మంత్రమాతృకా వర్ణమాలా స్తోత్రం

కల్లోలోల్లసితామృతాబ్ధిలహరీమధ్యే విరాజన్మణి-

-ద్వీపే కల్పకవాటికాపరివృతే కాదంబవాట్యుజ్జ్వలే |

రత్నస్తంభసహస్రనిర్మితసభామధ్యే విమానోత్తమే

చింతారత్నవినిర్మితం జనని తే సింహాసనం భావయే || 1 ||

ఏణాంకానలభానుమండలలసచ్ఛ్రీచక్రమధ్యే స్థితాం

బాలార్కద్యుతిభాసురాం కరతలైః పాశాంకుశౌ బిభ్రతీమ్ |

చాపం బాణమపి ప్రసన్నవదనాం కౌసుంభవస్త్రాన్వితాం

తాం త్వాం చంద్రకళావతంసమకుటాం చారుస్మితాం భావయే || 2 ||

ఈశానాదిపదం శివైకఫలదం రత్నాసనం తే శుభం

పాద్యం కుంకుమచందనాదిభరితైరర్ఘ్యం సరత్నాక్షతైః |

శుద్ధైరాచమనీయకం తవ జలైర్భక్త్యా మయా కల్పితం

కారుణ్యామృతవారిధే తదఖిలం సంతుష్టయే కల్పతామ్ || 3 ||

లక్ష్యే యోగిజనస్య రక్షితజగజ్జాలే విశాలేక్షణే

ప్రాలేయాంబుపటీరకుంకుమలసత్కర్పూరమిశ్రోదకైః |

గోక్షీరైరపి నారికేలసలిలైః శుద్ధోదకైర్మంత్రితైః

స్నానం దేవి ధియా మయైతదఖిలం సంతుష్టయే కల్పతామ్ || 4 ||

హ్రీం‍కారాంకితమంత్రలక్షితతనో హేమాచలాత్సంచితైః

రత్నైరుజ్జ్వలముత్తరీయసహితం కౌసుంభవర్ణాంశుకమ్ |

ముక్తాసంతతియజ్ఞసూత్రమమలం సౌవర్ణతంతూద్భవం

దత్తం దేవి ధియా మయైతదఖిలం సంతుష్టయే కల్పతామ్ || 5 ||

హంసైరప్యతిలోభనీయగమనే హారావలీముజ్జ్వలాం

హిందోలద్యుతిహీరపూరితతరే హేమాంగదే కంకణే |

మంజీరౌ మణికుండలే మకుటమప్యర్ధేందుచూడామణిం

నాసామౌక్తికమంగులీయకటకౌ కాంచీమపి స్వీకురు || 6 ||

సర్వాంగే ఘనసారకుంకుమఘనశ్రీగంధపంకాంకితం

కస్తూరీతిలకం చ ఫాలఫలకే గోరోచనాపత్రకమ్ |

గండాదర్శనమండలే నయనయోర్దివ్యాంజనం తేఽంచితం

కంఠాబ్జే మృగనాభిపంకమమలం త్వత్ప్రీతయే కల్పతామ్ || 7 ||

కహ్లారోత్పలమల్లికామరువకైః సౌవర్ణపంకేరుహై-

-ర్జాతీచంపకమాలతీవకులకైర్మందారకుందాదిభిః |

కేతక్యా కరవీరకైర్బహువిధైః క్లుప్తాః స్రజో మాలికాః

సంకల్పేన సమర్పయామి వరదే సంతుష్టయే గృహ్యతామ్ || 8 ||

హంతారం మదనస్య నందయసి యైరంగైరనంగోజ్జ్వలై-

-ర్యైర్భృంగావలినీలకుంతలభరైర్బధ్నాసి తస్యాశయమ్ |

తానీమాని తవాంబ కోమలతరాణ్యామోదలీలాగృహా-

