా శతధృతిరగేంద్రో ధనురథో

రథాంగే చంద్రార్కౌ రథచరణపాణిః శర ఇతి |

దిధక్షోస్తే కోఽయం త్రిపురతృణమాడంబరవిధి

ర్విధేయైః క్రీడంత్యో న ఖలు పరతంత్రాః ప్రభుధియః ||

హరిస్తే సాహస్రం కమలబలిమాధాయ పదయో

ర్యదేకోనే తస్మిన్ నిజముదహరన్నేత్రకమలమ్ |

గతో భక్త్యుద్రేకః పరిణతిమసౌ చక్రవపుషా

త్రయాణాం రక్షాయై త్రిపురహర జాగర్తి జగతామ్ ||

క్రతౌ సుప్తే జాగ్రత్త్వమసి ఫలయోగే క్రతుమతాం

క్వ కర్మ ప్రధ్వస్తం ఫలతి పురుషారాధనమృతే |

అతస్త్వాం సంప్రేక్ష్య క్రతుషు ఫలదానప్రతిభువం

శ్రుతౌ శ్రద్ధాం బద్ధ్వా దృఢపరికరః కర్మసు జనః ||

క్రతౌ సుప్తే జాగ్రత్త్వమసి ఫలయోగే క్రతుమతాం

క్వ కర్మ ప్రధ్వస్తం ఫలతి పురుషారాధనమృతే |

అతస్త్వాం సంప్రేక్ష్య క్రతుషు ఫలదానప్రతిభువం

శ్రుతౌ శ్రద్ధాం బద్ధ్వా దృఢపరికరః కర్మసు జనః ||

క్రియాదక్షో దక్షః క్రతుపతిరధీశస్తనుభృతా

మృషీణామార్త్విజ్యం శరణద సదస్యాః సురగణాః |

క్రతుభ్రేషస్త్వత్తః క్రతుఫలవిధానవ్యసనినో

ధ్రువం కర్తుః శ్రద్ధావిధురమభిచారాయ హి మఖాః ||

ప్రజానాథం నాథ ప్రసభమభికం స్వాం దుహితరం

గతం రోహిద్భూతాం రిరమయిషుమృష్యస్య వపుషా |

ధనుష్పాణేర్యాతం దివమపి సపత్రాకృతమముం

త్రసంతం తేఽద్యాపి త్యజతి న మృగవ్యాధరభసః ||

స్వలావణ్యాశంసాధృతధనుషమహ్నాయ తృణవత్

పురః పుష్టం దృష్ట్వా పురమథన పుష్పాయుధమపి |

దేవీ యమనిరత దేహార్ధఘటనా

యది స్త్రైణం -దవైతి త్వామద్ధా బత వరద ముగ్ధా యువతయః ||

భవః శర్వో రుద్రః పశుపతిరథోగ్రః సహమహాం

స్తథా భీమేశానావితి యదభిధానాష్టకమిదమ్ |

అముష్మిన్ ప్రత్యేకం ప్రవిచరతి దేవ శ్రుతిరపి

ప్రియాయాస్మై ధామ్నే ప్రవిహితనమస్యోఽస్మి భవతే ||

నమో నేదిష్ఠాయ ప్రియదవ దవిష్ఠాయ చ నమో

నమః క్షోదిష్ఠాయ స్మరహర మహిష్ఠాయ చ నమః |

నమో వర్షిష్ఠాయ త్రినయన యవిష్ఠాయ చ నమో

నమః సర్వస్మై తే తదిదమితి శర్వాయ చ నమః ||

బహులరజసే విశ్వోత్పత్తౌ భవాయ నమో నమః

ప్రబలతమసే తత్సంహారే హరాయ నమో నమః |

జనసుఖకృతే సత్త్వోద్రిక్తౌ మృడాయ నమో నమః

ప్రమహసి పదే నిస్త్రైగుణ్యే శివాయ నమో నమః ||

కృశపరిణతి చేతః క్లేశవశ్యం క్వ చేదం

క్వ చ తవ గుణసీమోల్లంఘినీ శశ్వదృద్ధిః |

ఇతి చకితమమందీకృత్య మాం భక్తిరాధా

ద్వరద చరణయోస్తే వాక్యపుష్పోపహారమ్ ||

అసితగిరిసమం స్యాత్కజ్జలం సింధుపాత్రే

సురతరువరశాఖా లేఖనీ పత్రముర్వీ |

లిఖతి యది గృహీత్వా శారదా సర్వకాలం

తదపి తవ గుణానామీశ పారం న యాతి ||

అసురసురమునీంద్రైరర్చితస్యేందుమౌళే

ర్గ్రథితగుణమహిమ్నో నిర్గుణస్యేశ్వరస్య ||

సకలగణవరిష్ఠః పుష్పదంతాభిధానః

రుచిరమలఘువృత్తైః స్తోత్రమేతచ్చకార ||

అహరహరనవద్యం ధూర్జటేః స్తోత్రమేతత్

పఠతి పరమభక్త్యా శుద్ధచిత్తః పుమాన్ యః |

స భవతి శివలోకే రుద్రతుల్యస్తథాత్ర

ప్రచురతరధనాయుః పుత్రవాన్ కీర్తిమాంశ్చ ||

మహేశాన్నాపరో దేవో మహిమ్నో నాపరా స్తుతిః |

అఘోరాన్నాపరో మంత్రో నాస్తి తత్త్వం గురోః పరమ్ ||

