మొట్ట మొదటిగా అందరికి నమస్కారము. తులసీ మాత అంటేనే తులసి మొక్కకు దేవతా రూపంగా భావించి పూజించడం. హిందూ ధర్మంలో తులసీ మాతకు ప్రత్యేక స్థానం ఉంది. తులసీ అనేది పవిత్రమైన మొక్క, విశేషించి విష్ణుమూర్తికి ప్రియమైనది. తులసీ మొక్కను పూజించడం వల్ల మనకు శుభాలు కలుగుతాయని మన పురాణాలు, శాస్త్రాలు పేర్కొన్నాయి. ఈ రోజు మన అంతర్జాల స్థలం అనగా వెబ్‌సైట్ నందు తులసి మాత మంగళ హారతులు భక్తి గీతాలలో తెలుసుకుందాం…

తులసీ ప్రదక్షిణం

గోప ప్రదక్షిణం నీకిస్తినమ్మా ।
గోవిందు సన్నిధి నాకియ్యవమ్మా ।
ఒంటి ప్రదక్షణం నీకిస్తినమ్మా ।
వైకుంఠ సన్నిధీ నాకియ్యవమ్మా ।
రెండో ప్రదక్షిణం నీకిస్తినమ్మా ।
నిండారు సంపదలు నాకియ్యవమ్మా ।
మూడో ప్రదక్షిణం నీకిస్తినమ్మా ।
ముత్తైదువతనం నాకియ్యవమ్మా ।
నాల్గో ప్రదక్షిణం నీకిస్తినమ్మా ।
నవధాన్య రాసులను నాకియ్యవమ్మా ।
అయిదో ప్రదక్షిణం నీకిస్తినమ్మా ।
అయువైదోతనం నాకియ్యవమ్మా ।
ఆరో ప్రదక్షిణం నీకిస్తినమ్మ ।
అత్తగల పుత్రుడ్ని నాకియ్యవమ్మా ।
ఏడో ప్రదక్షిణం నీకిస్తినమ్మా ।
వెన్నుని ఏకాంత సేవియ్యవమ్మా ।
ఎనిమిదో ప్రదక్షిణం నీకిస్తానమ్మా ।
యమునిచే బాధలు తప్పించవమ్మా ।
తొమ్మిదో ప్రదక్షిణం నీకిస్తినమ్మా ।
తోడుతా కన్యలకు తోడియ్యవమ్మా ।
పదో ప్రదక్షిణం నీకిస్తినమ్మా ।
పద్మాక్షి నీ సేవ నాకియ్యవమ్మా ।
వెదలు పాడితే ఏకాశి మరణం ।
పుణ్యస్త్రీలు పాడితే పుత్ర సంతానం ।
రామ తులసీ లక్ష్మీ తులసి నిత్యం ।
మా యింట వెలుగై విలసిల్లవమ్మా ।

తులసి గోవిందం

కుదుళ్ళ తులసికి గోవిందా రామ ।
ఉదక మొడ్డించితే గోవిందా రామ ।
కూర్మాము తానాలు గోవిందా రామ ।
చేసివచ్చిన ఫలము గోవిందా రామ ।
మొక్కల తులసికి గోవిందా రామ ।
ఉదక మొడ్డించితే గోవిందా రామ ।
మొక లింగ తానాలు గోవిందా రామ ।
చేసి వచ్చిన ఫలము గోవిందా రామ ।
ఆకుల్లో తులసికి గోవిందా రామ ।
ఉదక మొడ్డించితే గోవిందా రామ ।
హర్షవల్లి తానాలు గోవిందా రామ ।
చేసి వచ్చిన ఫలము గోవిందా రామ ।
జంట తులసికి గోవిందా రామ ।
ఉదక మొడ్డించితే గోవిందా రామ ।
జగన్నాధ తానాలు గోవిందా రామ ।
చేసి వచ్చిన ఫలము గోవిందా రామ ।
పువ్వుల్ల తులసికి గోవిందా రామ ।
ఉదక మొడ్డించితే గోవిందా రామ ।
వున్నెగిరి తానాలు గోవిందా రామ ।
చేసి వచ్చిన ఫలము గోవిందా రామ ।
కాయల్ల తులసికి గోవిందా రామ ।
ఉదక మొడ్డించితే గోవిందా రామ ।
కాశీలో తానాలు గోవిందా రామ ।
చేసి వచ్చిన ఫలము గోవిందా రామ ।
పండిన తులసికి గోవిందా రామ ।
ఉదక మొడ్డించితే గోవిందా రామ ।
ఏడేడు లోకాలు గోవిందా రామ ।
తిరిగి వచ్చిన ఫలము గోవిందా రామ ।

మరిన్ని భక్తి గీతాలు : 

• గోపికా విరహగీతమ్
• సప్తశ్లోకీ గీతా
• గోపికాగీతమ్
• సాయి భక్తి కుసుమాలు
• మంగళ హారతి పాటలు
• సాయి! ఏర్చి కూర్చి పేర్చితిని… !
• సాయి సమాజ తాంబూలము
• సాయి బ్రతుకు బాటలు
• సాయి మనస్సు మణిహారములు
• పార్వతీదేవి మంగళ హారతులు
• శ్రీకృష్ణ మంగళ హారతులు
• శ్రీరాముడు మంగళ హారతులు

Ammavari Mangala Harathi Patalu In Telugu – మంగళ హారతులు

మొట్ట మొదటిగా అందరికి నమస్కారము. అమ్మవారి పుణ్యమి అని పిలిచే అమ్మవారు మన భారతీయ సాంప్రదాయంలో ఎంతో ముఖ్యమైన స్థానాన్ని కలిగి ఉన్నారు. అమ్మవారు అనగా దేవతా స్వరూపమైన తల్లి అని అర్థం. వివిధ ప్రాంతాల్లో అమ్మవారు వివిధ పేర్లతో పూజింపబడతారు. భారతీయుల విశ్వాసాలలో అమ్మవారు అన్ని శక్తులకు మూలమైన, సృష్టి, స్థితి, లయాలకు అధిపతిగా భావించబడతారు. ఈ రోజు మన అంతర్జాల స్థలం అనగా వెబ్‌సైట్ నందు అమ్మవారి మంగళ హారతులు భక్తి గీతాలలో తెలుసుకుందాం…