-ణ్యామోదాయ దశాంగగుగ్గులుఘృతైర్ధూపైరహం ధూపయే || 9 ||

లక్ష్మీముజ్జ్వలయామి రత్ననివహోద్భాస్వత్తరే మందిరే

మాలారూపవిలంబితైర్మణిమయస్తంభేషు సంభావితైః |

చిత్రైర్హాటకపుత్రికాకరధృతైర్గవ్యైర్ఘృతైర్వర్ధితై-

-ర్దివ్యైర్దీపగణైర్ధియా గిరిసుతే సంతుష్టయే కల్పతామ్ || 10 ||

హ్రీం‍కారేశ్వరి తప్తహాటకకృతైః స్థాలీసహస్రైర్భృతం

దివ్యాన్నం ఘృతసూపశాకభరితం చిత్రాన్నభేదం తథా |

దుగ్ధాన్నం మధుశర్కరాదధియుతం మాణిక్యపాత్రే స్థితం

మాషాపూపసహస్రమంబ సఫలం నైవేద్యమావేదయే || 11 ||

సచ్ఛాయైర్వరకేతకీదలరుచా తాంబూలవల్లీదలైః

పూగైర్భూరిగుణైః సుగంధిమధురైః కర్పూరఖండోజ్జ్వలైః |

ముక్తాచూర్ణవిరాజితైర్బహువిధైర్వక్త్రాంబుజామోదనైః

పూర్ణా రత్నకలాచికా తవ ముదే న్యస్తా పురస్తాదుమే || 12 ||

కన్యాభిః కమనీయకాంతిభిరలంకారామలారార్తికా

పాత్రే మౌక్తికచిత్రపంక్తివిలసత్కర్పూరదీపాలిభిః |

తత్తత్తాలమృదంగగీతసహితం నృత్యత్పదాంభోరుహం

మంత్రారాధనపూర్వకం సువిహితం నీరాజనం గృహ్యతామ్ || 13 ||

లక్ష్మీర్మౌక్తికలక్షకల్పితసితచ్ఛత్త్రం తు ధత్తే రసా-

-దింద్రాణీ చ రతిశ్చ చామరవరే ధత్తే స్వయం భారతీ |

వీణామేణవిలోచనాః సుమనసాం నృత్యంతి తద్రాగవ-

-ద్భావైరాంగికసాత్త్వికైః స్ఫుటరసం మాతస్తదాకర్ణ్యతామ్ || 14 ||

హ్రీం‍కారత్రయసంపుటేన మనునోపాస్యే త్రయీమౌలిభి-

-ర్వాక్యైర్లక్ష్యతనో తవ స్తుతివిధౌ కో వా క్షమేతాంబికే |

సల్లాపాః స్తుతయః ప్రదక్షిణశతం సంచార ఏవాస్తు తే

సంవేశో నమసః సహస్రమఖిలం త్వత్ప్రీతయే కల్పతామ్ || 15 ||

శ్రీమంత్రాక్షరమాలయా గిరిసుతాం యః పూజయేచ్చేతసా

సంధ్యాసు ప్రతివాసరం సునియతస్తస్యామలం స్యాన్మనః |

చిత్తాంభోరుహమంటపే గిరిసుతా నృత్తం విధత్తే రసా-

-ద్వాణీ వక్త్రసరోరుహే జలధిజా గేహే జగన్మంగళా || 16 ||

ఇతి గిరివరపుత్రీపాదరాజీవభూషా

భువనమమలయంతీ సూక్తిసౌరభ్యసారైః |

శివపదమకరందస్యందినీయం నిబద్ధా

మదయతు కవిభృంగాన్మాతృకాపుష్పమాలా || 17 ||

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ మంత్రమాతృకాపుష్పమాలా స్తవః |