దీక్షా దానం తపస్తీర్థం జ్ఞానం యాగాదికాః క్రియాః |

మహిమ్నః స్తవ పాఠస్య కలాం నార్హంతి షోడశీమ్ ||

కుసుమదశననామా సర్వగంధర్వరాజః

శిశుశశిధరమౌలేర్దేవదేవస్య దాసః |

స ఖలు నిజమహిమ్నో భ్రష్ట ఏవాస్య రోషాత్

స్తవనమిదమకార్షీద్దివ్యదివ్యం మహిమ్నః ||

సురవరమునిపూజ్యం స్వర్గమోక్షైకహేతుం

పఠతి యది మనుష్యః ప్రాంజలిర్నాన్యచేతాః |

వ్రజతి శివసమీపం కిన్నరైః స్తూయమానః

స్తవనమిదమమోఘం పుష్పదంతప్రణీతమ్ ||

ఆసమాప్తమిదం స్తోత్రం పుణ్యం గంధర్వభాషితమ్ |

అనౌపమ్యం మనోహారి శివమీశ్వరవర్ణనమ్ ||

ఇత్యేషా వాఙ్మయీ పూజా శ్రీమచ్ఛంకరపాదయోః |

అర్పితా తేన దేవేశః ప్రీయతాం మే సదాశివః ||

తవ తత్త్వం న జానామి కీదృశోఽసి మహేశ్వర |

యాదృశోఽసి మహాదేవ తాదృశాయ నమో నమః ||

ఏకకాలం ద్వికాలం వా త్రికాలం యః పఠేన్నరః |

సర్వపాపవినిర్ముక్తః శివలోకే మహీయతే ||

శ్రీపుష్పదంతముఖపంకజనిర్గతేన

స్తోత్రేణ కిల్బిషహరేణ హరప్రియేణ |

కంఠస్థితేన పఠితేన సమాహితేన

సుప్రీణితో భవతి భూతపతిర్మహేశః ||

ఇతి శ్రీపుష్పదంత విరచితం శ్రీ శివ మహిమ్నః స్తోత్రమ్ |

महिम्नः पारं ते परमविदुषो यद्यसदृशी

स्तुतिर्ब्रह्मादीनामपि तदवसन्नास्त्वयि गिरः |

अथाऽवाच्यः सर्वः स्वमतिपरिणामावधि गृणन्

ममाप्येष स्तोत्रे हर निरपवादः परिकरः ||

अतीतः पंथानं तव च महिमा वाङ्मनसयो

रतद्व्यावृत्त्या यं चकितमभिधत्ते श्रुतिरपि |

स कस्य स्तोतव्यः कतिविधगुणः कस्य विषयः

पदे त्वर्वाचीने पतति न मनः कस्य न वचः ||

मधुस्फीता वाचः परमममृतं निर्मितवत

स्तव ब्रह्मन् किं वागपि सुरगुरोर्विस्मयपदम् |

मम त्वेतां वाणीं गुणकथनपुण्येन भवतः

पुनामीत्यर्थेऽस्मिन् पुरमथन बुद्धिर्व्यवसिता ||

तवैश्वर्यं यत्तज्जगदुदयरक्षाप्रलयकृत्

त्रयीवस्तुव्यस्तं तिसृषु गुणभिन्नासु तनुषु |

अभव्यानामस्मिन् वरद रमणीयामरमणीं

विहंतुं व्याक्रोशीं विदधत इहैके जडधियः ||

किमीहः किं कायः स खलु किमुपायस्त्रिभुवनं

किमाधारो धाता सृजति किमुपादान इति च |

अतर्क्यैश्वर्ये त्वय्यनवसरदुःस्थो हतधियः

कुतर्कोऽयं कांश्चिन्मुखरयति मोहाय जगतः ||

अजन्मानो लोकाः किमवयववंतोऽपि जगता

मधिष्ठातारं किं भवविधिरनादृत्य भवति |

अनीशो वा कुर्याद्भुवनजनने कः परिकरो

यतो मंदास्त्वां प्रत्यमरवर संशेरत इमे ||

त्रयी सांख्यं योगः पशुपतिमतं वैष्णवमिति

प्रभिन्ने प्रस्थाने परमिदमदः पथ्यमिति च |

रुचीनां वैचित्र्यादृजुकुटिल नानापथजुषां

नृणामेको गम्यस्त्वमसि पयसामर्णव इव ||

महोक्षः खट्वांगं परशुरजिनं भस्म फणिनः

कपालं चेतीयत्तव वरद तंत्रोपकरणम् |

सुरास्तां तामृद्धिं दधति तु भवद्भ्रूप्रणिहितां

न हि स्वात्मारामं विषयमृगतृष्णा भ्रमयति ||

ध्रुवं कश्चित् सर्वं सकलमपरस्त्वध्रुवमिदं

परो ध्रौव्याध्रौव्ये जगति गदति व्यस्तविषये |

समस्तेऽप्येतस्मिन् पुरमथन तैर्विस्मित इव

स्तुवंजिह्रेमि त्वां न खलु ननु धृष्टा मुखरता ||