దేవీ త్రినేత్రణీ

పావన స్వభావ దేవీ శ్రీదేవీ
(శంకరాభరణ స్వరాలు – త్రిశ్రం తాళం)

చ 1) దేవీ త్రినేత్రీణి దివ్య సుకృతి
నవ్య హరతీ
అవ్యయ హారతీ – దివ్యహారతి-సతీసార హారతీ॥

చ 2) జగములేల చాలును
నీ చరణ యుగళియే
చరణయుగళియే – చరణయుగళియే
కరుణ యుగళియే – సతీ పంచయుగలకీ॥

చ 3) నరసమాంబ ఆశ్రితవరా
సరస గుణగుణా
సరస గుణగుణా సరస గుణగుణా
సరస గుణగుణా సతీ సర్వగుణగుణా

జయ జయ హారతి జయ వరలక్ష్మీ

ప్రియనయ జయలక్ష్మీ వరలక్ష్మీ
(పున్నాగ వరాళి రాగం – ఆదితాళం)

పల్లవి: జయ జయ హారతీ జయవరలక్ష్మీ
జయ జయ మంగళ మమ్మా భవానీ

||జయ||

చ 1) పతిత పావనీ పాపవిమోచని
పరమ కృపాకరి శుభ శాంభవి

||జయ||

చ 2) కోటి సూర్య వంశాభరణీ
మాతా మహేశ్వరీ మము బ్రోవుమమ్మా

||జయ||

మణి మాణిక్యాంబ నీకు మహిత మంగళం

మాణిక్య వీణాపాణీ! మాణిక్యాంబా!
(పీలురాగ స్వరాలు – త్రిశ్రం తాళం)

చ 1) మనీ మాణిక్యాంబ నీకు మహిత మంగళం
దేవి నీదు పాదములకు దివ్యమంగళం

॥మణి॥

చ 2) దేవి నీకు సరిసమాను లెవరు లేరుగా
దేవరాజు మునులు పొగడ దివ్య మంగళం

॥మణి॥

మంగళ హారతిదే ఓ అనసూయాదేవీ

అమృతానందమయీ! అనసూయాదేవీ!
(హరికాంభోజి స్వరాలు – త్రిశ్రగతి ఆదితాళం)

పల్లవి: మంగళం హారతీదే శ్రీ అనసూయాదేవీ నీకు
మంగళహారతిదే శ్రీ అత్రిమహాముని అతివా

చ 1) చిన్ననాటి నుండి నీవు పతిభక్తితో మెలగి
నారద మహామునికి రాళ్లు సెనగలు చేసితిని

॥మం॥

లక్ష్మీ సరస్వతి పార్వతీ దేవులు గూడి మిమ్ము
భంగము చేయుటకు పతులను వేడితి

॥మం॥

చ 3) ముగ్గురు మూర్తులు ఏక కాలము నందు
అతిధులై వచ్చిరట అత్రిమహాముని కడకు

॥మం॥

చ 4) అన్నంబు కూరలు అతివ వడ్డించగ
వంటి వస్త్రంబుతోటి వద్దుపో పొమ్మనిరి

॥మం॥

చ 5) పతివ్రతవు నీవు కనుక పతినామ స్మరణచేసి
కమండల ఉదకములో గ్రక్కున చల్లితివి

॥మం॥

చ 6) ముగ్గురు మూర్తులు ముద్దుబాలురై
ఉగ్గుబాలు పోసి నీవు ఉయ్యాల లూపితివి

॥మం॥

చ 7) లక్ష్మీ సరస్వతి మరి పార్వతీదేవి గూడి
పరుగున వచ్చితిరి ఆత్రిముని ఆశ్రమమునకు

॥మం॥

చ 8) పతిభిక్ష పెట్టమని పాదములపై బడగ
ఉయ్యాలలో బాలురను ఒడిలోను ఉంచితివి

॥మం॥

చ 9) తల్లీ మీకు మేము వరములిస్తామంటే
త్రిమూర్తులు నీ కడుపున పుట్టుటే కోరితివి

॥మం॥

చ 10) వరుసతో వారింట దత్తాత్రేయులై జన్మించి
సంతోష సాగరమున నోలలాడించితివి

॥మం॥

మంగళగిరికి మంగళ మివ్వరే

హరి మనోహర విహరీ గిరీ!
(మోహనరాగం – మిశ్రచాపుతాళం)

చ 1) మంగళ గౌరికి మంగళమివ్వరె
గంగాధరుని రాణి గౌరి పార్వతి

॥మం॥

చ 2) అష్ట హస్త్రములతో అవతరించినట్టి
దుష్ట సంహారిణికి తుహిన గిరిజకపుడు

॥మం॥

మంగళమిదే మాతా అన్నపూర్ణ

అర్ణవోదీర్ణా! అపర్ణా! అన్నపూర్ణా!
(పుష్పతిలకా రాగం – ఆదితాళమ్)

పల్లవి: మంగళమిదె మాతా అన్నపూర్ణా
రంగని సోదరి మగళాంబ నీకు

॥మం॥

చ 1) విశ్వ జనని నీదు మాతా అన్నపూర్ణ
విశ్వముల వాసి విశ్వనాధు రాణి

॥మం॥

చ 2) సాక్షి రూపిణివి మోక్షదాయినివి-మహ
లక్ష్మీ నా మొర విను విశాలాక్షి తల్లీ

॥మం॥

చ 3) సారసాక్షి నన్ను సరగను బ్రోవు
వారణాసి పురి గౌరీ భారతాంబ

॥మం॥

చ 4) మానసమున నీదు ధ్యాన మెపుడు మరువ
దాసురాల నిదే మంగళంబు నీకు

॥మం॥

రమణీ మంగళ మనరే

సుమనస సుమరస రమణీయ మణీ!
శ్రీలక్ష్మీ (వసంత రాగం – త్రిశ్రగతి ఆదితాళం)