कल्लोलोल्लसिता मृताब्धिलहरी मध्ये विराजन्मणि

द्वीपे कल्पकवाटिका परिवृते कादंबवाट्युज्ज्वले

रत्नस्तंभ सहस्र निर्मित सभामध्ये विमानोत्तमे

चिंतारत्न विनिर्मितं जननि ते सिंहासनं भावये ||

एणांकानल भानुमंडल लसछ्छी चक्रमध्ये स्थितां

बालार्कद्युति भासुरां करतलैः पाशांकुशा बिभ्रतीं

चापं बाणमपि प्रसन्नवदनां कौसुंभ वस्त्रान्वितां

तां त्वां चंद्रकळावतंस मकुटांचारुस्मितांभावये ||

ईशानादि पदं शिवैक फलकं रत्नासनं ते शुभं

पाद्यं कुंकुम चंदनादि भरित्यै रर्घ्यं स रत्नाक्षतैः

शुद्दॆ राचमनीयकं तप जलै र्भक्त्या मया कल्पितं

कारुण्यामृत वारिधे तदखिलं संतुष्टये कल्प्यताम् ||

अक्ष्ये योगिजनस्य रक्षित जगज्जाले विशालेक्षणे

प्रालेयांबु पटीर कुंकुम लसत्कर्पूर मिश्रोदकैः

गोक्षीरै रपि नारिकेळसलिलै श्शुद्दोदकै र्मंत्रितै

स्नानं देवि धिया मयैतदखिलं संतुष्टये कल्प्यतां ||

ह्रींकारांकित मंत्रलक्षततनो हेमाचलत्संचितैः

रत्नैरुज्ज्वल मुत्तरीय सहितं कौसुंभ वर्णांशुकं

मुक्तासंतति यज्ञसूत्र ममलं सौवर्ण तंतूद्भवं

दत्तं देवि धिया मयै दतखिलं संतुष्टये कल्प्यताम् ||

हंसै रप्यति लोभनीय गमने होरावळी मुज्ज्वलां

हिंदोळद्युति हीरपूरिततरे हेमांगदे कंकणे

मंजीरे मणिकुंडले मकुट मप्यर्धेंदु चूडामणिं

नासामौक्तिक मंगुळीय कटके कांचीमपि स्वीकुरु ||

सर्वांगे घनसार कुंकुम घन श्रीगंध पंकांकितं

कस्तूरी तिलकंच फालफलके गोरोचना पत्रकं

गंडादर्शन मंडले नयनयो र्दिव्यांजनं तेंचितं

कंठाण्णि मृगनाभिपंक ममलं त्वत्रीतये कल्प्यताम् ||

कल्हारोत्पल मल्लिका मरुवकॆः सौवर्णपंकेरुहैः

जाजी चंपक मालती वकुळकै र्मंदार कुंदादिभिः

केतक्या करवीरकै र्भहुविधैः क्लुप्ताः सजोमालिकाः

संकल्पेन समर्पयामि वरदे संतुष्टये गृह्यताम् ||

हंतारं मदनस्य नंदयसि यैरंगै रनंगोज्ज्वलै

र्यैर्भृंगावळि नीलकुंतलभरै र्बध्नासि तस्याशयं

तानीमानि तवांब कोमलतरा ण्यामोद लीलागृहा

ण्यामोदाय दशांग गुग्गुलु घृतै र्धूपै रहं धूपये ||

लक्ष्मीमुज्ज्वलयामि रत्ननिवहो द्भासान्तरे मन्दिरे

मालारूप विलंबितै र्मणिमय स्तंभेषु संभावितैः

चित्रैर्हाटक पुत्रिका करधृतैर्गवैर्घृतैर्वर्थितैः

दिव्यै र्दीपगणै र्थिया गिरिसुते संतुष्टये कल्प्यतां ||

ह्रींकारेश्वरि तप्तहाटक कृतैः स्थाली सहस्त्रैर्युतं

दिव्यान्नं घृत सूपशाक भरितं चित्रान्नभेदं तथा

दुग्धान्नं मधुशर्करा दधियुतं माणिक्यपात्रे स्थितं

माषापूप सहस्रमंबस फलं नैवेद्य मावेदये ||

सच्छायैर्वर केतकी दळरुचा तांबूलवल्ली दळैः

पूगैर्भूरिगुणैः स्सुगंधि मधुरैः कर्पूर खंडोज्ज्वलैः

मुक्ताचूर्ण विराजितै रृहुविधै र्वक्रांबुजा मोदितैः

पूर्णारत्नकलाचिका तव मुदे न्यसा&त पुरस्तादुमे ||

कन्याभिः कमनीय कांतिभि रलंकारामला रार्तिका

पात्रे मौक्तिक चित्रपंक्ति विलस त्कर्पूर दीपाळिभिः

तत्तत्ताळ मृदंगगीत सहितं नृत्य त्पदांभोरुहं

मंत्राराधन पूर्वकं सुनिहितं नीराजनं गृह्यताम् ||

लक्ष्मीर्मौक्ति कलक्षकल्पित सित च्छत्रं तु धत्ते रसा

दिंद्राणी च रतिश्च चामरवरे धते &त स्वयंभारती

वीणामेण विलोचना स्सुमनसा तानृत्यंति तद्रागव

द्भावै रांगिक सात्विकैः स्फुटरसं मात स्त्वमाकर्ण्यतां ||

ह्रींकार त्रय संपुटेन मनुनो पास्ये त्रयी मौळीभिः

वाक्यै र्लक्ष्यतनो ! तव स्तुति विधौ को वाक्षमेतांबिके

सल्लापास्तुृतयः प्रदक्षिणशतं संचार एवास्तुते

संवेशो नमस्सहस्र मखिलं संतुष्टये कल्पतां ||

श्री मंत्राक्षर मालया गिरिसुतां यः पूजयेच्चेतसा

संध्यासु प्रतिवासरं सुनियतस्तस्यामल स्याचिरात्

चित्तांभोरुह मंटपे गिरिसुता नृत्तं विधत्ते रसा

द्वाणी वक्त्रसरोरुहे जलधिजा गेहे जगन्मंगळा ||

इति गिरिवरपुत्री पादराजीव भूषा भुवन ममलयंति सूक्तिसौरभ्य सारैः

शिवपद मकरन्द स्यन्दिनी मन्निबद्दा

मदयतु कविभृंगा न्मातृका पुष्पमाला ||

kallolollasita mritabdhilahari madhye virajanmani

dwipe kalpakavatika parivrite kadambavatyujjwale

ratnastambha sahasra nirmita sabhamadhye vimanottame

chintaratna vinirmitam janani te sinhasanam bhavaye ||

enankanala bhanumandala lasachhchhi chakramadhye sthitam