तवैश्वर्यं यत्नाद्यदुपरि विरिंचिर्हरिरधः

परिच्छेत्तुं यातावनलमनलस्कंधवपुषः

ततो भक्तिश्रद्धाभरगुरुगृणद्भ्यां गिरिश यत्

स्वयं तस्थे ताभ्यां तव किमनुवृत्तिर्न फलति ||

अयत्नादापाद्य त्रिभुवनमवैरव्यतिकरं

दशास्यो यद्बाहूनभृत रणकंडूपरवशान् |

शिरःपद्मश्रेणीरचितचरणांभोरुहबलेः

स्थिरायास्त्वद्भक्तेस्त्रिपुरहर विस्फूर्जितमिदम् ||

अमुष्य त्वत्सेवासमधिगतसारं भुजवनं

बलात् कैलासेऽपि त्वदधिवसतौ विक्रमयतः |

अलभ्या पातालेऽप्यलसचलितांगुष्ठशिरसि

प्रतिष्ठा त्वय्यासीद्ध्रुवमुपचितो मुह्यति खलः ||

यदृद्धिं सुत्राम्णो वरद परमोच्चैरपि सती

मधश्चक्रे बाणः परिजनविधेयत्रिभुवनः |

न तच्चित्रं तस्मिन् वरिवसितरि त्वच्चरणयो

र्न कस्याप्युन्नत्यै भवति शिरसस्त्वय्यवनतिः ||

अकांडब्रह्मांडक्षयचकितदेवासुरकृपा

विधेयस्यासीद्यस्त्रिनयनविषं संहृतवतः |

स कल्माषः कंठे तव न कुरुते न श्रियमहो

विकारोऽपि श्लाघ्यो भुवनभयभंगव्यसनिनः ||

असिद्धार्था नैव क्वचिदपि सदेवासुरनरे

निवर्तंते नित्यं जगति जयिनो यस्य विशिखाः |

स पश्यन्नीश त्वामितरसुरसाधारणमभूत्

स्मरः स्मर्तव्यात्मा न हि वशिषु पथ्यः परिभवः ||

मही पादाघाताद्व्रजति सहसा संशयपदं

पदं विष्णोर्भ्राम्यद्भुजपरिघरुग्णग्रहगणम् |

मुहुर्द्यौर्दौस्थ्यं यात्यनिभृतजटाताडिततटा

जगद्रक्षायै त्वं नटसि ननु वामैव विभुता ||

वियद्व्यापी तारागणगुणितफेनोद्गमरुचिः

प्रवाहो वारां यः पृषतलघुदृष्टः शिरसि ते |

जगद्द्वीपाकारं जलधिवलयं तेन कृतमि

त्यनेनैवोन्नेयं धृतमहिम दिव्यं तव वपुः ||

रथः क्षोणी यंता शतधृतिरगेंद्रो धनुरथो

रथांगे चंद्रार्कौ रथचरणपाणिः शर इति |

दिधक्षोस्ते कोऽयं त्रिपुरतृणमाडंबरविधि

र्विधेयैः क्रीडंत्यो न खलु परतंत्राः प्रभुधियः ||

हरिस्ते साहस्रं कमलबलिमाधाय पदयो

र्यदेकोने तस्मिन् निजमुदहरन्नेत्रकमलम् |

गतो भक्त्युद्रेकः परिणतिमसौ चक्रवपुषा

त्रयाणां रक्षायै त्रिपुरहर जागर्ति जगताम् ||

क्रतौ सुप्ते जाग्रत्त्वमसि फलयोगे क्रतुमतां

क्व कर्म प्रध्वस्तं फलति पुरुषाराधनमृते |

अतस्त्वां संप्रेक्ष्य क्रतुषु फलदानप्रतिभुवं

श्रुतौ श्रद्धां बद्ध्वा दृढपरिकरः कर्मसु जनः ||

क्रतौ सुप्ते जाग्रत्त्वमसि फलयोगे क्रतुमतां

क्व कर्म प्रध्वस्तं फलति पुरुषाराधनमृते |

अतस्त्वां संप्रेक्ष्य क्रतुषु फलदानप्रतिभुवं

श्रुतौ श्रद्धां बद्ध्वा दृढपरिकरः कर्मसु जनः ||

क्रियादक्षो दक्षः क्रतुपतिरधीशस्तनुभृता

मृषीणामार्त्विज्यं शरणद सदस्याः सुरगणाः |

क्रतुभ्रेषस्त्वत्तः क्रतुफलविधानव्यसनिनो

ध्रुवं कर्तुः श्रद्धाविधुरमभिचाराय हि मखाः ||

प्रजानाथं नाथ प्रसभमभिकं स्वां दुहितरं

गतं रोहिद्भूतां रिरमयिषुमृष्यस्य वपुषा |

धनुष्पाणेर्यातं दिवमपि सपत्राकृतममुं

त्रसंतं तेऽद्यापि त्यजति न मृगव्याधरभसः ||

