కొల్లున నవ్వేరు నిన్ను గోవిందుడా

కొల్లున నవ్వేరు నిన్ను గోవిందుఁడా

గొల్లెతల నేమనేవు గోవిందుఁడా

పల్లవి

యేపున నీసుద్దులెల్ల యిట్టె యశోదతోడ

గోపిక లాడుకొనేరు గోవిందుఁడా

తీపుల నీచేఁతలెల్ల తేట తెల్లమాయనిదే

కోపగించఁ జెల్లదిఁక గోవిందుఁడా

||కొల్లు||

సిసువవై యాడువారి చీరలు దీసినందుకు

కొసరి తిట్టేరు నిన్ను గోవిందుఁడా

పసులఁగాచేచోట భామలు విందు దెచ్చిరి

కుసిగుంపు సేయకుమీ గోవిందుఁడా

||కొల్లు||

వాడలసతుల నొక్కవావిగానే సేసితివి

కోడెల నావులఁ గాచేగోవిందుఁడా

యీడనే శ్రీవేంకటాద్రి నిరవై శ్రీసతితోడఁ

గూడి లోలుఁడ వైతివి గోవిందుఁడా.

||కొల్లు||

कॊल्लुन नव्वेरु निन्नु गोविंदुँडा

गॊल्लॆतल नेमनेवु गोविंदुँडा

पल्लवि

येपुन नीसुद्दुलॆल्ल यिट्टॆ यशोदतोड

गोपिक लाडुकॊनेरु गोविंदुँडा

तीपुल नीचेँतलॆल्ल तेट तॆल्लमायनिदे

कोपगिंचँ जॆल्लदिँक गोविंदुँडा

||कॊल्लु||

सिसुववै याडुवारि चीरलु दीसिनंदुकु

कॊसरि तिट्टेरु निन्नु गोविंदुँडा

पसुलँगाचेचोट भामलु विंदु दॆच्चिरि

कुसिगुंपु सेयकुमी गोविंदुँडा

||कॊल्लु||

वाडलसतुल नॊक्कवाविगाने सेसितिवि

कोडॆल नावुलँ गाचेगोविंदुँडा

यीडने श्रीवेंकटाद्रि निरवै श्रीसतितोडँ

गूडि लोलुँड वैतिवि गोविंदुँडा.

||कॊल्लु||

kolluna navweru ninnu govindunda

golletala nemanevu govindunda

pallavi

yepuna nisuddulella yitte yashodatoda

gopika ladukoneru govindunda

tipula nichentalella teta tellamayanide

kopagincham jelladinka govindunda

||kollu||

sisuvavai yaduvari chiralu disinanduku

kosari titteru ninnu govindunda

pasulangachechota bhamalu vindu dechchiri

kusigumpu seyakumi govindunda

||kollu||

vadalasatula nokkavavigane sesitivi

kodela navulam gachegovindunda

yidane shrivenkatadri niravai shrisatitodam

gudi lolunda vaitivi govindunda.

||kollu||