పల్లవి: రమణీ మంగళ మనరే
కమలాల యకు నిట

॥రమణీ||

చ 1) సమద కుంజర యానకు సుకృత విధానకు
కమల రిపు బిండానకు
కర కమల ముకుళ భక్తాభిమానకు

॥రమణీ||

చ 2) లలిత పల్లవ పాణికి నీల జలధర నిభ వేణికీ
జలజ లోచను రాణికీ సాధు సుగుణ శ్రేణికి

॥రమణీ||

చ 3) కలుము లీనెడు మొలక నవ్వుల కలికికి తలిరుబోణికి
సారస దళ నేత్రికి – సౌమ్య
చారు శోభన గాత్రికి

॥రమణీ||

చ 4) భూరి కరుణా ధాత్రికి సర్వ వనితా మైత్రికి
క్రూరభవ త్రికాల మిత్రకు క్షీరపారావార పుత్రికి

॥రమణీ||

చ 5) పోషితాఖిల లోకకూ దురిత తాపన రాగకూ
శేష దాసావన సరోరుహ
శ్రీకరావళీ కమల లోకకు

॥రమణీ||

రమణీ నీకిదుగోనే రతనాల హారతి

అతులిత వితరణి బాణి! లక్ష్మీ
(కేదార రాగం – మిశ్రచాపు తాళం)

పల్లవి: రమణి నీ కిదుగోనే! రతనాల హారతి
హారతి గైకొని! అష్టఐశ్వరము లీయవే

॥రమణీ॥

చ 1) నిదుర కంటికి లేక నిన్ను నే ప్రార్థింతు
నన్ను మన్ననజేసి నళినాక్షి వర మీయవే

॥రమణీ॥

చ 2) అలరు బోణిరొ నీకు! అమరిన పూజలు
మహాలక్ష్మీ మమ్ము బ్రోవు! మాదేవి మామీద దయచూడు

॥రమణీ॥

చ 3) ఐదవతనము చాల! ఆతివ కోరితి నమ్మా
ఆలస్య మిక నేల! ఆనతియ్యవే తల్లీ

॥రమణీ॥

రాణి భారతి శర్వాణి భారతి

అజుని రాణీ! వీణా పుస్తక పాణి!
(సింధుభైరవి రాగం – ఆదితాళం)

చ 1) రాణీ భారతీ శార్వాణీ భారతీ
పాణిలోచనా గొనుము ఇదే ముత్యాల హారతి

॥ రాణీ ॥

చ 2) పల్లవా ధర మృధు వల్లనాధరా
మల్లెపూల సరు లొసగెద మగువ హారతి

॥ రాణీ ॥

చ 3) మధుర భాషిణీ ఈ మందహాసినీ
సదా కావలెనే ముదం బొప్పగా

॥ రాణీ ॥

మమ్ముల నేలిన లలితా హారతి

(భైరవి రాగం – ఆదితాళం)

పల్లవి: మమ్ముల నేలిన లలితా హారతి
యమ్మగు నీ చరణముమ్మలే మా గతి
సమ్ముద మొప్పగ రమ్మమ్మా యిటు

॥మ॥

చ 1) అమ్మా రాజరాజేశ్వరీ దేవీ
నమ్మితి నీ చరణమ్ములే లలితా
నమ్మినకృప శ్రీ త్రిపుర సుందరీ
యిమ్మహి నను బ్రోవగ రమ్మమ్మా

॥మ॥

చ 2) పలుకుల తేనెలు చిలికిన
చిలుకల కొలికి లలిత లలితరస
గులికా తలపులు నిలిపితి నీపై
అలరుచు వచ్చీ ఆదుకొనుము సతి

॥మ॥

సుందరీ శుభవదన

ఆనంద నందన వన సుందరీ! త్రిపుర సుందరీ
(పూరీ కళ్యాణిరాగం – రూపక తాళం)

పల్లవి: సుందరీ శుభవదనా
వందన మిదె గొను త్రిపుర

॥సుందరీ॥

చ 1) అభయమిచ్చి బ్రోచునట్టి త్రిభువనేశ్వరి
శుభదాయని శంకరి కృపగొను కామేశ్వరి

॥సుందరీ॥

చ 2) దిక్కునీవే నమ్మియుంటి దీనన బ్రోవవే
మక్కువతో నీ పదములు మ్రొక్కెదనే మోహనాంగీ

॥సుందరీ॥

చ 3) నీదు మాయ తెలియతరమే హే దయానిధే అంబా

హారతి గొనుమా

సుమరస సుమ కోమలాంగీ బాల త్రిపుర సుందరీ
(జంఝాటిరాగం – జుంపె తాళం)

పల్లవి: హారతి గొనుమా కమలాలయా
రామా కర్పూరపు హారతి

॥హారతి ||

అనుపల్లవి: నారీ నీపాద వారిజములు
కోరెదను మది జయ హారతి

॥హారతి ||

చ 1) పల్లవ పాణి బాణి బాలికామణి
చాల నమ్మితి బాలరో యికజాల
మేలను బ్రోవగ జయహారతి

॥హారతి ||

చ 2) ఇందువదనా సింధుర మందగమనా
కుందరవదన బొగడగ జయహరతీ

॥హారతి ||

హారతు లివ్వరే నారీమణులారా!