स्वलावण्याशंसाधृतधनुषमह्नाय तृणवत्

पुरः पुष्टं दृष्ट्वा पुरमथन पुष्पायुधमपि |

देवी यमनिरत देहार्धघटना

यदि स्त्रैणं -दवैति त्वामद्धा बत वरद मुग्धा युवतयः ||

भवः शर्वो रुद्रः पशुपतिरथोग्रः सहमहां

स्तथा भीमेशानाविति यदभिधानाष्टकमिदम् |

अमुष्मिन् प्रत्येकं प्रविचरति देव श्रुतिरपि

प्रियायास्मै धाम्ने प्रविहितनमस्योऽस्मि भवते ||

नमो नेदिष्ठाय प्रियदव दविष्ठाय च नमो

नमः क्षोदिष्ठाय स्मरहर महिष्ठाय च नमः |

नमो वर्षिष्ठाय त्रिनयन यविष्ठाय च नमो

नमः सर्वस्मै ते तदिदमिति शर्वाय च नमः ||

बहुलरजसे विश्वोत्पत्तौ भवाय नमो नमः

प्रबलतमसे तत्संहारे हराय नमो नमः |

जनसुखकृते सत्त्वोद्रिक्तौ मृडाय नमो नमः

प्रमहसि पदे निस्त्रैगुण्ये शिवाय नमो नमः ||

कृशपरिणति चेतः क्लेशवश्यं क्व चेदं

क्व च तव गुणसीमोल्लंघिनी शश्वदृद्धिः |

इति चकितममंदीकृत्य मां भक्तिराधा

द्वरद चरणयोस्ते वाक्यपुष्पोपहारम् ||

असितगिरिसमं स्यात्कज्जलं सिंधुपात्रे

सुरतरुवरशाखा लेखनी पत्रमुर्वी |

लिखति यदि गृहीत्वा शारदा सर्वकालं

तदपि तव गुणानामीश पारं न याति ||

असुरसुरमुनींद्रैरर्चितस्येंदुमौळे

र्ग्रथितगुणमहिम्नो निर्गुणस्येश्वरस्य ||

सकलगणवरिष्ठः पुष्पदंताभिधानः

रुचिरमलघुवृत्तैः स्तोत्रमेतच्चकार ||

अहरहरनवद्यं धूर्जटेः स्तोत्रमेतत्

पठति परमभक्त्या शुद्धचित्तः पुमान् यः |

स भवति शिवलोके रुद्रतुल्यस्तथात्र

प्रचुरतरधनायुः पुत्रवान् कीर्तिमांश्च ||

महेशान्नापरो देवो महिम्नो नापरा स्तुतिः |

अघोरान्नापरो मंत्रो नास्ति तत्त्वं गुरोः परम् ||

दीक्षा दानं तपस्तीर्थं ज्ञानं यागादिकाः क्रियाः |

महिम्नः स्तव पाठस्य कलां नार्हंति षोडशीम् ||

कुसुमदशननामा सर्वगंधर्वराजः

शिशुशशिधरमौलेर्देवदेवस्य दासः |

स खलु निजमहिम्नो भ्रष्ट एवास्य रोषात्

स्तवनमिदमकार्षीद्दिव्यदिव्यं महिम्नः ||

सुरवरमुनिपूज्यं स्वर्गमोक्षैकहेतुं

पठति यदि मनुष्यः प्रांजलिर्नान्यचेताः |

व्रजति शिवसमीपं किन्नरैः स्तूयमानः

स्तवनमिदममोघं पुष्पदंतप्रणीतम् ||

आसमाप्तमिदं स्तोत्रं पुण्यं गंधर्वभाषितम् |

अनौपम्यं मनोहारि शिवमीश्वरवर्णनम् ||

इत्येषा वाङ्मयी पूजा श्रीमच्छंकरपादयोः |

अर्पिता तेन देवेशः प्रीयतां मे सदाशिवः ||

तव तत्त्वं न जानामि कीदृशोऽसि महेश्वर |

यादृशोऽसि महादेव तादृशाय नमो नमः ||

एककालं द्विकालं वा त्रिकालं यः पठेन्नरः |

सर्वपापविनिर्मुक्तः शिवलोके महीयते ||

श्रीपुष्पदंतमुखपंकजनिर्गतेन

स्तोत्रेण किल्बिषहरेण हरप्रियेण |

कंठस्थितेन पठितेन समाहितेन

सुप्रीणितो भवति भूतपतिर्महेशः ||

इति श्रीपुष्पदंत विरचितं श्री शिव महिम्नः स्तोत्रम् |

mahimnah param te paramavidusho yadyasadrishi

stutirbrahmadinamapi tadavasannastwayi girah |

athavachyah sarwah swamatiparinamavadhi grinan

