BhaktiVed
Venkateswara

Iviye Po Pradyumna Yihaparasadhanamu

SankirtanaAuthor: అన్నమాచార్య (Annamacharya)రాగం భూపాళం (annamacharya sankirtana no. 405)
Script
Text size

This text needs editorial review.

Editorial review · Needs review

The recorded review date is shown when available. Script conversion is not translation; traditional versions may differ.

ఇవియే పో ప్రద్యుమ్న యిహపరసాధనము

భవజలధులతేప పరమయోగులకు

పల్లవి

వామన గోవింద విష్ణు వాసుదేవ హరి కృష్ణ

దామోదరాచ్యుత మాధవ శ్రీధరా

నీమహిమ గానలేము నిన్నెంచఁగలేము నీ –

నామజపమే చాలు నాలుక (కు) సులభము

||ఇవి||

అనిరుద్ధ పురుషోత్తమాధోక్షజ ఉపేంద్ర

జనార్దన కేశవ సంకర్షణా

నినుఁ దలఁచఁగ లేము నిన్నుఁ దెలియఁగ లేము

నునుపై నీనామమే నోటికి సులభము

||ఇవి||

నారాయణ పద్మనాభ హృషీకేశ

నారసింహ మధుసూదన త్రివిక్రమ

నీరూపు భావించలేము నిక్కపు శ్రీవేంకటేశ

ఆరయ నీనామజప మన్నిటా సులభము

||ఇవి||405

No video for this text yet.Search on YouTube

Meaning and notes

ఇవియే పో ప్రద్యుమ్నా యిహపరసాధనము – అన్నమయ్య కీర్తనలు

భూపాళం

అవతారిక:

ప్రద్యుమ్నుడు అంటే ‘ప్రకృష్టమైన ‘ద్యుమ్నము’ కలవాడు. అనగా అతిశయించిన బలముకలవాడని అర్థం. మన్మథుని కున్న పర్యాయపదం అది. శ్రీమన్నారాయణుని కేశవనామాలలో కూడా ప్రత్యుమ్నునిపేరు చూస్తాము. శ్రీహరి కూడా అతిక్రమించ సాధ్యంకాని బలము కలవాడు కావున ఆయననూ ప్రద్యుమ్నుడు అంటారు. “ఓ ప్రద్యుమ్నా! పరమ యోగులకైనా భవసాగరమును దాటించే తెప్ప ఇవియే. ఇహమున సుఖము పరమున మోక్షము ఇవ్వవలెనంటే ఇవియేపో సాధనములు” . అంటున్నారు అన్నమాచార్యులవారు. భజన సాంప్రదాయంలో సాగే కీర్తన పాడితే కేశవనామాలు చదివినట్లే. మీదే ఆలస్యం…

భావ వివరణ:

ఓ అనిరుద్ధా! (పరులచేత అడ్డగింపలేనివాడు) పురుషోత్తమా! అధోక్షజా! (ఇంద్రియములను జయించిన వారికి మాత్రమే కనబడువాడు) ఉపేంద్రా! జనార్ధనా! కేశవా! సంకర్షణా! (ప్రళయకాలమందు అందరినీ అంతముజేయువాడు) నిన్ను దలచలేము (నీగురించి ఆలోచించలేము). ఇక నిన్ను యెట్లు తెలియగలము? నునుపైన (పట్టుకోవటానికి తేలికైన) నీ నామము నోటితో సులభముగా పలికెదను ప్రభూ!

ఓ నారాయణుడా! పద్మనాభుడా!, హృషీకేశా! (ఇంద్రియములకు అధిపతి) నారసింహ! మధుసూదనా! త్రివిక్రమా! నీరూపము విశ్వరూపమైనందువలన యెట్లుండునో వూహింపజాలము. కానీ నేడు మాకన్నులయెదుట నిజముగా కనుపించుచున్న నిక్కపు వేంకటేశ్వరుడవు నీవే తండ్రీ! దర్శించి జపించుటకు అతి సులభమైన నీనామజపమును అన్నిటా స్వీకరింతును. ఎందుకంటే సులభమైన తరుణోపాయము ఓం నమో వేంకటేశాయ! అనడమే సుమా!

Also read