పరమ పావనీ తిరుప్పావై ఆండాళ్ళదేవీ
(భైరవిరాగం – మిశ్రచాపు తాళం)

పల్లవి: హారతులివ్వరే నారీమణులారా
వారిజాక్షులు మా తల్లి ఆండాళ్ళుకు

॥హారతు॥

చ 1) పచ్చలు స్థాపిన పళ్ళెరములో
ముచ్చటలదీర మత్స్య కంఠులార

॥హారతు॥

చ 2) తల్లి తాయారుకు శ్రీదేవి భూదేవి
కెల్ల కోర్కెలిచ్చు కర్పూరాండాళ్ళుకు

॥హారతు॥

చ 3) తల్లి చంద్రమతి ద్రౌపది మానవతి
సకల కోర్కె లిచ్చి యాండాళ్ళుకు

॥హారతు॥

చ 4) కోరిన వారికి కొంగు బంగారమై
సమస్త కోర్కెలిచ్చు తల్లి యాండాళ్ళుకు

॥హారతు॥

ఆదరించి మమ్ము బ్రోచి చేకొను హారతి

॥సుందరీ॥

హారతి గొనుమా

సుమరస సుమ కోమలాంగీ బాల త్రిపుర సుందరీ
(జంఝాటిరాగం – జుంపె తాళం)

పల్లవి: హారతి గొనుమా కమలాలయా
రామా కర్పూరపు హారతి

॥హారతి ||

అనుపల్లవి: నారీ నీపాద వారిజములు
కోరెదను మది జయ హారతి

॥హారతి ||

చ 1) పల్లవ పాణి బాణి బాలికామణి
చాల నమ్మితి బాలరో యికజాల
మేలను బ్రోవగ జయహారతి

॥హారతి ||

చ 2) ఇందువదనా సింధుర మందగమనా
కుందరవదన బొగడగ జయహరతీ

॥హారతి ||

శ్రీరంగ మణికిని – శ్రితకల్పవల్లికిని

ధీమణి! సుమాణి! నభోమణీ బీబీ నాంచారీ
(మధ్మమావతి రాగం ఆదితాళం)

పల్లవి: శ్రీరంగమణీకని! శ్రితకల్పవల్లికిని
చిత్తజుని తల్లికిని! శ్రీపతికి
నారీ శిరోమణికిని! నవపద్మ పాణికి
నన్నేలు శ్రీరంగ! నాంచారునకు

||జయ మంగళం మహోత్సవ మంగళం||

చ 1) సొగసుగడు మెరయ! కర్పూరపు పరిమళము
ముదముగను జవాది! మేనలది
అగణితంబైనట్టి! హారములు ధరియించి
నగుచున్న శ్రీరంగ! నాంచారునకు

||జయ||

చ 2) కోటలేడును చుట్టు! కోవెలలు నూటారు
నాటుకొని కావేరీ! నడుమనున్న
నాటకుడు శ్రీరంగనాధు! వక్షము నందున
నటియించు శ్రీరంగ! నాంచారునకు

||జయ||

చ 3) బంగారు పళ్ళెరములో! భాసిల్లు నవరత్న
శృంగారమైన మంగళహారతి
అంగీకరించి మాకు! అఖిల సంపదలొసగు
రంగైన శ్రీరంగ నాంచారునకు

||జయ||

సర్వం హనుమదర్పణమస్తు

లలితా హారతి

శ్రీ చక్రపురమందు స్థిరమైన శ్రీ లలిత – పసిడి పాదాలకిదె నీరాజనం
రమేశ్వరుని పుణ్యభాగ్యాలరాశి ఆ సింహమధ్యకు రత్న నీరాజం

– బంగారు తల్లికిదె నీరాజనం

1. బంగారు హారాలు సింగారు మొలకించు అంబికా హృదయకూ నీరాజనం
శ్రీగౌరి శ్రీమాత శ్రీమహారాజ్ఞి శ్రీసింహాసనేశ్వరికి నీరాజనం

||బంగారం||

2. కల్పతరువై మమ్ము కాపాడు కరములకు కనకంబు కాసులతొ నీరాజనం
పాశాంకుశ పుష్పబాణ చాపదారికి, పరమపావనమైన నీరాజనం

||బంగారం||

3. కాంతి కిరణాలతో కలికిమెడలో మెరిసే కళ్యాణ సూత్రమునకు నీరాజనం
కాంతలందరి పసుపు-కుంకుమలు కాపాడు కాత్యాయినికి నిత్యనీరాజనం

||బంగారం ||

4. చిరునవ్వులొలికించు శ్రీదేవి అధరాన శతకోటి నక్షత్ర నీరాజనం
కలవరేకులవంటి కన్నుల తల్లి శ్రీరాజరాజేశ్వరికి నీరాజనం

||బంగారం||

5. ముదమారమోమున ముచ్చటగ ధరియించు కస్తూరి కుంకుమకు నీరాజనం
చంద్రవంకను శిరోమకుటముగా దాల్చు సౌందర్యలహలకిదే నీరాజనం

||బంగారం||

6. శుక్రవారము నాడు శుభములొసగే తల్లి శ్రీ మహాలక్ష్మీకిదే నీరాజనం
శృంగేరి పీఠమున సుందరాకారిణి, శారదామాయికిదే నీరాజనం

||బంగారం||

7. ముగ్గురమ్మలకును మూలమగు పెద్దమ్మకు ముత్యాలతో నిత్యనీరాజనం
జన్మజన్మల తల్లి జగధీశ్వరి నీకు భక్తజనులిచ్చేటి నీరాజనం

||బంగారం||

8. సకల హృదయాలలో బుద్ధి ప్రేరణ చేయు తల్లి గాయత్రికిదె నీరాజనం
ఆత్మార్పణతో నిత్యనీరాజనం బంగారం తల్లికిదే నీరాజనం

||బంగారం||

అంబ నీకిదిగో మంగళ త్రికాలమందు దేవి నీకిదిగో మంగళం

||బంగారం||

మంగళ హారతి

రచయిత : బ్రహ్మశ్రీ బేతవోలు రామబ్రహ్మం

శీతాద్రి శిఖరాన పగడాలు తాపించు
మా తల్లి లత్తుకకు నీరాజనం – కెంపైన నీరాజనం

– భక్తి పెంపైన నీరాజనం.

యోగీంద్ర హృదయాల మ్రోగేటి మా తల్లి
బాగైన అందెలకు నీరాజనం – బంగారు నీరాజనం

– భక్తి పొంగారు నీరాజనం.

నెలతాల్పు డెందాన వలపు వీణలు మీటు
మా తల్లి గాజులకు నీరాజనం – రాగాల నీరాజనం

– భక్తి తాళాల నీరాజనం.