mamapyesha stotre hara nirapavadah parikarah ||

atitah panthanam tava cha mahima vanmanasayo

ratadwyavrittya yam chakitamabhidhatte shrutirapi |

sa kasya stotavyah katividhagunah kasya vishayah

pade twarwachine patati na manah kasya na vachah ||

madhusphita vachah paramamamritam nirmitavata

stava brahman kim vagapi suragurorwismayapadam |

mama twetam vanim gunakathanapunyena bhavatah

punamityarthesmin puramathana buddhirwyavasita ||

tavaishwaryam yattajjagadudayarakshapralayakrit

trayivastuvyastam tisrishu gunabhinnasu tanushu |

abhavyanamasmin varada ramaniyamaramanim

vihantum vyakroshim vidadhata ihaike jadadhiyah ||

kimihah kim kayah sa khalu kimupayastribhuvanam

kimadharo dhata srijati kimupadana iti cha |

atarkyaishwarye twayyanavasaraduhstho hatadhiyah

kutarkoyam kanshchinmukharayati mohaya jagatah ||

ajanmano lokah kimavayavavantopi jagata

madhishthataram kim bhavavidhiranadritya bhavati |

anisho va kuryadbhuvanajanane kah parikaro

yato mandastwam pratyamaravara sansherata ime ||

trayi sankhyam yogah pashupatimatam vaishnavamiti

prabhinne prasthane paramidamadah pathyamiti cha |

ruchinam vaichitryadrijukutila nanapathajusham

nrinameko gamyastwamasi payasamarnava iva ||

mahokshah khatwangam parashurajinam bhasma phaninah

kapalam chetiyattava varada tantropakaranam |

surastam tamriddhim dadhati tu bhavadbhrupranihitam

na hi swatmaramam vishayamrigatrishna bhramayati ||

dhruvam kashchit sarwam sakalamaparastwadhruvamidam

paro dhrauvyadhrauvye jagati gadati vyastavishaye |

samastepyetasmin puramathana tairwismita iva

stuvanjihremi twam na khalu nanu dhrishta mukharata ||

tavaishwaryam yatnadyadupari virinchirhariradhah

parichchhettum yatavanalamanalaskandhavapushah

tato bhaktishraddhabharagurugrinadbhyam girisha yat

swayam tasthe tabhyam tava kimanuvrittirna phalati ||

ayatnadapadya tribhuvanamavairavyatikaram

dashasyo yadbahunabhrita ranakanduparavashan |

shirahpadmashrenirachitacharanambhoruhabaleh

sthirayastwadbhaktestripurahara visphurjitamidam ||

amushya twatsevasamadhigatasaram bhujavanam

balat kailasepi twadadhivasatau vikramayatah |

alabhya patalepyalasachalitangushthashirasi

pratishtha twayyasiddhruvamupachito muhyati khalah ||

yadriddhim sutramno varada paramochchairapi sati

madhashchakre banah parijanavidheyatribhuvanah |

na tachchitram tasmin varivasitari twachcharanayo

