కొల్లున నవ్వేరు నిన్ను గోవిందుడా

సంకీర్తనరచన: అన్నమాచార్య (Annamacharya)రాగం మనోహరి (annamacharya sankirtana no. 333)

లిపి

అక్షర పరిమాణం

ఈ పాఠానికి సంపాదకీయ సమీక్ష అవసరం.

మూలం మరియు సంపాదకీయ సమీక్ష · సమీక్ష అవసరం

మూలం: bhaktived.com, https://bhaktived.com/kolluna-navveru-ninnu-govinduda/
మూల వివరాలు: post id 1994, modified 2024-05-21; category keerthanalu; imported 2026-10-16 with the owner's approval

అందుబాటులో ఉన్న మూల వివరాలు, సమీక్ష తేదీ ఇక్కడ చూపిస్తాము. లిపి మార్పు అనువాదం కాదు. సంప్రదాయ పాఠాంతరాలు ఉండవచ్చు.

కొల్లున నవ్వేరు నిన్ను గోవిందుఁడా

గొల్లెతల నేమనేవు గోవిందుఁడా

పల్లవి

యేపున నీసుద్దులెల్ల యిట్టె యశోదతోడ

గోపిక లాడుకొనేరు గోవిందుఁడా

తీపుల నీచేఁతలెల్ల తేట తెల్లమాయనిదే

కోపగించఁ జెల్లదిఁక గోవిందుఁడా

||కొల్లు||

సిసువవై యాడువారి చీరలు దీసినందుకు

కొసరి తిట్టేరు నిన్ను గోవిందుఁడా

పసులఁగాచేచోట భామలు విందు దెచ్చిరి

కుసిగుంపు సేయకుమీ గోవిందుఁడా

||కొల్లు||

వాడలసతుల నొక్కవావిగానే సేసితివి

కోడెల నావులఁ గాచేగోవిందుఁడా

యీడనే శ్రీవేంకటాద్రి నిరవై శ్రీసతితోడఁ

గూడి లోలుఁడ వైతివి గోవిందుఁడా.

||కొల్లు||

భావం / వివరణ

కొల్లున నవ్వేరు నిన్ను గోవిందుడా – అన్నమయ్య కీర్తనలు

మనోహరి

అవతారిక:

“గోవులను కాచే గోవిందుడా! నిన్ను చూచి ఈ రేపల్లె గొల్లభామలు గొల్లుమని నవ్వారయ్యా! వాళ్ళనేమనగలము?” అంటున్నారు అన్నమాచార్యులవారు. నీ కోపాలు యికపై చెల్లేట్లులేవు. మరి నీవు వాళ్ళ చీరెలెత్తికెళ్ళిపోతే మళ్ళీ నిన్నే తిడుతున్నారు, అంటున్నారు. ఈ గోవిందుడు గొల్లవాడలోనున్న సతులనందరినీ ఒక్కవావిగానే చేశాడట. అంటే యేమిటో తెలుసా? ఆ గోవిందుడు, వరుసకు వదినా మరదళ్ళయిన ఇద్దరిని కూడితే వారు ఏమవుతారు? ఒకేవావి కదా! అంటే అక్కా చెల్లెళ్ళేకదా! అదన్నమాట సంగతి. ఇంతా చేసిన ఆ శ్రీసతిలోలుడేనట.

భావ వివరణ:

ఓ గోవిందుడా! ఈ గొల్లెతలను (గొల్లభామలను యేమనేవు (నీవేమి అనగలవు?) నీసంగతులు చెప్పుకొంటూ వాళ్ళు గొల్లుమని నవ్వుకొంటున్నారు చూశావా?

ఓ గోవిందుడా! నీ సుద్దులెల్లా (ముచ్చట్లనన్నియు) ఈ గోపికలు నీ తల్లి యశోదమ్మతో యేపున వున్నవీ లేనివీ కల్పించి యెక్కువగా) చెబుతున్నారు. నీ తీపుల చేతలెల్లా (నీవు పెట్టిన యాతనలు చిలిపి పనులు) అన్నియునూ తేటతెల్లమాయె (బట్టబయలైపోయాయి). ఓ గోవిందుడా నీ అలుకలు చెల్లవిక.

మరిన్ని అన్నమయ్య కీర్తనలు:

ఇవి కూడా చదవండి

బ్రహ్మమొక్కటే పరబ్రహ్మమొక్కటేసంకీర్తనచదవండి

శ్రీనివాసా గోవిందా శ్రీ వేంకటేశా గోవిందా (గోవింద నామాలు)కీర్తనచదవండి

అదివో అల్లదివో శ్రీహరివాసముసంకీర్తనచదవండి

కొండలలో నెలకొన్న కోనేటిరాయడు వాడుసంకీర్తనచదవండి

నానాటి బతుకు నాటకముసంకీర్తనచదవండి

అలరులు కురియగ ఆడెనదేసంకీర్తనచదవండి