మనుజాళి హృదయాల తిమిరాలు సమయించు
మా తల్లి నవ్వులకు నీరాజనం – ముత్యాల నీరాజనం భక్తి

– భక్తి జతనాల నీరాజనం.

చెకిళ్ళ కాంతితో క్రిక్కిరిసి అలరారు
మా తల్లి ముంగరకు నీరాజనం – రతనాల నీరాజనం

– భక్తి జతనాల నీరాజనం.

పసిబిడ్డలను జేసి ప్రజనెల్ల పాలించు
మా తల్లి చూపులకు నీరాజనం – అనురాగ నీరాజనం

– భక్తి కనరాగ నీరాజనం.

దహరాన కనిపించు ఇనబింబ మనిపించు
మా తల్లి కుంకుమకు నీరాజనం – నిండైన నీరాజనం

– భక్తి మెండైన నీరాజనం.

తేటిపిల్లల వోలె గాలి కల్లలనాడు.
మా తల్లి కురులకు నీరాజనం – నీలాల నీరాజనం

– భక్తి భావాల నీరాజనం.

జగదేకమోహిని, సర్వేశగేహిని
మా తల్లి రూపునకు నీరాజనం – నిలువెత్తు నీరాజనం

– భక్తి విలువెత్తు నీరాజనం.

మరిన్ని భక్తి గీతాలు : 

• గోపికా విరహగీతమ్
• సప్తశ్లోకీ గీతా
• గోపికాగీతమ్
• సాయి భక్తి కుసుమాలు
• మంగళ హారతి పాటలు
• సాయి! ఏర్చి కూర్చి పేర్చితిని… !
• సాయి సమాజ తాంబూలము
• సాయి బ్రతుకు బాటలు
• సాయి మనస్సు మణిహారములు
• పార్వతీదేవి మంగళ హారతులు
• శ్రీకృష్ణ మంగళ హారతులు
• శ్రీరాముడు మంగళ హారతులు

Lord Rama Mangala Harathi With Lyrics In Telugu – మంగళ హారతులు

మొట్ట మొదటిగా అందరికి నమస్కారము. శ్రీరాముడు (లేదా శ్రీరామచంద్రుడు) హిందూ మతంలో ప్రముఖమైన దేవుడు. ఆయనను విష్ణువు యొక్క ఏడవ అవతారంగా పూజిస్తారు. రాముడు ఐక్య వేదాన్తం, ధర్మ పరిపాలకుడు, సత్యవ్రతుడు, క్షమాశీలతగల వ్యక్తి, గొప్ప భర్త, ప్రేమపూర్వక భక్తుడు మరియు క్షమాశీలతగల రాజు అని పిలుస్తారు. శ్రీరాముడు దశరథ మహారాజు మరియు కౌసల్యాదేవి కుమారుడిగా అయోధ్యలో జన్మించాడు. రాముడి కథ ప్రధానంగా రామాయణం అనే మహాకావ్యంలో వర్ణించబడింది. వాల్మీకి మహర్షి రాసిన ఈ రామాయణం, 24,000 శ్లోకాలతో, రాముడి జీవితాన్ని మరియు ఆయన యాత్రలను వివరిస్తుంది. ఈ రోజు మన అంతర్జాల స్థలం అనగా వెబ్‌సైట్ నందు శ్రీరాముడు మంగళ హారతులు భక్తి గీతాలలో తెలుసుకుందాం…

ధీరునకు వనధి గంభీరునకు

శుంభత్సారంభ గాంభీర్యా! శ్రీరామా
(పున్నాగవరాళి రాగం – మిశ్రచాపుతాళం)

చ 1) ధీరునకు వనధి గంభీరునకు
దుష్ట సంహారునకు ఘనమణి హరునకునూ,
హర కర్పూర నీ హర హీర పటీర
రాళి కీర్తి విస్తారునకునూ

॥జయ మంగళం నిత్య శుభ॥

చ 2) మంగళము రామునకు మహిత శుభధామునకు
మంగళము సీతా సమేతునకునూ
మంగళము సుర మకుట మణి లలిత పాదునకు
మంగళము క్షీరాబ్ధి మందిరునకూ

॥జయ మంగళం నిత్య శుభ॥

చ 3) అద్యునకు బ్రహ్మది వేద్యునకు
దుర్మదభేద్యునకు ప్రజరుజా వైద్యునకునూ
సద్యోఫల ప్రదున కాద్యంత రహితునకు
విద్యా విలేక జన హృద్యునకూ

॥జయ మంగళం నిత్య శుభ॥

చ 4) జైత్రునకు సౌమిత్రి మిత్రునకు
భక్తవన చైత్రునకు నవపద్మ నేత్రునకునూ
మిత్ర వంశాబ్ది సన్నిత్రునకు సుర వినుత
పాత్రునకు జగదవని సూత్రునకునూ

॥జయ మంగళం నిత్య శుభ॥

నిరాకారా నిరంజనా నీకు హారతి

నీహార సాకార నిర్మలానందా! శ్రీరామా
(పూరి కళ్యాణ రాగం – త్రిశ్రగతి తాళం)

పల్లవి: నిరాకార నిరంజనా నీకు హారతీ
మా రామచంద్రునకు మనసు హారతీ నా మనసు హారతీ

॥ నిరాకార

చ 1) పంచభూతములను ఐదు
ప్రమిదల గాను చేసినాను
మించిపోయే గుణము తీసి
మంచి వత్తి వేసినాను
అహంకారమనే గుణము తీసి
అక్షతలు చేసినాను
కామమనే గుణము తీసి
తరచి చమురు పోసినాను

చ 2) మాయ అనే తెరను తీసి దక్షిణగా ఉంచినాను
దూషణమనే గుణము తీసి ధూపముగ వేసినాను
కామ క్రోధములను తీసి కైవత్తిగ వెలిగించినాను
ప్రేమయనే గుణముతీసి నైవేద్యము చేసినాను

||నిరాకార||

బాలుడా నీకిదే హారతీ

శ్రీరామ జయరామ జయ జయ రామ
శ్రీరామచంద్రా నీకు కర్పూర హారతి – వలె
(శంకరాభరణ రాగం – మిశ్రచాపు తాళం)