rna kasyapyunnatyai bhavati shirasastwayyavanatih ||

akandabrahmandakshayachakitadevasurakripa

vidheyasyasidyastrinayanavisham sanhritavatah |

sa kalmashah kanthe tava na kurute na shriyamaho

vikaropi shlaghyo bhuvanabhayabhangavyasaninah ||

asiddhartha naiva kwachidapi sadevasuranare

nivartante nityam jagati jayino yasya vishikhah |

sa pashyannisha twamitarasurasadharanamabhut

smarah smartavyatma na hi vashishu pathyah paribhavah ||

mahi padaghatadwrajati sahasa sanshayapadam

padam vishnorbhramyadbhujaparigharugnagrahaganam |

muhurdyaurdausthyam yatyanibhritajatataditatata

jagadrakshayai twam natasi nanu vamaiva vibhuta ||

viyadwyapi taraganagunitaphenodgamaruchih

pravaho varam yah prishatalaghudrishtah shirasi te |

jagaddwipakaram jaladhivalayam tena kritami

tyanenaivonneyam dhritamahima divyam tava vapuh ||

rathah kshoni yanta shatadhritiragendro dhanuratho

rathange chandrarkau rathacharanapanih shara iti |

didhakshoste koyam tripuratrinamadambaravidhi

rwidheyaih kridantyo na khalu paratantrah prabhudhiyah ||

hariste sahasram kamalabalimadhaya padayo

ryadekone tasmin nijamudaharannetrakamalam |

gato bhaktyudrekah parinatimasau chakravapusha

trayanam rakshayai tripurahara jagarti jagatam ||

kratau supte jagrattwamasi phalayoge kratumatam

kwa karma pradhwastam phalati purusharadhanamrite |

atastwam samprekshya kratushu phaladanapratibhuvam

shrutau shraddham baddhwa dridhaparikarah karmasu janah ||

kratau supte jagrattwamasi phalayoge kratumatam

kwa karma pradhwastam phalati purusharadhanamrite |

atastwam samprekshya kratushu phaladanapratibhuvam

shrutau shraddham baddhwa dridhaparikarah karmasu janah ||

kriyadaksho dakshah kratupatiradhishastanubhrita

mrishinamartwijyam sharanada sadasyah suraganah |

kratubhreshastwattah kratuphalavidhanavyasanino

dhruvam kartuh shraddhavidhuramabhicharaya hi makhah ||

prajanatham natha prasabhamabhikam swam duhitaram

gatam rohidbhutam riramayishumrishyasya vapusha |

dhanushpaneryatam divamapi sapatrakritamamum

trasantam tedyapi tyajati na mrigavyadharabhasah ||

swalavanyashansadhritadhanushamahnaya trinavat

purah pushtam drishtwa puramathana pushpayudhamapi |

devi yamanirata dehardhaghatana

yadi strainam -davaiti twamaddha bata varada mugdha yuvatayah ||

bhavah sharwo rudrah pashupatirathograh sahamaham

statha bhimeshanaviti yadabhidhanashtakamidam |