balarkadyuti bhasuram karatalaih pashankusha bibhratim

chapam banamapi prasannavadanam kausumbha vastranwitam

tam twam chandrakalavatansa makutancharusmitambhavaye ||

ishanadi padam shivaika phalakam ratnasanam te shubham

padyam kunkuma chandanadi bharityai rarghyam sa ratnakshataih

shudde rachamaniyakam tapa jalai rbhaktya maya kalpitam

karunyamrita varidhe tadakhilam santushtaye kalpyatam ||

akshye yogijanasya rakshita jagajjale vishalekshane

praleyambu patira kunkuma lasatkarpura mishrodakaih

gokshirai rapi narikelasalilai shshuddodakai rmantritai

snanam devi dhiya mayaitadakhilam santushtaye kalpyatam ||

hrinkarankita mantralakshatatano hemachalatsanchitaih

ratnairujjwala muttariya sahitam kausumbha varnanshukam

muktasantati yagyasutra mamalam sauvarna tantudbhavam

dattam devi dhiya mayai datakhilam santushtaye kalpyatam ||

hansai rapyati lobhaniya gamane horavali mujjwalam

hindoladyuti hirapuritatare hemangade kankane

manjire manikundale makuta mapyardhendu chudamanim

nasamauktika manguliya katake kanchimapi swikuru ||

sarwange ghanasara kunkuma ghana shrigandha pankankitam

kasturi tilakancha phalaphalake gorochana patrakam

gandadarshana mandale nayanayo rdivyanjanam tenchitam

kanthanni mriganabhipanka mamalam twatritaye kalpyatam ||

kalharotpala mallika maruvakeh sauvarnapankeruhaih

jaji champaka malati vakulakai rmandara kundadibhih

ketakya karavirakai rbhahuvidhaih kluptah sajomalikah

sankalpena samarpayami varade santushtaye grihyatam ||

hantaram madanasya nandayasi yairangai ranangojjwalai

ryairbhringavali nilakuntalabharai rbadhnasi tasyashayam

tanimani tavamba komalatara nyamoda lilagriha

nyamodaya dashanga guggulu ghritai rdhupai raham dhupaye ||

lakshmimujjwalayami ratnanivaho dbhasantare mandire

malarupa vilambitai rmanimaya stambheshu sambhavitaih

chitrairhataka putrika karadhritairgavairghritairwarthitaih

divyai rdipaganai rthiya girisute santushtaye kalpyatam ||

hrinkareshwari taptahataka kritaih sthali sahastrairyutam

divyannam ghrita supashaka bharitam chitrannabhedam tatha

dugdhannam madhusharkara dadhiyutam manikyapatre sthitam

mashapupa sahasramambasa phalam naivedya mavedaye ||

sachchhayairwara ketaki dalarucha tambulavalli dalaih

pugairbhurigunaih ssugandhi madhuraih karpura khandojjwalaih

muktachurna virajitai rrihuvidhai rwakrambuja moditaih

purnaratnakalachika tava mude nyasa&ta purastadume ||

kanyabhih kamaniya kantibhi ralankaramala rartika

patre mauktika chitrapankti vilasa tkarpura dipalibhih

tattattala mridangagita sahitam nritya tpadambhoruham

mantraradhana purwakam sunihitam nirajanam grihyatam ||

lakshmirmaukti kalakshakalpita sita chchhatram tu dhatte rasa

dindrani cha ratishcha chamaravare dhate &ta swayambharati

vinamena vilochana ssumanasa tanrityanti tadragava

dbhavai rangika satwikaih sphutarasam mata stwamakarnyatam ||

hrinkara traya samputena manuno pasye trayi maulibhih

vakyai rlakshyatano ! tava stuti vidhau ko vakshametambike

sallapastuृtayah pradakshinashatam sanchara evastute

sanvesho namassahasra makhilam santushtaye kalpatam ||

shri mantrakshara malaya girisutam yah pujayechchetasa

sandhyasu prativasaram suniyatastasyamala syachirat

chittambhoruha mantape girisuta nrittam vidhatte rasa

dwani vaktrasaroruhe jaladhija gehe jaganmangala ||

iti girivaraputri padarajiva bhusha bhuvana mamalayanti suktisaurabhya saraih

shivapada makaranda syandini mannibadda

madayatu kavibhringa nmatrika pushpamala ||