చ 1) బాలుడా నీ కిదే హారతి
సుగుణ బాలుడవై వర్థిల్లుమా
చాలగ దేవదేవులు కొలచుచు
శాశ్వత సుఖముల నొందుమా

॥బాలుడా||

చ 2) విద్యాధికుల వెలయుచు విద్యల
వేదమె నేర్చి సుఖింపుమా
ఘనమతినై విద్యా గురువుల యెడ
కడు భక్తిని చెల్లింపుమా

॥బాలుడా||

చ 3) ఆయుర్భాగ్యము నొంది ధరిత్రిని
అఖిల సుఖముల నొందుమా
కృత్యం బైన సనాతనంబు మును
హితమతి తోడ చరింపుమా

॥బాలుడా||

చ 4) జననీ జనకుల అజ్ఞల నెల్ల
సతతము తలను ధరింపుమా
పాయని దేహారోగ్య సుఖముల
నిత్యముగ బడసి వర్థిల్లుమా

॥బాలుడా||

చ 5) బంధు జనాదరంబు నీకు ఇల
పాత్రుడవై చరియింపుమా
బంధ విమోచన పరామాత్ముని
కడు భక్తిని చెల్లింపుమా

॥బాలుడా||

మంగళ మనరేమీ రంగనా మణులారా

రంగు హొరంగు చెలరేగిన శ్రీరామా
కాంభోజి రాగం – త్రిశ్రగరి ఆదితాళం)

పల్లవి: మంగళ మనరేమీరంగనామణులారా!
పొంగుచు దాసుల బ్రోచిన స్వామికి

చ 1) దశరథ పుత్రునకు దశముఖ శత్రువునకు
శశివదనునకు విశద చారిత్రునకు

॥మం॥

చ 2) పుండరీకాక్షునకు కుండల శయనునకు
చండ విక్రమునకు ఆంజనేయ సఖునకు

॥మం॥

చ 3) ఘననిభ తేజునకు మునిజన పూజ్యునకు
అమరనుత సేవ్వునకు జానకీనాథునకు

॥మం॥

చ 4) మదన సుందరునకు సదమల గాత్రునకు
సదయ సద్భక్తునకు ఉదయగిరి నిలయునకు

॥మం॥

మంగళం ధీరునకు

సారభీర ధీరోదారునకు సూర్యరాయ
అరభి రాగం – త్రిశ్రగతి ఆదితాళం)

చ 1) మంగళం ధీరునకు అబ్ధి గంభీరునకూ
దుష్ట సంహారునకూ ఘన మణీహారునకు
హారతి కర్పూర – నీ హార హార పటీర
తారాళి కీర్తి విస్తారునకు మంగళం||

చ 2) మంగళం రామునకు మహిత శుభనామమునకు
మంగళం సీతా సమన్వితునకు మంగళం|
సుర మకుట మణి కలిత పాదునకు మంగళం
క్షీరాబ్ధి మందిరునకు జయ మంగళం||

చ 3) అద్యునకు బ్రహ్మదివేద్యునకు దుర్మదా
భేద్యునకు ప్రజరుజా వైద్యునకు సర్వపాప
హరునకు సద్యఃఫల ప్రదునకు ఆద్యంత
రహితునకు విద్యా వివేక జన హృద్యునకు

చ 4) జైత్రునకు సౌమిత్రి మిత్రునకు భక్తవన
చైత్రునకు నవపద్మ నేత్రునకునూ మిత్ర
వంశాబ్ది సన్మిత్రునకు సురవినుత పాత్రునకు
జగదావన సూత్రునకు జయ మంగళం|

మంగళ మిదిగో మందర ధరా

సంకందన సుందర వందితా శ్రీరామా
(హరి కాంభోజిరాగం – మిశ్రచాపుతాళం)

చ 1) మంగళ మిదిగో మందర ధరా
మధుసూదనా పలు! మాట లింతేనా

॥మం॥

చ 2) మత్స్యావతార! కూర్మావతార
రక్షించుము రా రామావతారా

॥మం॥

చ 3) కర్పూర హారతి! కరుణతో గైకొను
కౌశల్య తనయా! కరి రాజ వరదా

॥మం॥

చ 4) గోవిందా శౌరీ! గోపాల కృష్ణా
గోవర్ధ నోద్ధార! కాచి రక్షించరా

॥మం॥

రంగా! నీకిదే మంగళం

రంగదుత్తుంగ నానందతరంగా రంగ!
(మోహనరాగం ఆదితాళం)

పల్లవి: రంగా నీకిదే మంగళం – కస్తూరి రంగా నీకిదే మంగళం
చ 1) రంగ ఖగరాట్ తురంగ కలుష వి
భంగా తవ మోహనాంగా వయ్యారి

॥రంగా॥

చ 2) హరే విబుధ విహారీ ఉభయ
కావేరీ తీర విహారీ వయ్యారి

॥రంగా॥

చ 3) అన్నా యితరుల నన్నెవరు-నీ
కన్న నన్ను బ్రోవుచున్నా-వయ్యారి

॥రంగా॥

చ 4) లీలా శేషాంశు లీలా కరుణాల
వాలా జగత్పరిపాలా-వయ్యారి

॥రంగా॥

చ 5) అయ్యా వరము మాకియ్య నిను నమ్మి
తయ్య నను బ్రోవుమయ్య-వయ్యారీ

॥రంగా॥

చ 6) హాసా మహ చిద్విలాసా శేషాచల
దాశార్చిత పరమేశా-వయ్యారి

॥రంగా॥

రమా రమణ గొనుమా

క్షమా సుమా రామా!
(ఆనందభైరవి రాగం ఆదితాళం)

