BhaktiVed
वेंकटेश्वर

హరిహరి నీ మాయామహిమ

संकीर्तनरचना: అన్నమాచార్య (Annamacharya)రాగం నారాయణి (annamacharya sankirtana no. 293)
लिपि
Text size

इस पाठ की संपादकीय समीक्षा आवश्यक है।

संपादकीय समीक्षा · समीक्षा आवश्यक

समीक्षा दर्ज होने पर उसकी तारीख दिखाई जाती है। लिपि बदलना अनुवाद नहीं है। परंपराओं में पाठांतर हो सकते हैं।

హరి హరి నీ మాయామహిమ

సరవి దెలియ ననుఁ గరుణించఁగదే

పల్లవి

తలఁతును నా పాలిదైవమవని నిను

తలఁతును తల్లివిఁ దండ్రివని

మలసి యంతలో మఱతును తెలుతును

కలవలె నున్నది కడ గనరాదు

||హరి||

మొక్కుదు నొకపరి మొగి నేలికవని

మొక్కుదు నీ వాదిమూలమని

వుక్కున గర్వించి యుబ్బుదు సగ్గుదు

కక్క సమైనది కడ గనరాదు

||హరి||

చూతును నీమూర్తి సులభుఁడవనుచును

చూతు జగములకు సోద్యమని

యీతల శ్రీ వేంకటేశ నన్నేలితివి

కౌతుకమొదవెను కడ గనరాదు

||హరి||293

ఓ శ్రీహరీ! నీమాయామహిమల యొక్క తీరుతెన్నులు యెలావుంటాయో | వాటిని సరవి (క్రమముగ) తెలియునట్లు నన్ను అనుగ్రహింపుము ప్రభూ!

भावार्थ / विवरण

హరిహరి నీ మాయామహిమ – అన్నమయ్య కీర్తనలు

నారాయణి

అవతారిక:

హరిహరీ! నీమాయామహిమ క్రమంగా తెలిసికొనునట్లు నన్ను కరుణించితివి, గదే! నేను ధన్యుడనయ్యాను తండ్రీ! నీవే నాపాలి దైవము, నా తల్లివి, తండ్రివి, గురుడవు. నీవే నా ప్రాణానివి. అందుకని నీవే కౌతుకమున నన్నేలితివి. ఈ జీవితానికి ఇది చాలు స్వామి. నేను కళ్ళు తెరిచినా కళ్ళుమూసినా నీ మూర్తే కనబడుతున్నది ఇక ఈ బ్రతుకునకింతకంటే కావలసిందేమి వున్నది ప్రభూ!

భావ వివరణ:

దేవా! నేను నిన్నే దేవునిగా తలచెదను. నిన్నే నా తల్లిగాను తండ్రిగాను తలచెదను. మలసి (తిరిగి) అంతలోనే ఆ విషయం మరచిపోతాను. ఏమిటి ప్రభూ! నీమాయ? ఇంతలోనే కలవలె అన్నీ మరచిపోయి యేదో పోగొట్టుకున్నవాడిలా బాధపడి నలిగిపోతాను. ఈ భ్రాంతికి కడగనరాదు (అంతము కనబడదు).

ये भी पढ़ें