amushmin pratyekam pravicharati deva shrutirapi

priyayasmai dhamne pravihitanamasyosmi bhavate ||

namo nedishthaya priyadava davishthaya cha namo

namah kshodishthaya smarahara mahishthaya cha namah |

namo varshishthaya trinayana yavishthaya cha namo

namah sarwasmai te tadidamiti sharwaya cha namah ||

bahularajase vishwotpattau bhavaya namo namah

prabalatamase tatsanhare haraya namo namah |

janasukhakrite sattwodriktau mridaya namo namah

pramahasi pade nistraigunye shivaya namo namah ||

krishaparinati chetah kleshavashyam kwa chedam

kwa cha tava gunasimollanghini shashwadriddhih |

iti chakitamamandikritya mam bhaktiradha

dwarada charanayoste vakyapushpopaharam ||

asitagirisamam syatkajjalam sindhupatre

surataruvarashakha lekhani patramurwi |

likhati yadi grihitwa sharada sarwakalam

tadapi tava gunanamisha param na yati ||

asurasuramunindrairarchitasyendumaule

rgrathitagunamahimno nirgunasyeshwarasya ||

sakalaganavarishthah pushpadantabhidhanah

ruchiramalaghuvrittaih stotrametachchakara ||

aharaharanavadyam dhurjateh stotrametat

pathati paramabhaktya shuddhachittah puman yah |

sa bhavati shivaloke rudratulyastathatra

prachurataradhanayuh putravan kirtimanshcha ||

maheshannaparo devo mahimno napara stutih |

aghorannaparo mantro nasti tattwam guroh param ||

diksha danam tapastirtham gyanam yagadikah kriyah |

mahimnah stava pathasya kalam narhanti shodashim ||

kusumadashananama sarwagandharwarajah

shishushashidharamaulerdevadevasya dasah |

sa khalu nijamahimno bhrashta evasya roshat

stavanamidamakarshiddivyadivyam mahimnah ||

suravaramunipujyam swargamokshaikahetum

pathati yadi manushyah pranjalirnanyachetah |

vrajati shivasamipam kinnaraih stuyamanah

stavanamidamamogham pushpadantapranitam ||

aasamaptamidam stotram punyam gandharwabhashitam |

anaupamyam manohari shivamishwaravarnanam ||

ityesha vanmayi puja shrimachchhankarapadayoh |

arpita tena deveshah priyatam me sadashivah ||

tava tattwam na janami kidrishosi maheshwara |

yadrishosi mahadeva tadrishaya namo namah ||

ekakalam dwikalam va trikalam yah pathennarah |

sarwapapavinirmuktah shivaloke mahiyate ||

shripushpadantamukhapankajanirgatena

stotrena kilbishaharena harapriyena |

kanthasthitena pathitena samahitena

suprinito bhavati bhutapatirmaheshah ||

iti shripushpadanta virachitam shri shiva mahimnah stotram |