పల్లవి: రమా రమణ గొనుమా జయ హారతి గొనుమా
అను పల్లవి కౌశల్య సుకుమార కమలా మనోహరా
దశరథ వరపుత్ర శశిశేఖర మిత్రా

॥రమా॥

చ 1) ఈశా పరమేశా జగధీశా దాస జన హృదయ
వాసా చిద్విలాస సర్వలోక వాసా శ్రీనివాసా

చ 2) రామా రఘు రామా రణభీమా
రామా రఘు వంశాంబుధి సోమా
నీల మేఘ శ్యామా నిగమాంత గుణనీమా
తారకరామ స్కందపురి రామా

రామ రామ యని రమణులు స్మరియించి

భూమ క్షేమానంద సీతా శ్రీరామా
(సురట రాగం – మిశ్రచాపుతాళం)
ఘల్లు ఘల్లు మని-వలె

చ 1) రామ రామ యని రమణులు స్మరియించి
రంగైన రాఘవునకు శృంగార గాత్రునకు హరివిల్లు
విరచియు అతివను పెండ్లాడి
అతిఘోర వనములో మసలిన రామా

॥మంగళమ మంగళం||

చ 2) రాతి నాతిగ జేసి రాక్షసులు వధియించి
ఆదివిష్ణుడవయి అవతరించిన స్వామి
ఆ పాప కర్మునిచే అతివను గోల్పోయి
అక్కడ వనములో వెతలు చెందిన స్వామి

॥మంగళమ మంగళం||

చ 3) గురువు ఆజ్ఞకు నాడు అతి బద్ధుడై యుండి
రంగైన తాటకిని సంహరించి, మౌని
జన్నము గాచి సౌమిత్రి జాడగాంచి
సకల సంతోషముతో నీరజనేత్రా

॥మంగళమ మంగళం||

చ 4) నారదు తుంబురులు నృత్యముగానము చేయ
బ్రహ్మరుద్రాదులు పలువిధముల పాడ
దశరథ మహరాజు నిండా దీవెనలిచ్చి
సకల సంభ్రమముతో శోభిల్లు రామా

॥మంగళమ మంగళం||

చ 5) రామ రామ యని రమణులు స్మరియించి
రంగైన రాఘవునకు శృంగార గాత్రునకు
నిగమ గోచర రామ నిత్య పరంధామ
నీకు అర్పణము గాను నీరాజనమ్ము

॥మంగళమ మంగళం||

సీతా రామ జయ మంగళం

దశరథ తనయా జయ మంగళం
రాజీవలోచన జయ మంగళం

చ 1) కౌశల్య వర కుమార ఘనత మీరగ భానువంశ
పాలకా నీకు వజ్రాల హారతు లివిగో

||రామ||

చ 2) ముని వెంట వేగ వెడలి తాటకి మద మణచి
యజ్ఞమును గాచిన స్వామీ నీకు ముత్యాల హారతు లివిగో

||రామ||

చ 3) శృంగారమున సీతకు మంగళ సూత్రము కట్టిన
రంగగు రామా నీకు మంగళ హారతులివిగో

||రామ||

చ 4) ముత్యాల తలంబ్రాలు ముదముతో సీతకు బోసిన
సత్యస్వరూపునకు చంద్రాల హారతి యిదిగో

||రామ||

చ 5) నాలుగోనాడు నాగవల్లి కిపుడు
బలి గావించిన స్వామీ మీకు పచ్చల హారతు లివిగో

||రామ||

చ 6) మెచ్చి సీత నప్పగించి సంతోషించిన
స్వామీ నీకు నీలాల హారతి లివిగో

||రామ||

చ 7) జనకుని కూతురిని జానకిని పెండ్లాడిన
వీర రామచంద్ర నీకు వజ్రాల హారతులివిగో

॥రామ||

రామా! కర్పూర హారతి గైకొనుమా

రవికుల జలథి సోమా రాజలలామా
శ్రీరామా (సింధుభైరవి రాగం – ఆదితాళం)

పల్లవి: రామా కర్పూర హారతి గైకొనుమా

చ 1) సోదరు లిద్దరు లేడి కోసము వేగ
ఆ మాయ రావణుడు అ సీతను కొనిపోగ

॥రామా॥

చ 2) పర్ణశాలకు పోయి వెదకి చూచిన గాని
తరుణి గానక తల్లడిల్లితి శ్రీరామా

||రామా॥

రామచంద్రాయ జనకరాజ మనోహరాయ

ధీరాయ! శుభాయ! నందరాయ! శ్రీరామా
(నవరోజ్ స్వరాలు – త్రిశ్రగతి తాళం)

చ 1) రామచంద్రాయ జనక
రాజతనయ మనోహరాయ మామ కాభీష్ట దాయ

॥మహిత మంగళం||

చ 2) కౌశలేద్రాయ మంద హాసదాస పోషకాయ
వాసవాది వినుత సర్వ

॥దాయ మంగళం||

చ 3) చారు కుంకు మోపోత చందనాది చర్చితాయ
సారకటక శోభితాయ

॥భూరి మంగళం||

చ 4) లలిత రత్న కుండలాయ తులసీ వన మాలికాయ
జలజ సదృశ దేహాయ

॥చారు మంగళం||

చ 5) దేవకీ పుత్రాయ దేవ దేవోత్తమాయ
భావ గురువరాయ

॥భవ్య మంగళం||

చ 6) పుండరీ కాక్షాయ పూర్ణ చంద్రావనాయ
ఆండజ వాహనాయ

॥ఆతుల మంగళం॥

చ 7) రాజ విమల రూపాయ వివిధ వేదాంత వేద్యాయ
సుముఖ చిత్ర కాశితాయ

॥శుభమంగళం||

చ 8) రామదాస మృదుల హృదయ తామరస నివాసాయ
స్వామి భద్రగిరి పరాయ

॥చారు మంగళం||

రామచంద్రా నీకు కర్పూరహారతిస్తును

సుగుణ గుణ సాంద్రా! శ్రీరామచంద్రా!
(శంకరాభరణ రాగం – మిశ్రచాపుతాళం)

చ 1) రామచంద్రా నీకు కర్పూరహారతి గైకొనుమా
పాము మీదను పవళించిన
స్వామి నిన్నిక మరువను

||రామ||

చ 2) ఎన్ని విధముల నన్నుతించిన కన్నులకే కనిపించవా?
నన్నుగన్న తండ్రి నీకే విన్నవించిన బ్రోవవా

||రామ||

చ 3) కోపమేలను దాపుచేరితి పాపములు నెడబాపరా
తామరసాక్ష నీదు పదములు
తప్పకను భజియింతురా

||రామ||

చ 4) పన్నగ గజరాజు నేలిన భక్తవత్సలు డందురూ
నన్ను రక్షణ సేయకుండిన నమ్మా నీ కథలన్నియూ

||రామ||

ధీరునకు వనధి గంభీరునకు

ధీరసమీరా! సారసమీరా! శ్రీరామా
(పున్నాగవళి రాగం – మిశ్రచాపు తాళం)

చ 1) ధీరునకు వనధి గంభీరునకు
దుష్టసంహారునకు ఘనమణీ హారునకునూ
హర కర్పూర నీహార పటీర
తారాళి కీర్తి విస్తారునకునూ

॥జయ మంగళం నిత్య శుభమంగళం ॥

చ 2) మంగళము రామునకు మహిత శుభధామునకు
మంగళం సీతా సమేతునకునూ
మంగళం సుర మకుట మణీలలిత పాదునకు
మంగళం క్షీరాబ్ధి మందిరునకూ

॥జయ మంగళం||

చ 3) ఆద్యునకు బ్రహ్మాది వేద్యునకు
దుర్మద భేద్యునకు భవరుజా వైద్యునకునూ
సద్యోఫల ప్రదున కాద్యంత రహితునకు
విద్యా వివేక జనహృద్యునకూ

॥జయ మంగళం||

చ 4) జైత్యునకు సౌమిత్రి మిత్రునకు
భక్తవన చైత్రునకు నవపద్మ నేత్రునకునూ
మిత్రవంశాబ్ది సన్మిత్రునకు సుర వినుత
పాత్రునకు జగదావన సూత్రునకునూ

॥జయ మంగళం ॥

సీతా సమేతాయ

సీతాఖ్యాత సంప్రీతా సీతా
(అఠాణా రాగం – జుంపె తాళం)

చ 1) సీతా సమేతాయ శ్రితమనోల్లాస
నీతి వాక్యాయ అతి నిర్మలాయ
రాతి నాతిగ జేసి రక్షంచి జగములను
దాతవై బ్రోచు దశరథ సుతాయ

॥జయ మంగళం నిత్యశుభ||

చ 2) మౌనితో చనుదెంచి దుష్టరక్షణము చేసి
శివుని విల్విరిచి సీతను వరియించి
అయోధ్యపురికి భువినెన్నగ
జనుదెంచి కౌశల్యా గారాలపట్టికిపుడు

॥జయ॥

చ 3) రామచంద్రున కపుడు రాజ్యాభి షేకంబు
చేయవలెనని రాజు చెప్పగాను
తామసంబున కైక తన వరమ్ములిమ్మనగ
బూమిపై వ్రాలిన పుణ్యదాసుడు

॥జయ॥

హారతి గైకొను అరమరచేయక

గురుతర సుందరవర వదనా! శ్రీరామా
(యమునా కళ్యాణి రాగం తాళం)

పల్లవి: హారతి గైకొను అరమర చేయక
ఆశ్రిత పాలా శ్రీరామచంద్ర

॥హారతి ||

చ 1) శివుని విల్లు విరచి సీతను పెండ్లాడి
పరశురాముని భంగపరచిన శ్రీరామా

॥హారతి ||

చ 2) లక్ష్మణ సోదర తక్షణమేగియు
ఈ స్థితిలోన ఇక దయ చూడు

॥హారతి ||

చ 3) అచ్యుతా! అహల్యా శాప పరిహారా
సీతా మనోహరా శ్రీరామచంద్రా

॥హారతి ||

హారతి గైకొనుమా శ్రీరామచంద్రా!

రవికుల చంద్రా! సత్కీర్తి సాంద్రా
(కన్నడ రాగం – ఆదితాళం)

పల్లవి: హారతి గైకొనుమా శ్రీరామచంద్రా

చ 1) కర్పూర హారతి కరుణతో గైకొను
కనికర ముంచుమా కౌశల్య తనయా

॥హారతి ||

చ 2) మంగళ హారతి మహిమతో గైకొని
మరి మరి మము బ్రోవ దశరధ తనయా

॥హారతి ||

శ్రీరామా గొను కర్పూర హారతిదిగో

గారా మారగ జేచితికోరా శ్రీరామా
(సింధుభైరవి రాగం – ఆదితాళం)

పల్లవి: శ్రీరామా గొను కర్పూర హారతిదిగో
సీతాదేవికి ముత్యాల హారతిదిగో

చ 1) నిత్య నిరామయ భృత్యుల బ్రోవరారా
సత్య స్వరూపా గొను సర్వేశ హారతిదిగో

||శ్రీరామా||

చ 2) బ్రోవా నందన సుంత ఆది మధ్యాంత శూన్య
వాద భేద విహీన పరమాత్మా హారతిదిగో

||శ్రీరామా||

చ 3) వేంకట శివగురుని శంకలేక బ్రోవ
వేంకట రంగనాయన కిచ్చిన హారతిదే

||శ్రీరామా||

మరిన్ని భక్తి గీతాలు : 

• గోపికా విరహగీతమ్
• సప్తశ్లోకీ గీతా
• గోపికాగీతమ్
• సాయి భక్తి కుసుమాలు
• మంగళ హారతి పాటలు
• సాయి! ఏర్చి కూర్చి పేర్చితిని… !
• సాయి సమాజ తాంబూలము
• సాయి బ్రతుకు బాటలు
• సాయి మనస్సు మణిహారములు
• పార్వతీదేవి మంగళ హారతులు
• శ్రీకృష్ణ మంగళ హారతులు